ईब्‍रीपा 6:2 - ॱलोवा

² धेनी ठी़सो़ धाङ लाक्‍पा श्‍याक्‍ये धाङ छीवाने ॱलार सो़न्‍ये धाङ थामेपे ठीम्‍चो़क्‍याई कोरला, ॱलापच्‍याक्‍या धाब्‍ले ॱलाप घोये मेतालाक।

ईब्‍रीपा 6:2 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मेथा 3:14

योहान्‍नागी खोङला काक्‍ये दो़दी, देरे ॱनेवालाक, “ङाकाः खेराङने ठी़सो़ लेन्‍घोगुलाक हीना खेराङ ङीचारु फेयाले?”

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

मारकु 7:4

धेनी खुङक्‍या ठोम्‍साने हुङना, लाक्‍पा ठी़री माना मेशालाक। धोराङा फोरा धाङ राक्‍जाङ धाङ शाङगी ॱनो़क्‍या चाङमा शोगीन लुक्‍सो़ च्‍योक्‍रे, श्‍येम्‍मा ॱमीच्‍यीकी माङा खुङक्‍या ॱरुङालाक।

मारकु 7:8

“खेक्‍या को़न्‍क्षोकगी काला भोरती मीगी लुक्‍सो़गो ॱरुङालाक।”

लुका 11:38

धेनी श्‍यालाक श्‍येये एन्‍ला खोङबागी क्षाक ॱमीसील्‍गीनगो थोरी फारुसीपागो ॱहाङसावालाक।

लुका 12:50

ङा ठी़सो़ च्‍यीक लेन्‍घोये हो़क। होदे ठी़सो़ माडुप थुक्‍पे, ङाला ॱमीच्‍यीकी ङ्या क्षे दुक।

लुका 14:14

धेनी ख्‍यो़ला झ्‍यीलाप थोप्‍कीलाक घीझ्‍येरी ॱनाना खुङक्‍याई ख्‍यी़ छापगो ॱलोक ॱमीथुक्‍कीलाक। हीना ढाङतेनक्‍या कुसो़न्‍पो जेयेगी धी़ला, ख्‍यो़ला होदेगी ढेबुगो थोप्‍कीलाक।”

लुका 3:16

धेनी योहान्‍नागी खुङ घीरीला ॱनेवालाक, “ङी खेक्‍याला क्षुगी ठी़सो़ तेरालाक। हीना ङाने वाङक्षे च्‍यीक फेई हो़तालाक धेनी ङा खोङबागी पोल्‍लेगी डुताक टोरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने ठी़सो़ ॱनाङगीलाक।

योहान्‍ना 1:33

ङी ङाराङगी खोङला ङो ॱमास्‍ये हीना ङाला क्षुगी ठी़सो़ तेरयेला ॱङाक्‍कीनगी़ ङाला सुजुङ, ‘धाम्‍पे थुक्‍ङी सी़ खाला भाप्‍ती श्‍युक्‍कीनगो ख्‍यी़ ज्‍याली, खोङबाराङ धाम्‍पे थुक्‍ङीगी ठी़सो़ जेगीनगो हीन।’

योहान्‍ना 5:29

धेनी फीला थो़न्‍दी हुङगीलाक। ले शाङा झ्‍यीगीन घीरी छेसोक थोप्‍ये क्षीला, सो़न्‍पो लाङये धाङ ले ङेन्‍पा झ्‍यीगीन घीरी ङेपा फोक्‍येगी क्षीला सो़न्‍पो लाङगीलाक।”

जेपा 10:47

“होराङ च्‍योक्‍रे दे मीक्‍याला धाम्‍पे थुक्‍ङी थोप्‍जुङ। धा दे मीक्‍याला क्षुगी ठी़सो़ लेन्‍येला, सी़ काक थुक्‍कीले?”

जेपा 13:3

होझ्‍येरी खुङक्‍याई ॱङ्युङने धाङ ॱमो़लामगो डुप्‍सारती, खुङ ॱङीउ खाला लाक्‍पा श्‍याक्‍ती वाङ ॱनावालाक धेनी खुङक्‍याला झावालाक।

जेपा 16:15

धेनी धेपा झ्‍येरी लीडीया धाङ मी़ नाङमीगी ठी़सो़ लेन्‍बालाक। होदे स्‍याम्‍ने मी़ हेक्‍याला मोरी नाङला, धेयेला श्‍योवा पुरी ॱनेवालाक, “खेराङक्‍याई ङाला ॱङोन्‍नेराङ चोवोला धेपा झ्‍येजा नुमु चीली हो़ना, हीकी नाङला होरी हेक्‍यामुला श्‍युक्‍रोनाङ।” देरे झ्‍येरी मी़ हेक्‍याला मोरी नाङला डोये शो़जुङ।

जेपा 16:33

छेन्‍मो होदे धी़चो़गोला राङ घोरेगी़ पाउलु धाङ सीलवानुला, ठीक्‍ती खुङक्‍याई ॱमागो ठी़वालाक। धेनी खो धाङ खी़ नाङमी घीरीगी ठी़सो़ लेन्‍बालाक।

