ईब्‍रीपा 4:16 - ॱलोवा

¹⁶ होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

ईब्‍रीपा 4:16 Iomraidhean Croise

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

एफीसुपा 3:12

धेनी मास्‍यीकाला होरी धेपा धाङ खोङबागी थोक्‍ने, होराङ को़न्‍क्षोकगी डुङदु ॱङीङक्षे धाङ ॱलोतेक्षे झ्‍येरी डो थुबालाक।

ईब्‍रीपा 13:6

होझ्‍येरी होराङक्‍या ॱलोते झ्‍येरी ॱनालाक, “ङाला रोवा झ्‍यीगीन नी चोवो लाक, ङा जीक्‍येमेन। मीगी ङाला घी झ्‍यी थुक्‍कीलाक से?”

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 9:5

धेनी गामगी तो़ला को़न्‍क्षोकगी शीजेगी ताक हीन्‍गीन, केरुब ॱनागीन सेम्‍चेनक्‍या हो़तालाक। धेनी होदेक्‍याई स्‍योक्‍पागो थुक्‍जेगी श्‍युक्‍ठीगी खाला, क्‍याङक्‍या हो़तालाक हीना धान्‍दा दी कोरला हेक्‍या ढेस्‍ये माङा ग्‍याप थुक्‍येमेक।

१ पेटो 2:10

धी़ च्‍यीकला खेक्‍या को़न्‍क्षोकगी मी मालाक हीना धान्‍दा खेक्‍या को़न्‍क्षोकगी मी लाक। धेनी धी़ च्‍यीकला खेक्‍याला ॱङीङजे ॱमाथोप हो़तालाक हीना धान्‍दा, खेक्‍याला ॱङीङजे थोप हो़तालाक।