ईब्‍रीपा 13:4 - ॱलोवा

⁴ मी घीरीगी ॱङेन्‍डीला चीदोङ झ्‍यीघो़, धेनी नाङजाङ ॱङीगी घुङला लोक्‍येम मीझ्‍युङास्‍योक घीझ्‍येरी ॱनाना को़न्‍क्षोकगी लोक्‍येम्‍पाक्‍या धाङ दो़लोक झ्‍यीगीनक्‍याला ठीम्‍चो़ जेगीलाक।

ईब्‍रीपा 13:4 Iomraidhean Croise

१ कोरीन्‍थुपा 5:13

फीदी मीगी ठीम को़न्‍क्षोकगीराङ जेगीलाक। “खेरी खोक्‍ने, मी ङेन्‍पाक्‍याला पी़दी झोङ।”

१ कोरीन्‍थुपा 6:18

लोक्‍येमने जेम्‍दी धो़क। मीगी झ्‍यीगीन धीक्‍पा श्‍येम्‍मा घीरी ली़गी फीला हुङालाक हीना लोक्‍येम झ्‍यीगीनगी राङगी ली़लाराङ धीक्‍पा झ्‍यीदालाक।

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

१ कोरीन्‍थुपा 7:38

देरे झ्‍येरी नाच्‍युङमागोला ॱनामा लेन्‍गीनगी़ घा राङ झ्‍यीदालाक हीना मेलेन्‍गीनगी़ ॱयोल्‍ले घा झ्‍यीदालाक।

१ कोरीन्‍थुपा 9:5

श्‍येम्‍मा कुछापक्‍या धाङ चोवोगी नोक्‍या धाङ केफास च्‍योक्‍रे, हेक्‍याला धेपा झ्‍यीगीन केमी ठीक्‍ती डोयेगी आङजा मेताले?

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

गालातीयापा 5:19

धा धीक्‍चेन राङश्‍यीगी लेगाक्‍या सावो हो़तालाक। देक्‍या लोक्‍येम धाङ दो़क्षाकगी, लेगा धाङ दो़क्षाक घागीन धाङ

गालातीयापा 5:21

ॱङीङनाक धाङ रा शीगीन धाङ चो़पा मेगीन श्‍युक्‍टा धाङ देरे च्‍योक्‍रे लेगाक्‍या लाक। देरे झ्‍यीगीनक्‍याला को़न्‍क्षोकगी ग्‍यासीगी ग्‍युज्‍यीन थोप्‍कीमालाक, ॱनेरी ङी एन्‍ला खेक्‍याला ॱनेवी धेनी धान्‍दाः ॱनाहीन।

एफीसुपा 5:5

घीझ्‍येरी ॱनाना दो़लोक झ्‍यीगीन धाङ ले ॱमेचाङा झ्‍यीगीन धाङ ॱनाब्‍सेम्‍चेनगी मी सी़ हीन्‍ना (कुन्‍डा क्षो़गीनक्‍या), मास्‍यीका धाङ को़न्‍क्षोकगी ग्‍यासीगी कादा ॱमेथोप्‍कीलाक ॱनेरी, खेक्‍याई सावो स्‍येलाझ्‍यी।

१ थेसालोनीकेपा 4:6

दो़न देला मी सी़याः राङगी पी़नला दुक्‍पु तारी गोकोर ॱमेछोक्‍कीलाक घीझ्‍येरी ॱनाना हीकी खेक्‍याला एन्‍दुरु ॱनागीन च्‍योक्‍रे, चोवोगी देरे लेगा झ्‍यीगीनक्‍याला डास्‍या लेन जेगीलाक।

१ तीमोथेउ 3:12

क्षो़छोकगी श्‍याप्‍तोक्‍पागो केमी च्‍यीकगी ख्‍योवा हुङ घोगीलाक धेनी राङगी टुवाक्‍या धाङ नाङमीक्‍याला घामोमा क्‍योङगीन हुङ घोगीलाक।

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

१ तीमोथेउ 3:4

खो राङगी टुवाक्‍याला घीरीने यारापगी थोक्‍ने, खाला ङेन्‍पो शो़री राङगी नाङमीला घामोमा क्‍योङ घोगीलाक।

१ तीमोथेउ 4:3

देरे मीक्‍याई ॱनामा लेन्‍ये मेतालाक धेनी शामा ॱना रीङगा शाये मेतालाक ॱनेरी ॱनागीलाक। हीना धेपा झ्‍यीगीनक्‍या धाङ धेन्‍पा ॱहाघोकीनक्‍याई काटीन्‍क्षे श्‍यी़री लेन्‍येला, को़न्‍क्षोकगी शामा देक्‍या को़ जेपालाक।

१ तीमोथेउ 5:14

होझ्‍येरी नाच्‍युङमा युक्‍जामाक्‍या ॱनामा लेन्‍दी टुवा के धेनी नाङ शीम्‍दी, डाला ॱना चेयेगी घुकाप ॱमेतेरयेला ङा दो़दीहो़क।

तीतोस 1:6

गोठीगो क्‍यो़न मेगीन धाङ केमी च्‍यीक हो़गीन, ख्‍योवा हुङघो़गीलाक। धेनी खी़ टुवाक्‍या धेपा झ्‍यीगीन धाङ च्‍यो़पा घा धेनी खाला ङेन्‍गीन हुङघो़गीलाक।

ईब्‍रीपा 12:16

धेनी सुवाः छाक च्‍यीकगी शामागी क्षीदु, राङ भीजा क्षे हीन्‍गीनगी थोप्‍ताङगो चोङगीन एसाउ च्‍योक्‍रे, लोक्‍येम्‍पा धाङ क्षो़ मेगीन माझ्‍युङवास्‍योक।

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।