ईब्‍रीपा 12:9 - ॱलोवा

⁹ दे च्‍यीगा मेन्‍दा, होराङला ॱलापच्‍या ग्‍याप्‍कीन होरी, जीक्‍तेनगी आकी हो़तालाक धेनी होरी खुङक्‍याला घुस्‍याप झ्‍यीदालाक। धा ॱहाना होराङ सेम्‍ङीगी यापला, होदेने ल्‍हाक काला ङेन्‍दी छोवा क्‍या घोगुमाले?

ईब्‍रीपा 12:9 Iomraidhean Croise

लुका 18:2

“ग्‍याजा च्‍यीकदु को़न्‍क्षोकला जीक्‍नाङ मीझ्‍यीगीन धाङ मीला चीदोङ मीझ्‍यीगीन ठीम्‍पो़न च्‍यीक हो़तालाक।

लुका 18:4

थेङ घाजीङ खी़ होदे युक्‍जामागी लाब माङेन्‍बालाक। हीना स्‍याम्‍ला खी़ खोरी सेमला ॱनेवालाक, ‘ङा को़न्‍क्षोकला जीक्‍नाङ मीझ्‍यीहो़क धेनी मीला चीदोङ मीझ्‍यीहो़क।

योहान्‍ना 3:6

स्‍याठाकने केक्‍यागो स्‍याठाक लाक धेनी थुक्‍ङीने केक्‍यागो सेम्‍ङी लाक।

जेपा 2:30

हीना दावीद ॱङो़नस्‍येखेन लाक धेनी खोङगी ग्‍युपाक्‍याने च्‍यीक, खोङगी श्‍युक्‍ठीला श्‍युक्‍कुलाक ॱनेरी, को़न्‍क्षोकगी जेजा धाम्‍चागो खोङला स्‍येये हो़तालाक।

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

याकोब 4:10

चोवोगी डुङदु राङला ॱङ्यामच्‍युङ शो़ धेनी खोङबागी ख्‍यो़ला याला क्‍या जेगीलाक।

याकोब 4:7

होझ्‍येरी राङला को़न्‍क्षोकगी क्षाक होकला पु। धी़कला ङोलोक झ्‍यी। धेनी खो खेक्‍याने डो़री डोगीलाक।

१ पेटो 5:6

होझ्‍येरी को़न्‍क्षोकगी थी़तोप क्षे क्षाकगी होकदु, राङ-राङला ॱङ्यामच्‍युङ शो़ धेनी धी़ तीक-तीकगो भावी घाङला खोङबागी खेक्‍याला या क्‍या जेगीलाक।

ॱङो़न्‍पा 22:6

धेनी नाम्‍खे भाङछेनगी ङाला सुजुङ, “दे लाबक्‍या ॱलो काथुक्‍कीन धाङ धेन्‍पा दुक। धा ग्‍योक्‍जे झ्‍युङये हीन्‍गीन लाबक्‍या, राङगी श्‍याप्‍चीक्‍याला तो़न्‍येगी क्षीदु, ॱङो़नस्‍येखेनक्‍याई सेम्‍ङीगी चोवो को़न्‍क्षोकगी राङगी भाङछेनला झाङा जेदुक।”