ईब्‍रीपा 5:2 - ॱलोवा

² धेनी खो खोराङ थापक्‍योवा हो़गीन झ्‍येरी, हुरे ॱमेस्‍येगीन धाङ लाम नोरना मीक्‍यामुला ज्‍याबोमा ढेवा झ्‍यी थुक्‍वालाक।

ईब्‍रीपा 5:2 Iomraidhean Croise

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

२ कोरीन्‍थुपा 11:30

ङा ङोम्‍सो झ्‍यीघो़ना, ङा ङारी थापक्‍योवा झ्‍युङगीन दो़नक्‍याला ङा ङोम्‍सो झ्‍यीयेहीन।

२ कोरीन्‍थुपा 12:5

होदे मीगी क्षीला ङा ङोम्‍सो झ्‍यीदाहीन हीना ङाराङगी क्षीदु ङा ङारी क्‍योवाक्‍याई कोरला माना, श्‍येम्‍माला ङोम्‍सो झ्‍यीयेमेन।

गालातीयापा 4:13

ङी एन्‍ला खीकीचारु ताम्‍शाङ स्‍येगीनगी दो़न्‍दाकगो, ङी शु ॱमेथाङा झ्‍येरी लाक ॱनेरी खेक्‍याला स्‍येये हो़तालाक।

एफीसुपा 4:18

धेनी खुङक्‍याई सेम ग्‍योङागी केनगी, खुङक्‍या नाङ हो़गीन तीमुकगी झ्‍येरी, खुङक्‍याई स्‍येयो़न मी़नाकगी तुम हो़तालाक धेनी को़न्‍क्षोकगी छेने खा ढा हो़तालाक।

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।

ईब्‍रीपा 12:13

श्‍याक्‍योक्‍याई छीकक्‍या मीबी़दा हीना ढाक्‍वा स्‍योक ॱनेरी, खेरी काङबी क्षीदु लाम खाप्‍ते शो़।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 2:18

धेनी खोङबाराङ छो़ताला छी़दाराङ दुक्‍पु ङ्याङङ्या झ्‍येरी, छो़ताला छी़छाक्‍याला खोङबा रोक्‍राम जे थुक्‍वालाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

ईब्‍रीपा 7:28

घीझ्‍येरी ॱनाना क्षो़ठीमगी मी क्‍योवाक्‍याला चो क्षो़पो़न को़लालाक हीना धी़ तेनगी क्षीदु फी़न्‍सुम छोक्‍पा जेजा, को़न्‍क्षोकगी सेला क्षो़ठीमने श्‍युकला होवा उ ॱनागी कागी थोक्‍ने, खोङबाला चो क्षो़पो़न को़ जेपालाक।

ईब्‍रीपा 9:7

हीना खीम ॱङीवा नाङला चो क्षो़पो़न च्‍यीगा, लोला थेङमा च्‍यीक डोवालाक। धेनी ठाक ॱमेखेरा नामाः मेडोवालाक। ठाक दे नी राङ धाङ मीक्‍याई ॱमास्‍येवा झ्‍येजा, धीक्‍पाक्‍याई दो़न्‍दु पुलालाक।

याकोब 5:19

ङी पी़नक्‍याओ, खेक्‍या नाङने धेन्‍पाने खा डारी सोसोवा च्‍यीकला, याङ मी च्‍यीकगी छुला ॱलोक्‍ती ठीक्‍ती हुङना,

१ पेटो 2:25

घीझ्‍येरी ॱनाना “खेक्‍या लुकक्‍या च्‍योक्‍रे गो थोम्‍दी धे हो़तालाक।” हीना धान्‍दा खेक्‍याई झ्‍यीवु धाङ सेम ॱरुङगीनगो चारु, खेक्‍याला ॱलोक्‍ती हो हो़तालाक।