ईब्‍रीपा 7:16 - ॱलोवा

¹⁶ घीझ्‍येरी ॱनाना मी दे क्षो़ठीमगी काला च्‍योक्‍रे ग्‍युपाला तेन्‍दी मेन्‍दा, हीना मेताला डोये मेगीन छेगी नी़थुला तेन्‍दी क्षो़पो़न झ्‍युवालाक।

ईब्‍रीपा 7:16 Iomraidhean Croise

रोमापा 7:14

धा क्षो़ठीम नी, थुक्‍ङीने झ्‍युङगीनगो होराङ स्‍येलालाक। हीना ङा नी ली़ला झ्‍येरी, धीक्‍पागी ढेन्‍योकला चोचा च्‍योक्‍रे हीन।

गालातीयापा 4:3

देरे च्‍योक्‍रे होराङक्‍या टुवा हो़ती घाङला, दे जाम्‍बुलीङगी ल्‍हाक्‍याई वाङगी होकला स्‍योर हो़तालाक।

गालातीयापा 4:9

हीना धान्‍दा खेक्‍याई को़न्‍क्षोकला ङोस्‍ये धेनी को़न्‍क्षोक राङगी खेक्‍याला ङो खेन्‍दीयाः, खेक्‍या घाङगी झ्‍येरी जाम्‍बुलीङगी नी़थु मेगीन धाङ फेन ॱमेथोक्‍कीन ल्‍हाक्‍या स्‍योकला लोक्‍ती, धाब्‍ले देक्‍याई ढेन्‍योक झ्‍यीये दो़पा झ्‍यीदाले?

कोलोसेपा 2:14

होरी ग्‍याप्‍केलला ढीक्‍ती श्‍याकश्‍या होरी, धीक्‍पाक्‍याई क्‍यो़न्‍जुकक्‍या सुप जेपालाक धेनी होदेला ग्‍याङस्‍यीङ खाला शेर ग्‍याप्‍ती, खोङबागी मेताला जेपालाक।

कोलोसेपा 2:20

खेक्‍या जीक्‍तेनगी तावाक्‍याने मास्‍यीकामुला स्‍यीवा हीन्‍ना, खेक्‍या धोराङा दे, जीक्‍तेनगी हीन्‍गीन च्‍योक्‍रे मीछे घीझ्‍येरी पी़दा ले? ठीमक्‍याई होकला घीझ्‍येरी घुरा ले?

ईब्‍रीपा 10:1

क्षो़ठीम नी, हुङये हीन्‍गीन दो़न शाङाक्‍याई, ॱयीप ॱङोन्‍नेगो मालाक हीना होदेक्‍याई ढीम्‍जाक च्‍यीगा लाक। होझ्‍येरी लो तेनग्‍याङ च्‍योई पुगीन ॱमारछो़गी गोने, क्षो़पा पुरु हुङगीनक्‍याला याङदाक्‍पा नामा शो ॱमीथुक्‍वालाक।

ईब्‍रीपा 7:15

धा मेल्‍कीजेदेक च्‍योक्‍रे क्षो़पो़न झ्‍युङये हो़ना, दे लाब दे ॱयोल्‍ले सावो झ्‍युङालाक।

ईब्‍रीपा 7:17

घीझ्‍येरी ॱनाना खोङबागी कोरला देरे सुदुक, “मेल्‍कीजेदेक च्‍योक्‍रे, ख्‍यो़याः धी़ तेनगी क्षीदु क्षो़पो़न लाक।”

ईब्‍रीपा 7:21

हीना खोङबाला उ ॱना श्‍येया जेदी, क्षो़पो़न को़वालाक। धेनी खोङबागी कोरला को़न्‍क्षोकगी देरे सुङा जेपालाक, “को़न्‍क्षोकगी उ ॱना श्‍ये जेदुक, धेनी खोङगी सेम ग्‍युरा जेगीमालाक, ‘ख्‍यो़ नी धी़ तेनगी क्षीदु क्षो़पो़न लाक।’”

ईब्‍रीपा 7:28

घीझ्‍येरी ॱनाना क्षो़ठीमगी मी क्‍योवाक्‍याला चो क्षो़पो़न को़लालाक हीना धी़ तेनगी क्षीदु फी़न्‍सुम छोक्‍पा जेजा, को़न्‍क्षोकगी सेला क्षो़ठीमने श्‍युकला होवा उ ॱनागी कागी थोक्‍ने, खोङबाला चो क्षो़पो़न को़ जेपालाक।

ईब्‍रीपा 7:3

खोङगी आकी धाङ आमा धाङ रीग्‍यु धाङ केगीनगी धी़ याङना ढोङगीनगी धी़गी कोरला घीयाः मेतालाक। हीना खोङ नी, को़न्‍क्षोकगी से च्‍योक्‍रे, धी़ तेनगी क्षो़पो़न लाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।