ईब्‍रीपा 13:5 - ॱलोवा

⁵ खेक्‍या ॱङुला सेम्‍बा ॱमाक्षाक धेनी राङला घी हो़गीनगोला, दो़पा खाङा झ्‍यी घीझ्‍येरी ॱनाना को़न्‍क्षोकगी सुङ हो़तालाक, “ङा खेक्‍याला नामा मेभोर, धेनी ङा खेक्‍याला नामा ॱमेपाङ।”

ईब्‍रीपा 13:5 Iomraidhean Croise

मेथा 6:19

“जीक्‍तेनदु राङगी क्षीला ग्‍युनोर ॱमासाक, घीझ्‍येरी ॱनाना दुरु मुक्‍पा धाङ चागी मेताला ताङगीलाक, धेनी कुमु जुरी कुगीलाक।

मेथा 6:25

“होझ्‍येरी ङा खेक्‍याला ॱनाहीन, मीछेगी छीला घी शाये, घी थुङये धेनी ली़गी छीला घी घो़न्‍ये ॱनेरी दुङा माझ्‍यी। शामाने खाक्‍क्षे मीछे धाङ घोलाकने खाक्‍क्षे ली़ माले?

मेथा 6:34

होझ्‍येरी ॱङेटोगी क्षीला दुङा माझ्‍यी, घीझ्‍येरी ॱनाना ॱङेटोला ॱङेटोराङगी दुङा हो़तालाक। धीरीङगी दुङा, धीरीङगी क्षीला ढीक्‍येदुक।”

मारकु 7:22

लोक्‍येम धाङ ॱहाम्‍बा धाङ ङेन्‍पा धाङ गोकोर धाङ दो़छाक धाङ ठादोक धाङ ठामा धाङ ङागेल धाङ ॱलेन्‍पाक्‍या थो़न्‍दालाक।

लुका 3:14

धेनी ॱमाक्‍मीक्‍याई ढीवालाक, “हेक्‍यागो घी झ्‍यीये?” धेनी योहान्‍नागी खुङक्‍याला ॱनेवालाक, “जीक्‍टा कुरी धाङ क्‍यो़न शोक्‍पो चुक्‍ती, मी सुनेयाः आले ॱमाठोक। ख्‍यो़री ॱलागोला दो़पा खाङा झ्‍यी।”

लुका 8:14

छेम्‍मागी साङला थोरकीनगोक्‍या, काला ङेन्‍येगो ङेन्‍दी हीना मीछेगी दुङा धाङ ग्‍युनोर धाङ दो़पा ॱनाछोकगी खुङक्‍याला ॱनेमालाक धेनी देक्‍याई ढेबु के ॱमीथुक्‍वालाक।

रोमापा 1:29

खुङक्‍या नी, चो़पा दुकच्‍या धाङ ङेन्‍पा धाङ सो़न्‍ना धाङ ङेन्‍सेम ॱनाछोकगी खाङ हो़तालाक। धेनी खुङक्‍या ठादोक धाङ मी सोक चेये धाङ ठुक्‍पा ग्‍याप्‍ये धाङ गो कोरये धाङ दाङसेमगी खाङ हो़तालाक। धेनी खुङक्‍या ठामा ग्‍याप्‍ये

१ कोरीन्‍थुपा 5:11

हीना राङला मास्‍यीकावा पी़न हीन ॱनेरी ॱनागीन, हीना लोक्‍येम धाङ ॱहाम्‍बा धाङ कुन्‍डाला क्षो़ये धाङ ॱमेबेप ताङये धाङ रा शीये धाङ ॱली़गीन लेगा झ्‍यीगीनक्‍यामुला ढेवा माझ्‍यी ॱनेरी, ङा धान्‍दा खेक्‍याला ढीयाहीन। देरे मीक्‍यामुला शामाः मुला माशा।

१ कोरीन्‍थुपा 6:10

याङना कुमा कुगीनक्‍या याङना ॱहाम्‍बा झ्‍यीगीनक्‍या याङना शीरी ग्‍युक्‍कीनक्‍या याङना ॱमेबेप ताङगीनक्‍या याङना ॱली़गीनक्‍याला, को़न्‍क्षोकगी ग्‍यासीगी थोप्‍ताङ ॱमेथोप्‍कीलाक।

२ कोरीन्‍थुपा 4:9

हेक्‍याला दुक्‍जोङ फोक हो़क हीना पाङपा मेक धेनी हेक्‍याला दुङदाक फोक हो़ना, हेक्‍या मेताला ॱमासोहो़क।

एफीसुपा 5:3

हीना खेक्‍या को़न्‍क्षोकगी धाम्‍पे मीक्‍या झ्‍येरी, खीकी घुङदु दो़लोक धाङ भावा स्‍योरकीन ले ॱना घीरी, याङना ॱनाब्‍सेमक्‍याई मीङ च्‍यीया भेचो़ झ्‍यीये मेतालाक।

एफीसुपा 5:5

घीझ्‍येरी ॱनाना दो़लोक झ्‍यीगीन धाङ ले ॱमेचाङा झ्‍यीगीन धाङ ॱनाब्‍सेम्‍चेनगी मी सी़ हीन्‍ना (कुन्‍डा क्षो़गीनक्‍या), मास्‍यीका धाङ को़न्‍क्षोकगी ग्‍यासीगी कादा ॱमेथोप्‍कीलाक ॱनेरी, खेक्‍याई सावो स्‍येलाझ्‍यी।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

२ पेटो 2:14

लोक्‍येमगी खाङखा खुङक्‍याई ॱमीकगी धीक्‍पा झ्‍यीयेला, नामा छाम मेश्‍यालाक। धेनी तेन्‍पो मेगीन सेम हो़गीनक्‍याला, खुङक्‍याई ॱली़लालाक। खुङक्‍याई सेम सेन्‍ना झ्‍यीयेला घोम हो़तालाक धेनी खुङक्‍या ॱमेमो फोक्‍पा भुटुक लाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।

युदा 1:11

देक्‍या ॱङ्यावाली! घीझ्‍येरी ॱनाना खुङक्‍या कायीनगी लामला डाङालाक धेनी ग्‍युनोर थोप्‍ये क्षीला, बालामगी नोन्‍डुला छी़दालाक। धेनी कोरागी ङोलोकला च्‍योक्‍रे, मेताला डुगीलाक।