ईब्‍रीपा 12:3 - ॱलोवा

³ खेक्‍या थाङ ॱमेछेये धाङ सेमस्‍युक ॱमेछाक्‍येगी क्षीला, धीक्‍चेनक्‍याने हुरे ङोलोकक्‍या शो़पा जेगीन, खोङबा येशुला साम्‍लो तोङ।

ईब्‍रीपा 12:3 Iomraidhean Croise

मेथा 11:19

मी-भु नी शा-थुङ झ्‍येरी होवालाक धेनी खुङक्‍याई, ‘खोला तो़दाङ, शान्‍डे धाङ क्षाङदुवा धेनी ठा धुगीन धाङ धीक्‍चेनक्‍याई रोवा।’ ॱनेरी ॱनालाक। हीना स्‍येराप दे होदेगी लेगागी थोक्‍ने, याङदाक्‍पा हीन्‍गीनगो खुङ केलालाक।”

मेथा 12:24

हीना फारुसीपाक्‍याई दे घोरती ॱनेवालाक, “दे मी देगी डेक्‍या तो़न्‍गीनगो डेक्‍याई चो, बेएलजेबुलगी थोक्‍ने च्‍यीगा लाक।”

मेथा 15:2

“खेराङगी ङेनेक्‍या घीझ्‍येरी धाङपो फामे लुक्‍सो़ला ॱमीचीला ले? घीझ्‍येरी ॱनाना खुङक्‍या शामा शाये एन्‍ला, लाक्‍पा ठुगीन ॱरोगो ॱमीरुङा।”

मेथा 21:23

धेनी येशु को़न्‍क्षोकगी क्षो़खाङ नाङदु फेप्‍ती, होदुरु क्षो़ सुङी घाङला क्षो़पो़न क्षेक्‍या धाङ मीमाङक्‍याई गेम्‍पाक्‍या, खोङबाचारु च्‍यारती श्‍यी़वालाक, “सी़ आङजाने ख्‍यो़ दे घीरी झ्‍यीदा धेनी देरे आङजा ख्‍यो़ला सी़ तेरजो?”

मेथा 21:46

धेनी खुङक्‍याई येशुला शीम्‍येला थापस्‍यी झ्‍येवालाक हीना खोङबाला ॱङो़नस्‍येखेन च्‍यीक लाक ॱनेरी, चीगीनगोला खुङक्‍या मीछोकमुला जीक्‍पालाक।

मेथा 22:15

धा फारुसीपाक्‍या सोरी, येशुगी सुङगीनक्‍यानेराङ खोङबाला घाङगी झ्‍येरी, ॱङ्योक्‍टा ॱलाङये दुई ॱनेरी ढो़ झ्‍येवालाक।

लुका 14:1

ङासुगीन ङीमा च्‍यीकला, येशु फारुसीपाक्‍याई पो़न्‍पो च्‍यीकगी नाङदु डो़नला फेप्‍पालाक। धेनी फारुसीपाक्‍याई खोङबाला ॱमीच्‍यीकी श्‍यीप्‍ता झ्‍येरी, तेरी धेबालाक।

लुका 15:2

धेनी फारुसीपाक्‍या धाङ क्षो़ठीमगी ॱलोपो़नक्‍या फाक्‍तुङ दुरी ॱनेवालाक, “दे मी दे धीक्‍चेनक्‍याला सी़री खुङक्‍यामुला शामा शी।”

लुका 16:14

धा ग्‍युनोरला सेम क्षाक्‍कीन फारुसीपाक्‍याई, दे घीरी घोरती खोङबाला ॱमेज्‍यु तावालाक।

लुका 2:34

धेनी सीमेयोनगी खोङ ॱङीउला झ्‍यीलाप ॱनाङदी, भीजी आमा मीरीयामला ॱनेवालाक, “दे भीजा दे ईस्‍राएलदु मी माङाला जोक्‍तु च्‍युक्‍ये धाङ मी माङाला क्‍योप्‍येला, को़न्‍क्षोकगी दामा जेपालाक। धेनी ङोलोक झ्‍यीगीनगी ताकगी क्षीला दामा जेपालाक।

लुका 5:21

धेनी क्षो़ठीमगी ॱलोपो़नक्‍या धाङ फारुसीपाक्‍याई देरे ढीवा गो चुक्‍पालाक, “को़न्‍क्षोकला कुरवा धेप्‍कीन दे सुले? को़न्‍क्षोक च्‍यीगागी माना, सी़ धीक्‍पा से थुप्‍कीले?”

