ईब्‍रीपा 2:11 - ॱलोवा

¹¹ घीझ्‍येरी ॱनाना धाम्‍पा जेगेन धाङ धाम्‍पा झ्‍युजा घीरीगी याप च्‍यीक्‍पा लाक। होझ्‍येरी खुङक्‍याला पी़न ॱनेरी, भो़येला येशुगी ङोजा मेजेदालाक।

ईब्‍रीपा 2:11 Iomraidhean Croise

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 28:10

धेनी येशुगी खुङ ॱङीउला सुवालाक, “खेक्‍या माजीक। सोला, ङी पी़नक्‍याला गालीलदु सुङ ॱनो़ धेनी होदुरु खुङक्‍याई ङाला थोङगीलाक।”

मारकु 3:34

धेनी खोङबागी राङला खोरती धेता मीक्‍याला शीक्‍ती सुवालाक, “ङी आमा धाङ पी़नक्‍या देक्‍याराङ हीन।

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

योहान्‍ना 17:19

खुङक्‍याः धेन्‍पागी गोने धाम्‍पा झ्‍युङयेगी क्षीला, खुङक्‍याई क्षीदु ङी ङाराङला धाम्‍पा शो़हो़क।”

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

जेपा 17:26

खोङबागी मी च्‍यीकने, जाम्‍बुलीङ नाङगी मीरीक घीरी को़ ॱनाङजुङ। खोङबागीराङ होदे मीक्‍याई पी़घोगीन मीछेगी धी़चो़ धाङ धेघोगीन साजा एम्‍मानेराङ को़ जे हो़तालाक।

जेपा 17:28

‘घीझ्‍येरी ॱनाना खोङबागी होराङला मीछे पी़ये धाङ ग्‍युक्‍ये धाङ होराङ सु हीन्‍गीनगो झ्‍युङयेगी वाङ ॱनाङालाक।’ देगी कोरला खेराङक्‍याई यीक चोम्‍गीन रीङगागी ॱनेवालाक, ‘होराङक्‍या खोङबागी दुङग्‍यु लाक।’

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

ईब्‍रीपा 10:10

धेनी होदे थुकोङगी गोने, थेङ च्‍यीकला राङ घीरीगी क्षीदु, येशु मास्‍यीकाई कुशुकगी ॱमारछो़गी थोक्‍ने, होराङक्‍या धाम्‍पा जे हो़तालाक।

ईब्‍रीपा 10:14

ॱमारछो़ च्‍यीकगी गोने धाम्‍पा जेये हीन्‍गीनक्‍याला, धी़ तेनगी क्षीदु फी़न्‍सुम छोक्‍पा जे हो़तालाक।

ईब्‍रीपा 11:16

हीना खुङक्‍या देने ल्‍हाक शाङा नाम्‍खे श्‍यीङखामगी यु च्‍योक्‍रे, च्‍यीकगी दो़पा झ्‍यीदालाक। होझ्‍येरी को़न्‍क्षोक खुङक्‍याई को़न्‍क्षोक हीन सुरी सुङयेला, ङोजा मेजेदालाक घीझ्‍येरी ॱनाना खोङबागी खुङक्‍याई क्षीला ग्‍याजा च्‍यीक डाढीक जे हो़तालाक।

ईब्‍रीपा 13:12

होझ्‍येरी येशुगीयाः राङगी कुठाकगी गोने मीक्‍याला धाम्‍पा जेयेला, गेघोगी फीला दुक्‍पु ङ्यावालाक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।