ईब्‍रीपा 13:22 - ॱलोवा

²² पी़नक्‍याओ, ङी खेक्‍याला यीक तुङ-तुङ च्‍यीक ढीक हो़क। धेनी ङी ॱलापच्‍याक्‍याला शो़पा झ्‍यी ॱनेरी, ङा श्‍योवा पुलाहीन।

ईब्‍रीपा 13:22 Iomraidhean Croise

जेपा 13:15

मोशेगी ॱनाङना क्षो़ठीम धाङ ॱङो़नस्‍येखेनक्‍याई ढीक्‍टा धेपने ढोक सारती, छोक्‍खाङगी पो़न्‍पोक्‍याई पाउलु धाङ बारनाबाला केक तारी ॱनेवालाक, “नोक्‍याओ! खेराङक्‍यामुला मीक्‍याला सेमस्‍युक ॱनाङगीन लाब रे हो़ना सुङरोनाङ।”

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

२ कोरीन्‍थुपा 6:1

हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

गालातीयापा 6:11

तो़दाङ, ङा ङारी लाक्‍पागी खेक्‍याला यीगी क्षे-क्षेला ढी हो़क।

एफीसुपा 3:3

को़न्‍क्षोकगी साङवा दे ङाला साल्‍तो़नगी थोक्‍ने, ॱङो़न्‍दु जेपालाक धेनी दी कोरला ङी एन्‍ला, खेक्‍याला दोरधी़ला ढीक हो़तालाक।

ईब्‍रीपा 12:5

खेक्‍याला सेक्‍या सुरी भो़ जेगीन, खोङबागी ॱलापच्‍याक्‍या खेक्‍याई ढेन्‍बा ज्‍येसाले? “ङी भु, चोवोगी ॱलापच्‍याला ॱनाङमे ॱमाची, धेनी खोङबागी काको़न जेदाराङ सेम ॱमाफाम।

ईब्‍रीपा 13:19

ङा खेक्‍याचारु ग्‍योक्‍जे हुङ थुक्‍वास्‍योक ॱनेरी, ङी क्षीदु ॱमो़लाम ग्‍याप्‍रो झ्‍यी ॱनेरी, ङा ॱमीक्‍सेगी श्‍योवा पुलाहीन।

ईब्‍रीपा 2:1

होझ्‍येरी होरी घी घोरकागोला, ॱयोल्‍ले ल्‍हाक दो़नाङ झ्‍यी घो़गुलाक। देरे मेन्‍ना होरी लाम नोरयेगी ङेन्‍का हो़क।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 4:1

होझ्‍येरी को़न्‍क्षोकगी ङासु नाङ जुयेगी धाम्‍चागो हो़ती हो़तीयाः, खेक्‍याने सुवाः होदे ङासु नाङ जु ॱमीथुक्‍कीन मीझ्‍युङयेला, होराङक्‍या शाप-शाप झ्‍यीघो़।

ईब्‍रीपा 4:11

होझ्‍येरी खुङक्‍याई को़न्‍क्षोकगी काला माङेन्‍पा नोगीन च्‍योक्‍रे सुवाः मानोवास्‍योक ॱनेरी, होराङ होदे ङासु नाङ जुयेला थापस्‍यी हो़ले झ्‍यीघो़।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।