योहान्‍ना 10:20

खुङक्‍याने माङक्षेगी ॱनेवालाक, “खी़ नाङदु डे जुदुक धेनी खो ॱङ्यो़दुक। खेक्‍या घीझ्‍येरी खी़ लाबला ङेन्‍दा?”

योहान्‍ना 18:22

येशुगी दे सुरी, डामदु लारी धेता ॱरुङमाकक्‍याने च्‍यीकगी, खोङला डाम्‍चाक श्‍युरती ॱनेवालाक, “चो क्षो़पो़नला ख्‍यी़ लेन ग्‍याप्‍ताङगो देरे ले?”

योहान्‍ना 5:16

होझ्‍येरी येशुगी ङासुगीन ङीमाला देरे जेदी, याहुदापा पो़न्‍पोक्‍याई खोङबाला दुक्‍पु ताङयेला गो चुक्‍पालाक।

योहान्‍ना 7:12

मीछोकक्‍याई खोक्‍दु रीङगागी “खोङ मी शाङपो च्‍यीक लाक।” धेनी रीङगागी “खोङ देरे मेन्‍दा मी माङपोला गोकोर ताङगीन च्‍यीक लाक।” ॱनेरी खोङबागी कोरला लाब ढामेढा माङा झ्‍युवालाक।

योहान्‍ना 8:13

फारुसीपाक्‍याई खोङबाला श्‍यी़वालाक, “ख्‍यो़ राङगी राङला पाङपो झ्‍यीदालाक, होझ्‍येरी ख्‍यी़ पाङपो धेन्‍पा मालाक।”

योहान्‍ना 8:52

धेनी खुङक्‍याई ॱनेवालाक, “धा ख्‍यी़ नाङदु डे जुदुक ॱनेरी, धान्‍दा हीकी स्‍येजुङ। आब्‍राहाम धाङ ॱङो़नस्‍येखेनक्‍या स्‍यीवालाक हीन्‍ना ख्‍यो़ ‘ख्‍यी़ का ॱरुङगीनगो नामा छीवा मेङ्याङगीलाक’ ॱनेरी ॱनालाक।

योहान्‍ना 8:59

धा खुङक्‍याई खोङबाला श्‍युरयेला धोगोङ धी़वालाक हीना येशु खाबा हीप्‍ती, क्षो़खाङने फीला थो़न्‍दी फेप्‍पालाक।

योहान्‍ना 9:40

धेनी खोङबागी डामला हो़गीन फारुसीपा रीङगाक्‍याई दे घोरती खोङबाला श्‍यी़वालाक, “हेक्‍याः श्‍यारा लाक से?”

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

२ कोरीन्‍थुपा 4:1

होझ्‍येरी को़न्‍क्षोकगी ॱङीङजेगी गोने, हेक्‍याला दे श्‍याप्‍ची दे थोप्‍ती हेक्‍या सेमस्‍युक ॱमेक्षाक।

२ कोरीन्‍थुपा 4:16

होझ्‍येरी हेक्‍या सेमस्‍युक छाक्‍ती मेधेहो़क। हीकी फीदी ली़ ङ्याम्‍दी डोनाः, हीकी सेम्‍ङी नी श्‍याक्‍मो डाई साबा झ्‍युरी डोवालाक।

गालातीयापा 6:9

धेनी शाङा झ्‍यीयेला होराङक्‍या थाङ क्षेये मेतालाक घीझ्‍येरी ॱनाना हुरे झ्‍यीना होराङला ढेबु धी़चो़ ताक-ताकला राक्‍कीलाक।

२ थेसालोनीकेपा 3:13

पी़न्‍दाक्‍याओ, खेक्‍या शाङा झ्‍यीयेला थाङ ॱमाछे।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 12:5

खेक्‍याला सेक्‍या सुरी भो़ जेगीन, खोङबागी ॱलापच्‍याक्‍या खेक्‍याई ढेन्‍बा ज्‍येसाले? “ङी भु, चोवोगी ॱलापच्‍याला ॱनाङमे ॱमाची, धेनी खोङबागी काको़न जेदाराङ सेम ॱमाफाम।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

१ पेटो 2:23

खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।

ॱङो़न्‍पा 2:3

धेनी ङी मीङगी दो़न्‍दु खेक्‍याई शो़पा घोम्‍गीन धाङ दुक्‍पु ङ्याङगीनगो, ङाला स्‍येयेहो़क। धेनी खेक्‍या धोराङा थाङ ॱमाछेदुक।