ईब्‍रीपा 4:2 - ॱलोवा

² घीझ्‍येरी ॱनाना खुङक्‍याला च्‍योक्‍रे, हेक्‍यालाः ताम्‍शाङगो सेटाक झ्‍येवालाक। हीना ङेन्‍गीनक्‍याई धेपागी थोक्‍ने, होदे ताम्‍शाङगो खेमालेम्‍बाला खुङक्‍याला घीया फेन्‍थोक माझ्‍युवालाक।

ईब्‍रीपा 4:2 Iomraidhean Croise

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

रोमापा 2:25

धा ख्‍यी़ क्षो़ठीम ॱरुङना, पाउ चेगीन ॱरो दे, ॱङोन्‍ने फेन्‍थोक हुङालाक हीना ख्‍यी़ क्षो़ठीम ॱमीरुङना, ख्‍यी़ पाउ चेगीन ॱरोगो ॱमीरुङगीन च्‍योक्‍रे लाक।

रोमापा 3:3

खुङक्‍याने रीङगागी को़न्‍क्षोकगी काला धेपा मीझ्‍यीनाः, घी हो़तालाक से? खुङक्‍याई धेपा मीझ्‍यीगीनगी झ्‍येरी, को़न्‍क्षोकगीयाः राङगी ॱलोते चामेदु जेगीले?

१ कोरीन्‍थुपा 13:3

धेनी ङाला हो़गीन घीरी झ्‍यीम्‍बा ताङना धेनी ङी ली़ राङ सो़न्‍पो ॱराक्‍येला तेरनाः, हीना ङी नाङ झाम्‍पा मेना ङाला फेन्‍थोक्‍ये घीया मेक।

गालातीयापा 3:2

ङा खेक्‍याला लाब दे च्‍यीगा ढीलाहीन, खेक्‍याला क्षो़ठीमगी लेगाने धाम्‍पे थुक्‍ङी थोप्‍जो याङमेना ताम्‍शाङ घोरती धेपा झ्‍येरी थोप्‍जो?

गालातीयापा 3:8

को़न्‍क्षोकगी धेपागी थोक्‍ने, याहुदापा मेन्‍गीन मीरीकक्‍याला दाक्‍तु जेये हीन्‍गीनगो, सुङरापगी एन्‍लाराङ शीक्‍ती आब्‍राहामला, “ख्‍यी़ थोक्‍ने मीरीक घीरीला झ्‍यीलाप थोप्‍कीलाक।” ॱनेरी एम्‍मानेराङ ताम्‍शाङ दे सुङा जेपालाक।

गालातीयापा 4:13

ङी एन्‍ला खीकीचारु ताम्‍शाङ स्‍येगीनगी दो़न्‍दाकगो, ङी शु ॱमेथाङा झ्‍येरी लाक ॱनेरी खेक्‍याला स्‍येये हो़तालाक।

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।

१ थेसालोनीकेपा 2:13

हेक्‍याने घोरकीन को़न्‍क्षोकगी का दे, खेक्‍याई होदेला मीगी का च्‍योक्‍रे मेन्‍दा, को़न्‍क्षोक राङगी का ॱनेरी खेलेन्‍बालाक धेनी खे धेपा झ्‍यीगीनक्‍याई खोक्‍दु को़न्‍क्षोकगी क्षाले डुप्‍कीनगोला, हेक्‍या ॱमेक्षेता को़न्‍क्षोकला थुक्‍जेक्षे पुलीहो़क।

१ तीमोथेउ 4:8

घीझ्‍येरी ॱनाना ली़गी ली़चेल ज्‍योङदारगी तीते च्‍यीगा फेन थोवालाक हीना क्षो़सेम दे घीरीगी थोकला फेन थोवालाक। घीझ्‍येरी ॱनाना देगी धान्‍दागी छे धाङ छीमागी छे ॱङीगाराला, फेन्‍दोकगी धाम्‍चा ॱनाङालाक।

ईब्‍रीपा 11:6

धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।

ईब्‍रीपा 4:6

होझ्‍येरी मी रीङगागी क्षीदु, होदे ङासु नाङ जुयेगी घुकाप धोराङा हो़तालाक। हीना एम्‍मा ताम्‍शाङ घोरकाक्‍याई, धेपा माझ्‍येवा होदे ङासु नाङ जु ॱमाथुक्‍पालाक।

याकोब 1:21

होझ्‍येरी ॱमेचाङा घीरी धाङ ङेन्‍पा हो़ले पोङ च्‍यीक। धेनी खीकी सेमला क्‍योप थुप्‍कीन, खीकी नाङदु च्‍युक हो़गीन कागो ॱङ्यामच्‍युङ झ्‍येरी खेलेन झ्‍यी।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।