ईब्‍रीपा 4:9 - ॱलोवा

⁹ होझ्‍येरी को़न्‍क्षोकगी मीक्‍याई दो़नला ङासुगीन ङीमा च्‍यीक श्‍याक हो़तालाक।

ईब्‍रीपा 4:9 Iomraidhean Croise

मेथा 1:21

मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 11:25

ॱनेकापगी क्षीदु धीक्‍पे कीदाला ङ्यामो घाये ले, को़न्‍क्षोकगी मीक्‍यामुला दुक्‍पु ङ्याङयेगो खी़ दाम्‍बालाक।

ईब्‍रीपा 3:11

होझ्‍येरी ङा खोङडो लारी ङी ॱना क्‍यावी, ‘खुङक्‍या ङी ङासु नाङदु नामा जुगीमालाक।’”

ईब्‍रीपा 4:1

होझ्‍येरी को़न्‍क्षोकगी ङासु नाङ जुयेगी धाम्‍चागो हो़ती हो़तीयाः, खेक्‍याने सुवाः होदे ङासु नाङ जु ॱमीथुक्‍कीन मीझ्‍युङयेला, होराङक्‍या शाप-शाप झ्‍यीघो़।

ईब्‍रीपा 4:10

घीझ्‍येरी ॱनाना को़न्‍क्षोकगी राङगी क्षाक्‍लेक्‍याने ङासु जेगीन च्‍योक्‍रे, को़न्‍क्षोकगी ङासु नाङला जुये हीन्‍गीन घीरीगीयाः, राङगी लेगाक्‍याने ङासुगीलाक।

ईब्‍रीपा 4:3

धेनी होराङ धेपा झ्‍यीगीनक्‍या, होदे ङासु नाङ जुगीलाक। खोङबागी देरे सुङ हो़तालाक, “ङी खोङडो लारी देरे ॱना क्‍यावी, ‘खुङक्‍या ङी ङासु नाङ नामा जुगीमालाक।’” घीहीन्‍ना खोङबागी क्षाक्‍लेक्‍या जीक्‍तेन को़गीन धी़नेराङ, डुप्‍सा हो़तालाक।

ईब्‍रीपा 4:8

घीझ्‍येरी ॱनाना योस्‍युआगी खुङक्‍याला ङासु तेर हो़ना, को़न्‍क्षोकगी स्‍याम्‍ला ङासुगी ङीमा श्‍येम्‍मागी कोरला सुङा जेये मेतालाक।

१ पेटो 2:10

धी़ च्‍यीकला खेक्‍या को़न्‍क्षोकगी मी मालाक हीना धान्‍दा खेक्‍या को़न्‍क्षोकगी मी लाक। धेनी धी़ च्‍यीकला खेक्‍याला ॱङीङजे ॱमाथोप हो़तालाक हीना धान्‍दा, खेक्‍याला ॱङीङजे थोप हो़तालाक।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”