ईब्‍रीपा 6:4 - ॱलोवा

⁴ घीझ्‍येरी ॱनाना थेङ च्‍यीक को़न्‍क्षोकगी हो़ थोप्‍सासा धाङ नाम्‍खे श्‍यीङखामगी ॱनाङज्‍यीनगो, ङ्यामङ्युङ झ्‍येसासाक्‍या धाङ धाम्‍पे थुक्‍ङीगी कादा जोरसासाक्‍या,

ईब्‍रीपा 6:4 Iomraidhean Croise

मेथा 12:45

धेनी होदे सोरी खोरीमुला खोराङने ङेन्‍पा ॱनो़पा श्‍येम्‍मा धी़नला ठीक्‍ती, होदे नाङदु जुरी धेगीलाक। धेनी मी देगी ॱनेछुगो एम्‍माने दुक्‍तु डुगीलाक। होझ्‍येरी दे मीराप ङेन्‍पा देला देरेराङ झ्‍युङगीलाक।”

मेथा 5:13

“खेक्‍या जीक्‍तेनगी छा लाक हीना छागी ढोवागो येना, घाङगी झ्‍येरी धाब्‍ले छा डोवा शोये? होदे फीला ॱयुक्‍ती मीगी काङबी होकला ॱलेम्‍ये माना, श्‍येम्‍मा घीलाः फेन ॱमेथोवालाक।

योहान्‍ना 15:6

ङी नाङ ॱमेनेगीनगोला याक्‍का च्‍योक्‍रे, फीला ॱयुक्‍कीलाक धेनी काम्‍गीलाक। धेनी होदे याक्‍काक्‍या रुक्‍ती मेला ॱयुक्‍ती ॱरालाक।

योहान्‍ना 3:27

योहान्‍नागी लेन तेरपालाक, “नाम्‍खे श्‍यीङखामने को़न्‍क्षोकगी दे ॱमानाङगीन थुक्‍पे, मी सुलाः घीया थोप ॱमीथुप्‍कीलाक।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 6:32

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, नाम्‍खे श्‍यीङखामने ग्‍याङगा ॱनाङगीनगो मोशे मालाक हीना खेक्‍याला नाम्‍खे श्‍यीङखामने धेन्‍पे ग्‍याङगा ॱनाङगीनगो, ङी याप लाक।

जेपा 10:45

धेनी पेटोमुला योफाने होवा याहुदापा धेपा-झ्‍यीगीनक्‍या, याहुदापा मेन्‍गीन मीरीकगी मीक्‍यालाः को़न्‍क्षोकगी धाम्‍पे थुक्‍ङीगी ॱनाङज्‍यीन ॱनाङगीनगो थोरी ॱहालेवालाक।

जेपा 11:17

होझ्‍येरी चोवो येशु मास्‍यीकाला धेपा झ्‍येरी, को़न्‍क्षोकगी होराङला ॱनाङना ॱनाङज्‍यीन च्‍योक्‍रे, खुङक्‍याला होदे ॱनारी मेताला, को़न्‍क्षोकला काक्‍कीन ङा सु लाक से?”

जेपा 15:8

धेनी होराङ घीरीगी सेम नाङगी घीरी खेन जेगीन को़न्‍क्षोकगीराङ, याहुदापा मेन्‍गीन मीरीकक्‍याला होराङला च्‍योक्‍रे धाम्‍पे थुक्‍ङी ॱनाङदी, खुङक्‍यालाः दाम्‍बालाक ॱनेरी पाङपो तो़न जेपालाक।

जेपा 8:20

हीना पेटोगी खोला ॱनेवालाक, “ख्‍यी़ को़न्‍क्षोकगी ॱनाङज्‍यीनगो आलेगी ङ्यो़री थोप्‍टु ॱनेरी साम्‍दी, ख्‍यो़ धाङ ख्‍यी़ आले मेताला डोवास्‍योक।

रोमापा 1:11

घीझ्‍येरी ॱनाना खेक्‍याला स्‍युक्‍क्षेरु ताङयेला, ङा खेक्‍याला सेम्‍ङीगी झ्‍यीलाप रे तेरये रास्‍योक ॱनेरी, ङा खेक्‍याला थोङङी दो़दी।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

गालातीयापा 3:2

ङा खेक्‍याला लाब दे च्‍यीगा ढीलाहीन, खेक्‍याला क्षो़ठीमगी लेगाने धाम्‍पे थुक्‍ङी थोप्‍जो याङमेना ताम्‍शाङ घोरती धेपा झ्‍येरी थोप्‍जो?

गालातीयापा 3:5

खेक्‍याला धाम्‍पे थुक्‍ङी ॱनारी, खेक्‍या खोक्‍दु ॱहाङसागीन लेगाक्‍या जेगीन को़न्‍क्षोकगी, दे लेगा घीरी खीकी क्षो़ठीमगी लेगा गोने ले याङमेना ताम्‍शाङ ङेन्‍दी, धेपा झ्‍येरी ले?

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।

एफीसुपा 4:7

हीना थुक्‍जेगो होराङ रे-रेला मास्‍यीकागी ॱनाङज्‍यीनगी, छेला तेन्‍दी ॱनाङ हो़तालाक।

१ तीमोथेउ 4:14

क्षो़छोकगी गेम्‍पाक्‍याई ख्‍यी़ खाला लाक्‍पा श्‍याक्‍ती, ॱङो़नस्‍येखेनगी थोक्‍ने ख्‍यो़ला थोप्‍था ॱनाङज्‍यीनगोला, ख्‍यो़ ॱनाङमे माझ्‍यी।

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

२ तीमोथेउ 4:14

शाङ शोगीन आलेक्‍जेन्‍डारगी ङाला ॱमीच्‍यीकी ॱनो़ क्‍याजुङ धेनी खी़ झ्‍येजागी लेन, चोवोगी खोला ॱनाङगीलाक।

ईब्‍रीपा 10:32

एम्‍मागी ङीमाक्‍याला खेक्‍या ढेन्‍सो़ झ्‍यी। को़न्‍क्षोकगी हो़ थोप्‍सारती स्‍याम्‍ने, खेक्‍याई दुक्‍पु माङा ङ्यावालाक हीना खेक्‍याई शो़पा झ्‍येवालाक।

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।

१ योहान्‍ना 5:16

खेरी पी़नगी छीवाला ॱमीठीक्‍कीन धीक्‍पा झ्‍यीगीन थोङना, ख्‍यी़ खी़ क्षीला ॱमो़लाम ग्‍याप्‍घो़ धेनी को़न्‍क्षोकगी खोला छे ॱनाङगीलाक। छीवाला ॱमीठीक्‍कीन धीक्‍पा साक्‍कीनक्‍याई कोरला, ङा ॱनाहीन। छीवाला ठीक्‍कीन धीक्‍पाक्‍या हो़तालाक। होदेक्‍याई क्षीदु, खेक्‍याई ॱमो़लाम ग्‍याप्‍घो़ ॱनेरी ङा ॱनामेन।