ईब्‍रीपा 5:13 - ॱलोवा

¹³ घीझ्‍येरी ॱनाना होमा थुङगीन नी, टुवा च्‍योक्‍रे हीन्‍गीन झ्‍येरी, खो ढाङतेनगी काला ज्‍यो़न्‍दा मेयोङालाक।

ईब्‍रीपा 5:13 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मारकु 10:15

ङा खेक्‍याला धेन्‍पाराङ ॱनाहीन, को़न्‍क्षोकगी ग्‍यासीला टु च्‍यीमे च्‍यीकगी च्‍योक्‍रे खेमेलेन्‍ना, खो होदे नाङदु डो थुक्‍कीमालाक।”

१ कोरीन्‍थुपा 13:11

ङा टुवा हो़ती घाङला, ङी टुवा च्‍योक्‍रे लाब तावी, टुवा च्‍योक्‍रे साम्‍लो तावी धेनी टुवा च्‍योक्‍रे सामस्‍यीक्‍या तो़न्‍बी हीना ङा नाजु च्‍ये क्षे झ्‍युरी, ङी टुवा हो़ती घाङगी चो़पाक्‍या पावी।

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 3:1

पी़नक्‍याओ, ङा खेक्‍यामुला सेम्‍ङीगी मीमुला लाब ताङगीन च्‍योक्‍रे, लाब ताङ ॱमाथुक्‍जुङ हीना जीक्‍तेनगी मी धेनी मास्‍यीकागी नाङ टुवा ॱमाङ्याकक्‍याला लाब ताङगीन च्‍योक्‍रे ताङ थुक्‍जुङ।

२ कोरीन्‍थुपा 3:9

घीझ्‍येरी ॱनाना छेपा कागीन क्षो़ठीमगो शीजेक्षे हो़ना, ढाङतेन जेगीन ताम्‍शाङगो ॱयोल्‍ले माङा शीजेक्षे हुङघो़।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

२ तीमोथेउ 3:16

धाम्‍पे सुङरापला हो़गीन घीरी को़न्‍क्षोकगी थुक्‍ङीने झ्‍युवालाक। धेनी दे ॱलापच्‍या ॱलाप्‍ये धाङ क्‍यो़न तो़न्‍ये धाङ नोन्‍डु शोये धाङ ढाङतेनगी लामला ॱलोप्‍तो़न तो़न्‍येला, फेन थोवालाक।

१ पेटो 2:2

धेनी खेक्‍या थारपागी थोक्‍ने छारलुङ झ्‍युङयेला, टु ॱमाङ्याकक्‍या च्‍योक्‍रे, सेम्‍ङीगी होमा थुङयेला दो़पा झ्‍यी।

२ योहान्‍ना 1:11

घीझ्‍येरी ॱनाना देरेक्‍याला छाम्‍डी श्‍यी़गीनगो, खुङक्‍याई लेङेनला डेलालाक।