ईब्‍रीपा 3:7 - ॱलोवा

⁷ होझ्‍येरी धाम्‍पे थुक्‍ङीगी सुङालाक, “धीरीङ खेक्‍याई को़न्‍क्षोकगी सुङकेक घोरना,

ईब्‍रीपा 3:7 Iomraidhean Croise

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 22:43

खोङबागी खुङक्‍याला सुवालाक, “देरे हीन्‍ना दावीदगी घाङगी झ्‍येरी सेम्‍ङीने, खोङबाला ‘चोवो’ ॱनेरी भो़वाले? दावीदगी ॱनेवालाक,

मारकु 12:36

दावीद खोराङगी धाम्‍पे थुक्‍ङीगी थोक्‍ने देरे ॱनेवालाक, ‘चोवो को़न्‍क्षोकगी ङी चोवोला सुजुङ, ख्‍यी़ डाक्‍याला ख्‍यी़ काङबा होकला, ङी माश्‍याक्‍कीन थुक्‍पे, ख्‍यो़ ङी क्षाक ये स्‍योकला धो़क।’”

योहान्‍ना 10:16

लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 10:3

घो ॱरुङगीनगी खी़ क्षीला घो पेगीलाक। लुकक्‍याई खी़ केकला ङेन्‍दालाक। धेनी खी़ राङगी लुकक्‍याई मीङने भो़री फीला ठीयालाक।

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।

जेपा 1:16

“पी़नक्‍याओ, क्षो़ठीमला धाम्‍पे थुक्‍ङीगी ग्‍यावु दावीदगी थोक्‍ने, युदागी कोरला कामो़न जेजा घीरी डुप घो़गीलाक। धेनी होदे डुप्‍पालाक। येशुला शीम्‍गीन मीक्‍याला गोठी झ्‍यीगीन युदागो,

जेपा 28:25

खुङक्‍या खा ॱमाछाम्‍पा डोये झ्‍यीदी घाङला, पाउलुगी थामाला दे ॱनेवालाक, “यस्‍याया ॱङो़नस्‍येखेनने धाम्‍पे थुक्‍ङीगी, खेक्‍याई धाङबी फामाक्‍याला सुङगीन लाब दे धेन्‍पा दुक,

जेपा 8:29

धेनी धाम्‍पे थुक्‍ङीगी फीलीपला सुवालाक, “स्‍यीङता खोरलो भोलोक्‍तु सोङ धेनी होदेमुला सोङ।”

ईब्‍रीपा 10:15

दी कोरला धाम्‍पे थुक्‍ङीगीयाः, होराङक्‍याला पाङपो जेदालाक। धाङपो खोङबागी सुङालाक,

ईब्‍रीपा 3:13

खेक्‍याने सी़याः सेम धीक्‍पे ॱली़टेगी ग्‍योङा मेयोङयेगी क्षीला, धीरीङगी ङीमा ॱनेरी हो़गीन थुक्‍पे, च्‍यीकगी च्‍यीकला ॱलोप्‍सो ग्‍योप।

ईब्‍रीपा 3:15

धाम्‍पे सुङरापगी सुङालाक, “धीरीङ खेक्‍याई को़न्‍क्षोकगी सुङकेक घोरना, ङोलोकगी ङीमाला च्‍योक्‍रे, खेक्‍या राङगी सेम ग्‍योङा माशो।”

ईब्‍रीपा 4:7

को़न्‍क्षोकगी “धीरीङ” सुङगीन श्‍याक्‍मो च्‍यीक को़ जेपालाक। धेनी लो माङा स्‍याम्‍ने खोङबागी ग्‍यावु दावीदगी थोक्‍ने, एम्‍मा सुङगीन लाबगो याङ सुङा जेपालाक, “धीरीङ खेक्‍याई को़न्‍क्षोकगी सुङकेक घोरना, खेक्‍या राङगी सेम ग्‍योङा माशो।”

ईब्‍रीपा 9:8

दे घीरीगी थोक्‍ने खीम धाङपोगो हो़गीन थुक्‍पे, धाम्‍पे धाम्‍पा ॱनेसा नाङदु जुजा मेतालाक ॱनेरी, धाम्‍पे थुक्‍ङीगी तो़न जेदालाक।

२ पेटो 1:21

घीझ्‍येरी ॱनाना मीगी दो़पाला तेन्‍ती, ॱङो़नस्‍ये च्‍यीया मायोवालाक हीना धाम्‍पे थुक्‍ङी थोक्‍ने, को़न्‍क्षोकगी थोक्‍ने मीगी सुङ दे स्‍येपालाक।

ॱङो़न्‍पा 3:20

तो़दाङ, ङा घो डामदु लारी घो दुङाहीन। धेनी ङी केक घोरती, घो पेना ङा नाङदु जुयेहीन धेनी होदे मीमुला शामा शायेहीन धेनी होदे ङीमुला शागीलाक।