ईब्‍रीपा 6:18 - ॱलोवा

¹⁸ को़न्‍क्षोकगी ग्‍युरवा मेगीन धाम्‍चा धाङ ॱना ॱङीगारा ॱनाङा जेपालाक। घीझ्‍येरी ॱनाना को़न्‍क्षोकगी शोक सुङा मेजेदालाक। होझ्‍येरी होराङ खोङबाने क्‍याप थोप्‍थाक्‍या, होरी दोङदु हो़गीन रेवागोला तेन्‍पोमा ॱरुङयेला, सेमस्‍युक क्षे थोप हो़तालाक।

ईब्‍रीपा 6:18 Iomraidhean Croise

मेथा 24:35

ॱनाम-सा ॱङी येरी डुगीलाक हीना ङी काक्‍या येगीमालाक।

मेथा 3:7

हीना फारुसीपाक्‍या धाङ सादुकीपाक्‍याने, मी माङक्षे ठी़सो़ लेन्‍दु हुङगीनगो शीक्‍ती, खी़ खुङक्‍याला ॱनेवालाक, “दुक्‍डुगी ग्‍युपा खेक्‍या, माउपारगी थुक्‍ठो़ने, खेक्‍या डो़येला सी़ ङेन्‍ता ताजो?

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

रोमापा 15:5

धेनी शो़पा धाङ सेमस्‍युक ॱनाङगीन, को़न्‍क्षोकगी खेक्‍याला मास्‍यीका येशुमुला च्‍यीक झ्‍युरी, फेन्‍छुनक्‍या घुङदु सेम्‍बा च्‍यीक्‍पा जेदी, छोवा केरु च्‍युक्‍वा जेदास्‍योक।

रोमापा 3:25

धेनी खोङ मास्‍यीकागी कुठाक ॱली़री, धीक्‍पा सेल्‍येगी ॱमारछो़ झ्‍युङयेला, को़न्‍क्षोकगी खोङला पुवालाक। दे नी धेपा झ्‍येरी च्‍यीगा थोप्‍कीलाक। धेनी दे को़न्‍क्षोकगी राङगी ढाङतेन ॱङो़न्‍येगी क्षीदु जेपालाक घीझ्‍येरी ॱनाना एम्‍मा को़न्‍क्षोकगी शो़पा जेदी, मीक्‍याई झ्‍येजा धीक्‍पाक्‍याला छेपा का माजेपालाक।

रोमापा 3:4

हुरे फुक्‍की झ्‍युङगुमालाक। मी घीरी शोक्‍पो हो़ना, को़न्‍क्षोक धेन्‍पा हुङघो़। दी कोरला सुङरापला देरे ढीक हो़तालाक, “खेराङ कामो़न सुङाराङ धेन्‍पा ॱङो़न्‍दास्‍योक, धेनी खेराङला ठीम चेदाराङ ग्‍यालास्‍योक।”

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

फीलीप्‍पीपा 2:1

होझ्‍येरी मास्‍यीकागी नाङ खेक्‍याला सेमस्‍युक रे हो़ना, झाम्‍पे सेम्‍सो रे हो़ना धेनी धाम्‍पे थुक्‍ङीगी थी़न्‍डील हो़ना धेनी झाम धाङ ॱङीङजे हो़ना,

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

१ तीमोथेउ 1:1

होरी क्‍याम्‍गो़न को़न्‍क्षोक धाङ होरी रेवा मास्‍यीका येशुगी काला तेन्‍ती, मास्‍यीका येशुगी कुछाप ङा पाउलुने,

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

२ तीमोथेउ 2:13

होराङ धेपाने लोक्‍ना, खोङबा नी ॱलोते छोक्‍पा ॱनेलालाक। घीझ्‍येरी ॱनाना खोङबा राङगी राङला ङोलोक जे ॱमीथुक्‍कीलाक।”

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

ईब्‍रीपा 3:11

होझ्‍येरी ङा खोङडो लारी ङी ॱना क्‍यावी, ‘खुङक्‍या ङी ङासु नाङदु नामा जुगीमालाक।’”

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 6:17

देरे झ्‍येरी को़न्‍क्षोकगीयाः राङगी धाम्‍चा थोप्‍थाक्‍याला, राङगी थुकोङ ग्‍युरवा मेगीनगो सावो तो़न जेयेगी क्षीदु, उ ॱना श्‍येपालाक।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।

ईब्‍रीपा 7:21

हीना खोङबाला उ ॱना श्‍येया जेदी, क्षो़पो़न को़वालाक। धेनी खोङबागी कोरला को़न्‍क्षोकगी देरे सुङा जेपालाक, “को़न्‍क्षोकगी उ ॱना श्‍ये जेदुक, धेनी खोङगी सेम ग्‍युरा जेगीमालाक, ‘ख्‍यो़ नी धी़ तेनगी क्षीदु क्षो़पो़न लाक।’”

१ योहान्‍ना 1:10

याङ होराङक्‍या हीकी धीक्‍पा माझ्‍येहो़क ॱनेरी ॱनाना, होराङक्‍याई खोङबाला शोक्‍पो शोवालाक धेनी खोङगी का होरी नाङदु मेयोङालाक।

१ योहान्‍ना 5:10

धेनी को़न्‍क्षोकगी सेला धेपा झ्‍यीगीन घीरीगी, सेम नाङला पाङपो दे हो़तालाक। धेनी को़न्‍क्षोकला धेपा मीझ्‍यीगीनक्‍याई खोङबाला शोक्‍पो शो़ हो़तालाक घीझ्‍येरी ॱनाना को़न्‍क्षोकगी राङगी सेगी कोरला जेगीन पाङपोला, खुङक्‍याई धेपा माझ्‍येवालाक।