ईब्‍रीपा 3:5 - ॱलोवा

⁵ धा मोशे नी को़न्‍क्षोकगी नाङमीमुला श्‍याप्‍चीपा च्‍योक्‍रे, ॱलोते छोक्‍पा हो़गीन झ्‍येरी, माउपारला को़न्‍क्षोकगी सुङये हीन्‍गीन कागी कोरला, खी़ पाङपो झ्‍येवालाक।

ईब्‍रीपा 3:5 Iomraidhean Croise

मेथा 24:45

“ॱलो का थुप्‍कीन धाङ स्‍येरापचेनगी ॱयोक्‍पोगो सुले? खीमगी दाक्‍पोगी धी़चो़ ताक-ताकगोला ॱयोक्‍पो श्‍येम्‍माक्‍याला शामा तेरयेला को़गीन ॱयोक्‍पोगो लाक।

मेथा 25:21

दाक्‍पोगी़ खोला ॱनेवालाक, ‘ॱयोक्‍पो शाङपो धाङ ॱलो का थुप्‍कीन, ख्‍यी़ ॱमीच्‍यीकी घा झ्‍येदुक। ख्‍यी़ ङ्युङाला ढाङपो झ्‍येरी, धा ङा ख्‍यो़ला माङागी गेन तेराहीन। धा ङीमुला घाटो ताङदु स्‍योक।’

लुका 12:42

चोवोगी सुवालाक, “धा दाक्‍पोगी राङगी नाङमीक्‍याला धी़चो़ ताक-ताकला राङ-राङगी कादागी शामा तेरयेला को़का, ॱङेरपा ॱलो काथुप्‍कीन धाङ स्‍येरापचेनगो सुले?

लुका 24:27

धेनी मोशे धाङ ॱङो़नस्‍येखेन घीरीने गो चुक्‍ती, सुङराप घीरी नाङने, खोङबागी कोरला सुङगीन घीरीगी दो़न्‍दाक, खुङक्‍याला खोङबागी टो जेपालाक।

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

योहान्‍ना 5:39

सुङरापगी नाङदु थामेपे छेसोक हो़टु साम्‍दी, खेक्‍या सुङराप नाङला चालालाक। ङी कोरला पाङपो झ्‍यीगीन होदे सुङरापराङ लाक

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 7:37

‘को़न्‍क्षोकगी खेक्‍याई क्षीला, खेक्‍या नाङने ङा च्‍योक्‍रे ॱङो़नस्‍येखेन च्‍यीक दाम्‍गीलाक।’ ॱनेरी ईस्‍राएल्‍पा मीक्‍याला ॱनागीन मीगो मोशेराङ लाक।

रोमापा 3:21

हीना धान्‍दा को़न्‍क्षोकगी होराङला क्षो़ठीम ॱमारुङवालाः, खोङगी डुङदु ढाङपो झ्‍युङयेगी लाम तो़न जे हो़तालाक। धेनी देगी पाङपो, मोशेगी क्षो़ठीम धाङ ॱङो़नस्‍येखेनक्‍याई झ्‍यीदालाक।

१ कोरीन्‍थुपा 4:2

धा ॱङेरपाक्‍या नी, ॱलो का थुप्‍कीन झ्‍युङघो़।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

ईब्‍रीपा 1:1

एम्‍मा को़न्‍क्षोकगी होरी धाङबी फामाक्‍यामुला ॱङो़नस्‍येखेनक्‍याई थोक्‍ने, थेङ माङपो धाङ थापस्‍यी माङाने का सुवालाक।

ईब्‍रीपा 3:2

को़न्‍क्षोकगी नाङमीक्‍यामुला मोशे ॱलोते छोक्‍पा हो़गीन च्‍योक्‍रे, येशु खोङला को़ जेगीनमुला ॱलोते छोक्‍पा हो़तालाक।

ईब्‍रीपा 3:4

घीझ्‍येरी ॱनाना खाङबा रे-रेला चीक्‍खेन रे-रे हुङालाक हीना घीरी चीक्‍कीनगो नी, को़न्‍क्षोक लाक।

ईब्‍रीपा 8:5

होदे क्षो़पो़नक्‍या नाम्‍खे श्‍यीङखामगी ॱनेसागी पे धाङ ढीम्‍जाक हीन्‍गीन, धाम्‍पे धाम्‍पा ॱनेसारु श्‍याप्‍ची श्‍युवालाक घीझ्‍येरी ॱनाना मोशेगी धाम्‍पे घुरखाङगो शोये झ्‍यीदाराङ, को़न्‍क्षोकगी देरे का जेपालाक, “रीरु ख्‍यो़ला तो़न्‍गीन पेला तेन्‍दी, ख्‍यी़ दे घीरी शो़।”

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

ॱङो़न्‍पा 15:3

धेनी खुङक्‍याई को़न्‍क्षोकगी श्‍याप्‍ची, मोशे धाङ लुक्‍टुगी घुरलु दे लेन्‍बालाक, “के चोवो, कुवाङ को़न्‍क्षोकला, खेराङगी क्षाक्‍ले नी क्षे धाङ ॱहालेगीन दुक। के मीरीकक्‍याई ग्‍यावु, खेराङगी लाम नी ढाङपो धाङ धेन्‍पा दुक।