ईब्‍रीपा 4:11 - ॱलोवा

¹¹ होझ्‍येरी खुङक्‍याई को़न्‍क्षोकगी काला माङेन्‍पा नोगीन च्‍योक्‍रे सुवाः मानोवास्‍योक ॱनेरी, होराङ होदे ङासु नाङ जुयेला थापस्‍यी हो़ले झ्‍यीघो़।

ईब्‍रीपा 4:11 Iomraidhean Croise

मेथा 11:12

ठी़सो़खेन योहान्‍नागी धी़चो़ने, धान्‍दा थुक्‍पे नाम्‍खे ग्‍यासीगी दुक्‍पु ङ्याङ हो़तालाक धेनी देला दुक्‍पु ताङगीनक्‍याई रुप्‍ती ठोक्‍पालाक।

मेथा 7:13

“घो दोक्‍वाने जु। घीझ्‍येरी ॱनाना तोरस्‍यीकला ठीक्‍कीन घो नी, याङा धाङ लाम नी लेल्‍हा हुङालाक धेनी देने जुगीनक्‍या माङा हुङालाक।

लुका 13:24

“घो दोक्‍वाने जुयेला घी थुप-थुप थापस्‍यी झ्‍यी, घीझ्‍येरी ॱनाना ङा खेक्‍याला ॱनाहीन, मी माङक्षेगी होदेने जुयेगी थापस्‍यी झ्‍यीगीलाक हीना ॱमीथुप्‍कीलाक।

लुका 16:16

क्षो़ठीम धाङ ॱङो़नस्‍येखेनक्‍या योहान्‍नागी धी़ थुक्‍पे च्‍यीगा सेटाक झ्‍येवालाक। धेनी होदे धी़चो़ने, को़न्‍क्षोकगी ग्‍यासीगी ताम्‍शाङगो सेटाक झ्‍ये हो़तालाक। धेनी मी घीरी होदे नाङदु जुयेला छाङगा ग्‍यालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

जेपा 26:19

“ग्‍यावु आगारीपा, नाम्‍खे श्‍यीङखामने थोथा दे थोङनाङला, ङी खा लोक्‍ती धेक ॱमाथुक्‍जुङ।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

एफीसुपा 5:6

खेक्‍याला सी़या खुङ मेगीन लाबक्‍या तारी ॱमाली़वास्‍योक घीझ्‍येरी ॱनाना देरेक्‍याई झ्‍येरी, को़न्‍क्षोकगी थुक्‍ठो़ काला मेङेन्‍गीनक्‍याई खाला फोवालाक।

फीलीप्‍पीपा 2:12

होझ्‍येरी ङी चेवेक्‍याओ, खेक्‍याई च्‍योई ङी खाला ङेन्‍गीन च्‍योक्‍रे, ङा हो़ती घाङला च्‍यीगा मेन्‍दा, हीना देले ल्‍हाक ङा मेताराङ, खेक्‍या जीक्‍नाङ धाङ घुस्‍यापगी थोक्‍ने, राङगी थारपागी क्षीला काल्‍ले ग्‍योप।

कोलोसेपा 3:6

दो़न देक्‍याई झ्‍येरी, को़न्‍क्षोकगी थुक्‍ठो़ भाप्‍कीलाक।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।

ईब्‍रीपा 3:18

काला मेङेन्‍गीनक्‍या खोङबागी ङासुगी नाङ नामा मीजुगीलाक, सुरी खोङबागी ॱना क्‍या जेपामाले?

ईब्‍रीपा 4:6

होझ्‍येरी मी रीङगागी क्षीदु, होदे ङासु नाङ जुयेगी घुकाप धोराङा हो़तालाक। हीना एम्‍मा ताम्‍शाङ घोरकाक्‍याई, धेपा माझ्‍येवा होदे ङासु नाङ जु ॱमाथुक्‍पालाक।

ईब्‍रीपा 6:11

खीकी रेवा झ्‍येजागो ॱङोन्‍ने डुप्‍येगी क्षीदु, खेक्‍या रे-रेगी था थुक्‍पे देरेराङ झ्‍येरी ची़न्‍डी़ झ्‍यीदास्‍योक ॱनेरी, हेक्‍या दो़दीहो़क।

२ पेटो 2:6

धेनी खोङबागी सादोम धाङ गोमोरा ग्‍याजाक्‍याला मेगी ॱराक्‍ती, चामेदु ताङा जेपालाक। देरे जेदी खोङबागी क्षो़ला ॱमीचीगीन मीक्‍याला घी झ्‍युङये हीन्‍गीनगी, पे च्‍यीक ॱनाङा जेपालाक।