ईब्‍रीपा 13:9 - ॱलोवा

⁹ क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

ईब्‍रीपा 13:9 Iomraidhean Croise

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 24:4

येशुगी खुङक्‍याला सुवालाक, “च्‍याङजे झ्‍यी, मी सी़या खेक्‍याला ॱमाली़वास्‍योक।

लुका 5:38

हीना घुन्‍क्षाङ साबागो पीखु साबा नाङदुराङ ॱलुक घोगुलाक।

जेपा 20:30

खेराङक्‍या खोक्‍नेराङ क्षो़ शोक्‍पो तेरकीन मीक्‍या थो़न्‍दी, चोवोगी ङेनेक्‍याला खोराङक्‍या स्‍योकला ग्‍युरतु च्‍युक्‍कीलाक।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 14:2

मी रीङगागी शामा ॱना हो़लेगो शाना ढीयालाक ॱनेरी, धेपा झ्‍यीदालाक हीना धेपाला क्‍योवा हो़गीनगो ॱङोप्‍छे च्‍यीगा शालाक।

रोमापा 14:6

ङीमा च्‍यीकला ॱमीक्‍सेगी खाक्‍क्षे चीगीनगी़ चोवोगी क्षीदु चीलालाक। धेनी शागीनगी चोवोगी क्षीदु शालाक घीझ्‍येरी ॱनाना खी़ को़न्‍क्षोकला काटीन्‍क्षे श्‍युवालाक। धेनी मेशागीनगी़ चोवोगी क्षीदु मेशालाक धेनी खी़ को़न्‍क्षोकला काटीन्‍क्षे श्‍युवालाक।

१ कोरीन्‍थुपा 6:13

खेक्‍या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्‍क्षोकगी दे ॱङीगाराला मेताला जेगीलाक। धेनी ली़ नी, लोक्‍येमगी क्षीदु मेन्‍दा चोवोगी क्षीदु लाक धेनी चोवो नी, ली़गी क्षीदु लाक।

१ कोरीन्‍थुपा 8:8

हीना शामागी होराङला को़न्‍क्षोक डुङदु ङ्येयाः मेशोवालाक। धेनी मेशानाः ॱनो़ये घीया मेतालाक धेनी शाना फेन्‍ये घीया मेतालाक।

२ कोरीन्‍थुपा 1:21

धा हेक्‍याला खीकीमुला मास्‍यीका येशुगी नाङ तेन्‍पो जेगीन धाङ हेक्‍याला दामा जेगीनगो को़न्‍क्षोक लाक।

गालातीयापा 6:1

पी़नक्‍याओ, मी च्‍यीकगी झ्‍यावा ङेन्‍पा झ्‍यीगीनगो थेम्‍ना, खे धाम्‍पे थुक्‍ङीला ॱनेगीनक्‍याई झाम्‍बो झ्‍येरी, मी देला लाम ढाङपोला ठीक। धेनी खेक्‍याराङ होदेने ॱमीली़येगी क्षीला राङला शाप-शाप झ्‍यी।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

एफीसुपा 5:6

खेक्‍याला सी़या खुङ मेगीन लाबक्‍या तारी ॱमाली़वास्‍योक घीझ्‍येरी ॱनाना देरेक्‍याई झ्‍येरी, को़न्‍क्षोकगी थुक्‍ठो़ काला मेङेन्‍गीनक्‍याई खाला फोवालाक।

कोलोसेपा 2:4

मी सी़या खेक्‍याला ॱली़गीन ताम ॱङेन्‍बोगी गोकोर ॱमाताङास्‍योक ॱनेरी, ङा देरे ॱनाहीन।

२ थेसालोनीकेपा 2:17

खेक्‍याला सेम्‍सो ॱनाङास्‍योक धेनी च्‍योई ले शाङपो झ्‍यीये धाङ ढाङपो स्‍येयेला, स्‍युक ॱनाङास्‍योक।

२ थेसालोनीकेपा 2:2

चोवोगी ङीमा ॱलेप्‍दुक ॱनेरी ॱनागीन ॱङो़नस्‍ये धाङ ताम धाङ हीकी स्‍योकने हीन्‍ढु ॱनेरी, यीक रे हुङना, लेल्‍हामोमाला खेक्‍याई सेम ठुक्‍ती माजीक।

१ तीमोथेउ 6:20

तीमोथेउ ओ, ख्‍यो़ला च्‍योगीनगो ॱरुङ च्‍यीक। धेनी मीक्‍याई शोक्‍पो ॱनेरी “स्‍येराप” साम्‍गीन क्षो़ला ॱमीथी़न्‍गीन, लाब धाङ क्षोमेगीन चो़पाक्‍याने जेम।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

युदा 1:12

खीकी झाम्‍पे डो़नला दे मीक्‍या ढीमाक च्‍योक्‍रे दुक घीझ्‍येरी ॱनाना देक्‍या ङोजा मीझ्‍यीदा, राङला च्‍यीगा साम्‍दी ॱमीच्‍यीकी शा-थुङ झ्‍यीदालाक। देक्‍या नी, ॱलुङगी ताक्‍ती खेरकीन क्षु मेगीन ॱरीङबाक्‍या च्‍योक्‍रे लाक धेनी तो़न्‍गागी ढेबु मेगीन थेङमा ॱङी स्‍यीछासा, चावाने कोक्‍का स्‍यीङदोङ च्‍योक्‍रे लाक।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।