जेपा 17:18

ईपीकुर धाङ स्‍तोयीकोसगी मी खेवाक्‍याने, रीङगागीयाः पाउलुमुला चो़लीङ झ्‍येवालाक। होदेक्‍याने रीङगागी, “दे खा दीक्‍कीन मी दे घी ॱनाले?” ॱनेरी ॱनेवालाक धेनी रीङगागी, “दे मी धेनी क्षीग्‍यागी ल्‍हाक्‍याई कोरला स्‍येली।” ॱनेरी ॱनेवालाक घीझ्‍येरी ॱनाना पाउलुगी येशु धाङ खोङबा छीवाने याङ सो़न्‍पो झ्‍युङगीनगी कोरला ताम्‍शाङ स्‍येपालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 2:41

मी ॱमीच्‍यीकी माङागी पेटोगी ॱनेना लाबला यीच्‍चे झ्‍येवालाक धेनी ठी़सो़ लेन्‍बालाक। धेनी होदे ङीमागो मी तोङ सुम चो़, खुङक्‍याई ढाङगाला दोम्‍बालाक।

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 24:15

धेनी देक्‍याई यीच्‍चे झ्‍यीगीन च्‍योक्‍रे, को़न्‍क्षोकगी मी शाङपो धाङ मी ङेन्‍पा घीरीला छीवाने सो़न्‍पो जेगीलाक ॱनागीन लाब देला, ङाः रेवा झ्‍यीदाहीन।

जेपा 24:21

‘मी स्‍यीस्‍या याङ सो़न्‍पो लाङगीलाक ॱनागीन लाबला, ङी धेपा झ्‍येरी धीरीङ ङा खेराङक्‍या दोङदु ठीम पुयेला लाङाहीन।’ दे लाब दे ङी थेङमा च्‍यीक फेरा ग्‍याप्‍ती ॱनेवी। होदेला च्‍यीगा खुङक्‍याई ङी नोन्‍डु तो़न थुक्‍कीलाक।”

जेपा 24:25

हीना पाउलुगी ढाङपो झ्‍युङये धाङ राङ छो़ शीम्‍गीन धाङ ठीम चेगीन ङीमागी कोरला स्‍येली घाङला, फेलीक जीक्‍पालाक। धेनी खोला ॱनेवालाक, “धीरीङगी क्षीदु ढीक्‍सुङ धा सोङ धेनी घुकाप राक्‍ना, ङी ख्‍यो़ला याङदा केक ताङु।”

जेपा 26:8

को़न्‍क्षोकगी स्‍यीस्‍या मीला सो़न्‍पो ॱलाङ जेगीलाक ॱनागीन लाब देला, खेराङक्‍या घीझ्‍येरी धेपा झ्‍यी ॱमीथुक्‍वाले?

जेपा 4:2

धेनी येशुगी थोक्‍ने छीवाने सो़न्‍पो लाङ थुक्‍ये हो़तालाक ॱनेरी, मीक्‍याला पेटो धाङ योहान्‍नागी ॱलाप्‍कीनगोला, खुङक्‍या ॱमीच्‍यीकी खोङडो लावालाक।

जेपा 6:6

धेनी खुङक्‍याई होदे मीक्‍याला, कुछापक्‍याई दोङला खेरती होवालाक। धेनी कुछापक्‍याई खुङक्‍याला ॱमो़लाम ग्‍याप्‍ती, राङगी लाक्‍पा खुङक्‍या खाला श्‍याक्‍पालाक।

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

१ कोरीन्‍थुपा 10:2

धेनी ॱरीङबा धाङ ग्‍याछोगी थोक्‍ने, खुङक्‍या घीरीगी मोशेगी नाङ ठी़सो़ श्‍यी़वालाक।

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

फीलीप्‍पीपा 3:21

धेनी घीरी खोङबा राङगी वाङ होकदु जे थुक्‍कीन नी़थुगी राङ, होरी थापक्‍योवा ली़ला खोङबाराङगी शीजेगी कुली़ च्‍योक्‍रे ग्‍युरा जेगीलाक।

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

२ तीमोथेउ 2:18

छीवाने ॱलार सो़न्‍गीन दे झ्‍युसालाक ॱनेरी, खुङक्‍या धेन्‍पाने लोक्‍पालाक। धेनी खुङक्‍याई मी रीङगाला धेपाने ॱलोक्‍येला टुक्‍ई।

ईब्‍रीपा 11:35

भोमोक्‍याला राङगी नाङमी स्‍यीस्‍याक्‍या, छीवाने सो़न्‍पो झ्‍युरी थोप्‍पालाक। धेनी श्‍येम्‍माक्‍याई छीवाने ॱलार सो़न्‍दी, छे देने ल्‍हाक शाङा छे थोप्‍येगी क्षीदु, राङवाङगो खेमेलेन्‍दा दुक्‍पुगो ङ्याङवालाक।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।