ईब्‍रीपा 13:1 - ॱलोवा

¹ खेक्‍या च्‍यीकगी च्‍यीकला पी़न्‍दा च्‍योक्‍रे, च्‍योई झाम्‍पा झ्‍यीघो़।

ईब्‍रीपा 13:1 Iomraidhean Croise

योहान्‍ना 15:17

च्‍यीकगी च्‍यीकला झाम्‍पा झ्‍यी, देराङ खेक्‍याला ङी कागो हीन।”

जेपा 2:1

याहुदापाक्‍याई ङीमा ॱङापच्‍युपा धी़छेन ॱलेप्‍कीन ङीमाला, चोवो येशुला धेपा-झ्‍यीगीन मीक्‍या घीरी साजा च्‍यीकला रुप्‍ती, धे हो़तालाक।

जेपा 4:32

धेपा-झ्‍यीगीन मीक्‍या सेम धाङ साम्‍लो च्‍यीक झ्‍युरी, थी़न्‍दी धेबालाक। खुङक्‍याई राङगी ग्‍युनोरक्‍या ङी हीन ॱनेरी, ॱनागीन च्‍यीया मेतालाक। ग्‍युनोर हो़गीन घीरी घो़री पी़मा चीलालाक।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 4:3

धाम्‍पे थुक्‍ङीने झ्‍युङगीन थी़न्‍डीलगो, श्‍यीदेगी गोने घी थुप-थुप ॱरुङये थापस्‍यी झ्‍यी।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

ईब्‍रीपा 10:24

झाम्‍पा धाङ लेशाङगी क्षीदु, होराङ च्‍यीकगी च्‍यीकला सेमस्‍युक पारयेला साम्‍लो ताङघो़।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:17

घीरीला घुस्‍याप झ्‍यी। धेनी मास्‍यीकावा पी़नक्‍याला चेवा झ्‍यी। धेनी को़न्‍क्षोकला जीक्‍नाङ झ्‍यी। धेनी ग्‍यावुक्‍याला कुरती झ्‍यी।

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 4:20

मी च्‍यीकगी “ङा को़न्‍क्षोकला चेवा झ्‍यीदीहो़क।” ॱनेरी ॱने, हीना राङगी पी़नला दाङा झ्‍यीना, खो शोक्‍पो लाक घीझ्‍येरी ॱनाना राङगी ॱमीकगी थोङगीन राङगी पी़नला झाम्‍पा मीझ्‍यीगीनगी, ॱमीकगी थोङ माङ्युङगीन को़न्‍क्षोकला चेवा झ्‍यी ॱमीथुक्‍कीलाक।

ॱङो़न्‍पा 2:4

“हीना ख्‍यी़ गोमाला हो़गीन चेवा पाङगीनगी क्‍यो़नगो, ङा ख्‍यो़ला तो़न्‍येहो़क।