ईब्‍रीपा 2:4 - ॱलोवा

⁴ धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।

ईब्‍रीपा 2:4 Iomraidhean Croise

मारकु 16:20

धेनी ङेनेक्‍या साज्‍या घीरीदु सोरी, ताम्‍शाङ स्‍येपालाक। चोवोगी खुङक्‍यामुला क्षाक्‍ले जेपालाक धेनी ॱहालेगीन ताकक्‍या तो़न जेदी, ताम्‍शाङ धेन्‍पा हीन्‍गीनगी पाङपो जेपालाक।]

मारकु 6:14

येशुगी छेन घीरीदु ख्‍याप्‍ती, ग्‍यावु हेरोदेगीयाः खोङबागी कोरला ॱहाघोरपालाक। रीङगागी, “ठी़सो़ ॱनाङगीन योहान्‍ना ढोरीयाः सो़न्‍पो लाङदुक होझ्‍येरी खो देरे ॱहाङसागीन लेगा झ्‍यी थुक्‍वालाक।” ॱनेरी ॱनेवालाक।

योहान्‍ना 15:26

“हीना यापगी डुङने फेप्‍कीन, धेन्‍पा थुक्‍ङी, रोवा जेगीनगो फेप्‍कीलाक। धेनी यापगी डुङने ङी ॱङाक्‍कीन देगी ङी पाङपो जेगीलाक।

योहान्‍ना 4:48

येशुगी खोला सुवालाक, “खेक्‍या ताक धाङ याम्‍क्षेनगी क्षाक्‍लेक्‍या ॱमाथोङगीन थुक्‍पे धेपा मीझ्‍यीदालाक।”

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

जेपा 5:32

हेक्‍या दे लाबक्‍याई पाङपो हीन धेनी को़न्‍क्षोकगी राङगी काला ङेन्‍गीनक्‍याला ॱनाङना, धाम्‍पे थुक्‍ङीगीयाः दे लाबक्‍याई पाङपो तो़न्‍दा जेदुक।”

एफीसुपा 1:5

को़न्‍क्षोकगी थुकोङ धाङ घावाला तेन्‍ती, येशु मास्‍यीका थोक्‍ने, खोङबागी होराङला राङगी से धाङ सेमो झ्‍युङयेला, एम्‍माने झाम्‍पागी थोक्‍ने थाक्‍चो़ जेपालाक।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 4:7

हीना थुक्‍जेगो होराङ रे-रेला मास्‍यीकागी ॱनाङज्‍यीनगी, छेला तेन्‍दी ॱनाङ हो़तालाक।

ईब्‍रीपा 6:4

घीझ्‍येरी ॱनाना थेङ च्‍यीक को़न्‍क्षोकगी हो़ थोप्‍सासा धाङ नाम्‍खे श्‍यीङखामगी ॱनाङज्‍यीनगो, ङ्यामङ्युङ झ्‍येसासाक्‍या धाङ धाम्‍पे थुक्‍ङीगी कादा जोरसासाक्‍या,