ईब्‍रीपा 13:16 - ॱलोवा

¹⁶ ले शाङा झ्‍यीये धाङ राङला हो़गीनगो, श्‍येम्‍माक्‍यामुला घो़येला ढेन्‍बा माजे घीझ्‍येरी ॱनाना देरे क्षो़पाक्‍याला राङ को़न्‍क्षोक थुक्‍ङेउ जेदालाक।

ईब्‍रीपा 13:16 Iomraidhean Croise

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 9:36

योफा ॱनागीन ग्‍याजारु ताबीथा ॱनागीन, धेपा-झ्‍यीगीन भोमो च्‍यीक हो़तालाक। गीरीक केकला मी़ मीङ “दोरकास” ॱनाना “स्‍यावा” लाक। मो नाम्‍हीना ले शाङा धाङ क्‍योवाक्‍याला रोवा झ्‍यीदालाक।

रोमापा 12:13

मास्‍यीकावा पी़नक्‍या नाङ मेगीनगोला, रोक्‍राम झ्‍यी। धेनी डो़न्‍बोक्‍याला फेप्‍सु श्‍यी़।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

गालातीयापा 6:6

का लेन्‍गीनक्‍याई राङमुला हो़गीन, शाङा घीरी राङगी ॱलोपो़नमुला घो़ घोगुलाक।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

फीलीप्‍पीपा 4:14

घीहीन्‍ना ङी दुक्‍ङेलला खीकी रोवा झ्‍येरी, घा झ्‍येजुङ।

फीलीप्‍पीपा 4:18

ङाला थोप घोगीनने माङा घीरी थोप्‍हो़क। धेनी ईपाप्‍रोदीतोने खेक्‍याई कुरका ॱङेन्‍बागो थोप्‍ती, धा धान्‍दा ङाला घीरी छाङगीन हो़क। धेनी होदे ॱङेन्‍बा नी, ढीस्‍यीमगी क्षो़पा च्‍योक्‍रे को़न्‍क्षोकगी डुङदु थुक्‍ङेउ धाङ थुक ॱनुमा जे थुक्‍कीन दुक।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

२ थेसालोनीकेपा 3:13

पी़न्‍दाक्‍याओ, खेक्‍या शाङा झ्‍यीयेला थाङ ॱमाछे।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

फीलेमोन 1:6

धा मास्‍यीकागी क्षीदु धेपा च्‍यीक्‍पा हीन्‍गीनक्‍यामुला, ख्‍यी़ थी़न्‍ढीकगी थोक्‍ने, होराङला हो़गीन शाङा घीरीगी स्‍येरापला, ख्‍यो़ फेलास्‍योक ॱनेरी ङा ॱमो़लाम श्‍यी़हो़क।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।