ईब्‍रीपा 3:14 - ॱलोवा

¹⁴ घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 3:14 Iomraidhean Croise

रोमापा 11:17

धा क्‍युरुस्‍यीङ शाङागी याक्‍का रीङगा चेदी, रीगागी क्‍युरुस्‍यीङ दोङबोगी याक्‍काक्‍या होदे दोङबो शाङागोला थी़दी श्‍याक्‍ना, होदेक्‍याला होदे दोङबो शाङागी चावाने ची़ शाङागो थोबालाक।

रोमापा 11:22

होझ्‍येरी को़न्‍क्षोकगी ॱङीङजे धाङ चुवाला दो़नाङ झ्‍यी। काला मेङेन्‍गीनक्‍याला खोङ चुवा जेदालाक हीना खोङगी ॱङीङजेला मी़थुने ॱलो काना, खोङगी खेक्‍याला ॱङीङजे जेदालाक। देरे मेन्‍ना खेक्‍यालाः चेदा जेगीलाक।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 10:17

घीझ्‍येरी ॱनाना ग्‍याङगागो च्‍यीकराङ हो़तालाक धेनी होराङ घीरी ग्‍याङगा च्‍यीक्‍नेराङ शागीन झ्‍येरी, होराङ माङा हो़गीनक्‍या ली़ च्‍यीक लाक।

१ कोरीन्‍थुपा 9:23

मी श्‍येम्‍माक्‍याईमुला ताम्‍शाङगी झ्‍यीलाप थोप्‍येगी क्षीदु, ङा दे घीरी ताम्‍शाङगी क्षीदु झ्‍यीदाहीन।

एफीसुपा 3:6

साङवा दे नी, ताम्‍शाङगी थोक्‍ने याहुदापा मेन्‍गीनक्‍याः ईस्‍राएल्‍पाक्‍यामुला ग्‍युज्‍यीन च्‍यीक्‍पा धाङ ली़ च्‍यीकगी येन्‍लाकक्‍या धाङ मास्‍यीका येशुगी नाङ, धाम्‍चागी कादा थोप्‍गीन लाक।

१ तीमोथेउ 6:2

दाक्‍पोक्‍या धेपा झ्‍यीगीन हीन्‍ना, धेपाला पी़न हीन साम्‍दी थोङछुङ झ्‍यीये मेतालाक। हीना खुङक्‍याई श्‍याप्‍चीगी फेन्‍दोकगो धेपा झ्‍यीगीनक्‍या धाङ राङगी चेवेक्‍याला झ्‍युङगीलाक साम्‍दी, खुङक्‍याई ॱयोल्‍ले ल्‍हाक श्‍याप्‍ची श्‍यु घोगुलाक। हुरे झ्‍यीयेलाराङ ॱलापच्‍या ग्‍योप धेनी कु।

ईब्‍रीपा 11:1

धा धेपा नी, होरी रेवा झ्‍यीगीन दो़नगी ॱलोते धाङ होरी ॱमीकगी ॱमेथोङगीन, दो़नक्‍याई रेवा तेन्‍पोगो लाक।

ईब्‍रीपा 12:10

घीझ्‍येरी ॱनाना होरी जीक्‍तेनगी आकीगी राङगी घा साम्‍गीन च्‍योक्‍रे, धी़ तीते च्‍यीक होराङला ॱलापच्‍या ग्‍यावालाक हीना को़न्‍क्षोकगी होराङ खोङबा च्‍योक्‍रे, धाम्‍पा झ्‍युङयेगी क्षीदु, होरी फेन्‍थोकगी क्षीदु होराङला ॱलापच्‍या ग्‍यावा जेदालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 6:11

खीकी रेवा झ्‍येजागो ॱङोन्‍ने डुप्‍येगी क्षीदु, खेक्‍या रे-रेगी था थुक्‍पे देरेराङ झ्‍येरी ची़न्‍डी़ झ्‍यीदास्‍योक ॱनेरी, हेक्‍या दो़दीहो़क।

ईब्‍रीपा 6:4

घीझ्‍येरी ॱनाना थेङ च्‍यीक को़न्‍क्षोकगी हो़ थोप्‍सासा धाङ नाम्‍खे श्‍यीङखामगी ॱनाङज्‍यीनगो, ङ्यामङ्युङ झ्‍येसासाक्‍या धाङ धाम्‍पे थुक्‍ङीगी कादा जोरसासाक्‍या,

१ पेटो 4:13

हीना मास्‍यीका शीजेला ॱङो़न्‍दी घाङला, खेक्‍या ॱमीच्‍यीकी ङ्यामो घा धाङ घाटो केयेगी क्षीला, धान्‍दा खेक्‍या मास्‍यीकागी दुक्‍पुमुला खुरी घाङला ङ्यामो घा झ्‍यी।

१ पेटो 5:1

ङाराङ क्षो़छोकगी गोठी च्‍यीक हीन्‍गीन झ्‍येरी, धेनी मास्‍यीकागी दुक्‍पु ङ्याङगीनगी पाङपो धाङ स्‍याम्‍ला ॱङो़न्‍ये हीन्‍गीन शीजेला मुला थेये हीन्‍गीन च्‍यीक झ्‍येरी, ङा खेक्‍या नाङने गोठीक्‍याला श्‍योवा पुलाहीन,

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।