ईब्‍रीपा 2:10 - ॱलोवा

¹⁰ ॱङोपो घीरी को़ जेगीन नी, को़न्‍क्षोक लाक धेनी घीरी खोङगी क्षीदु को़ जेपालाक। धेनी भीजा धाङ भोमो माङाला शीजे नाङदु ठीक्‍ती हुङयेगी क्षीदु, येशुला दुक्‍पु ङ्याङदु च्‍युक्‍ती फी़न्‍सुम छोक्‍पा जेयेगो, को़न्‍क्षोकगी क्षीदु ताक-ताक झ्‍युवालाक। येशुराङ खुङक्‍याला थारपाला ठीक्‍कीनगो लाक।

ईब्‍रीपा 2:10 Iomraidhean Croise

लुका 13:32

खोङबागी खुङक्‍याला सुवालाक, “सोरी होदे स्‍याल्‍लाला ॱनो़, ‘धीरीङ धाङ ॱङेटो ङा डेक्‍या तो़न्‍येहीन धेनी चो़गा झ्‍यीये लेगा झ्‍यीयेहीन धेनी श्‍याक्‍मु सुम्‍बागोला ङी लेगा जोक्‍कीलाक।

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

लुका 24:26

मास्‍यीकागी दे घीरी दुक्‍पु ङ्याङ घो़री, खोरी शीजेदु फेप घो़गु माले?”

लुका 24:46

खोङबागी खुङक्‍याला सुवालाक, “देरे ढीक हो़तालाक, मास्‍यीकागी दुक्‍पु ङ्याङ घो़गीलाक धेनी श्‍याक्‍मो सुम्‍बागोला छीवाने सो़न्‍पो श्‍याङगीलाक।

योहान्‍ना 11:52

धेनी याहुदापे मीरीक क्षीला च्‍यीगा मेन्‍दा थोरती धेता, को़न्‍क्षोकगी से धाङ सेमोक्‍या च्‍यीकदु धी़येगी क्षीला स्‍येपालाक।

योहान्‍ना 19:30

धेनी येशुगी होदे घुन्‍क्षाङ क्‍युरमुगो श्‍येरी सुवालाक, “धा डुप्‍जो।” धेनी खोङबागी उ घुक्‍ती कुसोक ॱलो़ ताङा जेपालाक।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 11:36

घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

रोमापा 9:23

दे नी एम्‍माने शीजेगी क्षीला को़न्‍क्षोकगी डाढीक जेजा, खोङगी ॱङीङजे तो़न्‍जा मीक्‍या खाला, खोङगी ॱलानामेपे शीजे ॱयो़ल्‍ले ठाछाई झ्‍येरी, ॱङो़न्‍येगी क्षीदु खोङबागी जेपालाक।

१ कोरीन्‍थुपा 2:7

हीना साङवादु बेरी श्‍याकश्‍या को़न्‍क्षोकगी स्‍येराप दे हेक्‍या स्‍येदाहीन। स्‍येराप दे नी, जीक्‍तेन ॱमाको़ एन्‍लानेराङ, हीकी शीजेगी क्षीला को़न्‍क्षोकगी को़वालाक।

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

२ कोरीन्‍थुपा 3:18

धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

२ कोरीन्‍थुपा 5:18

दे घीरी को़न्‍क्षोकने झ्‍युवालाक। धेनी खोङबागी होराङला मास्‍यीकागी थोक्‍ने, राङमुला दुमा जेपालाक धेनी थी़न्‍ढीलगी श्‍याप्‍तोक ॱनावालाक।

२ कोरीन्‍थुपा 6:18

धेनी “ङा नी खेक्‍याई याप झ्‍युङयेहीन, धेनी खेक्‍या ङी भु धाङ भोमो झ्‍युङगीलाक, सुरी कुवाङ को़न्‍क्षोकगी सुङी।”

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

एफीसुपा 3:10

दे नी, क्षो़छोकगी गोने नाम्‍खे श्‍यीङखामदु हो़गीन पो़न्‍पोक्‍या धाङ वाङ झ्‍यीगीनक्‍याला, को़न्‍क्षोकगी स्‍येराप ॱनाम्‍पा ॱनाछोक धान्‍दा ॱङो़न्‍दु जेयेगी क्षीला लाक।

कोलोसेपा 3:4

धेनी खेक्‍याई छेसोक हीन्‍गीन मास्‍यीका ॱङो़न्‍दी घाङला, खेक्‍याः खोङबामुला शीजे नाङदु ॱङो़न्‍गीलाक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 6:20

धेनी दी नाङदु, येशु एन्‍लाराङ होरी छापला फेप्‍सालाक। धेनी खोङबा नी मेल्‍कीजेदेक च्‍योक्‍रे, होरी क्षीदु थामेपे चो क्षो़पो़न झ्‍युवालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

ईब्‍रीपा 7:28

घीझ्‍येरी ॱनाना क्षो़ठीमगी मी क्‍योवाक्‍याला चो क्षो़पो़न को़लालाक हीना धी़ तेनगी क्षीदु फी़न्‍सुम छोक्‍पा जेजा, को़न्‍क्षोकगी सेला क्षो़ठीमने श्‍युकला होवा उ ॱनागी कागी थोक्‍ने, खोङबाला चो क्षो़पो़न को़ जेपालाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

१ पेटो 5:1

ङाराङ क्षो़छोकगी गोठी च्‍यीक हीन्‍गीन झ्‍येरी, धेनी मास्‍यीकागी दुक्‍पु ङ्याङगीनगी पाङपो धाङ स्‍याम्‍ला ॱङो़न्‍ये हीन्‍गीन शीजेला मुला थेये हीन्‍गीन च्‍यीक झ्‍येरी, ङा खेक्‍या नाङने गोठीक्‍याला श्‍योवा पुलाहीन,

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

ॱङो़न्‍पा 4:11

“होरी चोवो धाङ को़न्‍क्षोक, खेराङला शीजे धाङ कुरती धाङ वाङ थोप घोयेदुक। घीझ्‍येरी ॱनाना हो़गीन घीरी खेराङगी को़ जेपालाक, धेनी खेराङगी थुकोङला तेन्‍ती, होदेक्‍या झ्‍युवालाक धेनी को़पालाक।”

ॱङो़न्‍पा 7:9

होदे स्‍याम्‍ने सी़याः ढाङगा ग्‍याप ॱमीथुक्‍कीन, मीरीक हो़ले धाङ ग्‍युपा हो़ले धाङ मीमाङ हो़ले धाङ केरीक हो़लेगी, मीछोक क्षे च्‍यीक श्‍युक्‍ठी धाङ लुक्‍टुगी दोङदु लारी धेगीनगो, ङी थोजुङ। धेनी खुङक्‍या घो़ काउ घो़न्‍दी, लाक्‍पारु स्‍यीङ तालागी याकाक्‍या खेरती धेदुक।