ईब्‍रीपा 4:13 - ॱलोवा

¹³ को़न्‍क्षोकगी ॱमीक्‍वादु को़पा घीरीने घीया बे मेतालाक। खोङबागी च्‍येनगी डुङदु दो़न घीरी सावो धाङ ॱमाकाप हो़तालाक। धेनी खोङबाला राङ होराङ होरी ची श्‍यु घोगुलाक।

ईब्‍रीपा 4:13 Iomraidhean Croise

मेथा 6:4

देरे झ्‍यीना, ख्‍यी़ झ्‍यीम्‍बा ताङगीनगो साङवे थोक्‍ने झ्‍युङगीलाक। धेनी साङवाने शीक्‍कीन ख्‍यी़ यापगी ख्‍यो़ला ज्‍यागा ॱनाङगीलाक।”

योहान्‍ना 2:24

हीना येशुगी घीरीला खेन्‍दा जेदी, खुङक्‍याला ॱलोते माजेपालाक।

योहान्‍ना 21:17

थेङ सुम्‍बा खोङबागी खोला सुवालाक, “योहान्‍नागी भीजा सीमोन, ख्‍यो़ ङाला चेवा झ्‍यीदी हो़ती?” धा येशुगी पेटोला थेङ सुम्‍बा थुक्‍पे, “ख्‍यी़ ङाला चेवा झ्‍यीदी हो़ती?” सुरी ढीवा जेगीनगोला खो सेम फाम्‍बालाक। धेनी खी़ खोङबाला श्‍यी़वालाक, “चोवो, खेराङ घीरी खेन्‍दालाक। ङी खेराङला चेवा झ्‍यीगीनगोवा खेराङ खेन्‍दालाक।” येशुगी खोला सुवालाक, “ङी लुकक्‍या छो़।

योहान्‍ना 4:16

येशुगी मोला सुवालाक, “सोरी, ख्‍यो़री ख्‍योवाला भो़री स्‍योक।”

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

ॱङो़न्‍पा 2:23

ङा मी़ टुवाक्‍याला सेयेहीन। धेनी मीगी सेम धाङ साम्‍लोला ताक्‍चा झ्‍यीगीनगो, ङा हीन ॱनेरी, क्षो़छोक घीरीगी स्‍येगीलाक। धेनी ङा खेक्‍या घीरीला, खेराङक्‍याई लेगाला तेरी तेराहीन।