ईब्‍रीपा 7:19 - ॱलोवा

¹⁹ घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।

ईब्‍रीपा 7:19 Iomraidhean Croise

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

जेपा 13:39

येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 7:7

धा ॱहाना हेक्‍या घी ॱनाये? क्षो़ठीमगो धीक्‍पा लाक से? फुक्‍की मालाक। क्षो़ठीमगो मेना, ङी धीक्‍पा घी हीन्‍गीनगो ङोस्‍येये मेक। घीझ्‍येरी ॱनाना “ख्‍यी़ ॱहाम्‍बा माझ्‍यी।” ॱनेरी क्षो़ठीमगी ॱमाने हो़ना, ॱहाम्‍बा झ्‍यीयेगो घी ले ॱनेरी ङी स्‍येयेमेक।

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

गालातीयापा 3:24

होराङ धेपागोने को़न्‍क्षोक डुङदु याङदाक्‍पा ग्‍युरयेला, मास्‍यीका ॱमाफेप्‍कीन थुक्‍पे क्षो़ठीम होरी तादोक झ्‍यीगीन झ्‍युवालाक।

एफीसुपा 3:12

धेनी मास्‍यीकाला होरी धेपा धाङ खोङबागी थोक्‍ने, होराङ को़न्‍क्षोकगी डुङदु ॱङीङक्षे धाङ ॱलोतेक्षे झ्‍येरी डो थुबालाक।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

१ तीमोथेउ 1:1

होरी क्‍याम्‍गो़न को़न्‍क्षोक धाङ होरी रेवा मास्‍यीका येशुगी काला तेन्‍ती, मास्‍यीका येशुगी कुछाप ङा पाउलुने,

ईब्‍रीपा 10:1

क्षो़ठीम नी, हुङये हीन्‍गीन दो़न शाङाक्‍याई, ॱयीप ॱङोन्‍नेगो मालाक हीना होदेक्‍याई ढीम्‍जाक च्‍यीगा लाक। होझ्‍येरी लो तेनग्‍याङ च्‍योई पुगीन ॱमारछो़गी गोने, क्षो़पा पुरु हुङगीनक्‍याला याङदाक्‍पा नामा शो ॱमीथुक्‍वालाक।

ईब्‍रीपा 11:40

घीझ्‍येरी ॱनाना होराङक्‍यामुला, खुङक्‍या फी़न्‍सुम छोक्‍पा झ्‍युङास्‍योक ॱनेरी, को़न्‍क्षोकगी होराङला देने ल्‍हाक शाङा क्षास्‍यी स्‍याम हो़तालाक।

ईब्‍रीपा 11:6

धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

ईब्‍रीपा 6:18

को़न्‍क्षोकगी ग्‍युरवा मेगीन धाम्‍चा धाङ ॱना ॱङीगारा ॱनाङा जेपालाक। घीझ्‍येरी ॱनाना को़न्‍क्षोकगी शोक सुङा मेजेदालाक। होझ्‍येरी होराङ खोङबाने क्‍याप थोप्‍थाक्‍या, होरी दोङदु हो़गीन रेवागोला तेन्‍पोमा ॱरुङयेला, सेमस्‍युक क्षे थोप हो़तालाक।

ईब्‍रीपा 7:11

धा मीमाङक्‍याला ॱनाङना क्षो़ठीमला तेन्‍दी, लेवी क्षो़पो़नगी घोक्‍जा थोक्‍ने फी़न्‍सुम छोक्‍पा थोप्‍ये हीन्‍ना, आरोनगी ग्‍युपाने मेन्‍दा मेल्‍कीजेदेक च्‍योक्‍रे, श्‍येम्‍मा क्षो़पो़न झ्‍युङघोये हो़तालाक से?

ईब्‍रीपा 7:20

धेनी को़न्‍क्षोकगी येशुला उ ॱना श्‍येरी, क्षो़पो़न जेपालाक। हीना मी श्‍येम्‍माक्‍याला ॱना माश्‍येवा क्षो़पो़न को़वालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 8:6

हीना धा होरी चो क्षो़पो़न येशुला धान्‍दा, क्षो़पो़न ॱङीङबागी लेगेनने ल्‍हाक, श्‍याप्‍ची शाङा थोप हो़तालाक घीझ्‍येरी ॱनाना खोङबा होरी क्षीदु को़न्‍क्षोकमुला धाम्‍चा शाङागी भारमी जेदालाक। दे धाम्‍चागो क्षो़ताम शाङाक्‍याला तेन्‍दालाक।

ईब्‍रीपा 9:9

दे नी धान्‍दागी धी़ला तो़न्‍गीन ताक च्‍यीक लाक। धेनी दी, को़न्‍क्षोकला पुपा क्षो़पा धाङ ॱमारछो़क्‍याई क्षाक्‍क्षो़पा पुगीनक्‍याई, स्‍येशाङ चाङमा शो़ ॱमीथुक्‍वालाक ॱनेरी तो़न्‍दालाक।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।