ईब्‍रीपा 12:23 - ॱलोवा

²³ नाम्‍खे श्‍यीङखामदु मीङ ढीक्‍टा एन्‍ला केक्‍या क्‍याई छोक्‍दुरु, खेक्‍या हो हो़तालाक। धेनी खेक्‍या मी घीरीगी ठीम्‍पो़न हीन्‍गीन को़न्‍क्षोक चारु धेनी फी़न्‍सुम छोक्‍पा जेजा, ढाङतेनगी मीक्‍याई सेम्‍ङीगी घुङदु,

ईब्‍रीपा 12:23 Iomraidhean Croise

लुका 10:20

घीहीन्‍ना ॱनो़पाक्‍या खीकी खाला ङेन्‍दी ॱनेरी, देला ङ्यामो माघा हीना नाम्‍खे श्‍यीङखामदु खीकी मीङ ढीक्‍कीनगोला ङ्यामो घो़।”

योहान्‍ना 5:27

धेनी यापगी खोङला ठीम चेयेगी आङजा ॱनाङ हो़तालाक घीझ्‍येरी ॱनाना खोङबा मी-भु लाक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

१ कोरीन्‍थुपा 13:12

धान्‍दा होराङ ॱमुक्‍पी तुम्‍दा मेलोङला तागीन च्‍योक्‍रे, सावो ॱमेथोङालाक हीना स्‍याम्‍ला ॱङो़सुमदु ज्‍यागीलाक। धान्‍दा ङाला तीते च्‍यीक स्‍येयेहो़क हीना स्‍याम्‍ला को़न्‍क्षोकगी ङी कोरला घीरी खेन्‍गीन च्‍योक्‍रे, ङीयाः घीरी स्‍येगीलाक।

१ कोरीन्‍थुपा 15:49

धेनी होराङ थालागी मीगी ॱयीपला केक्‍या च्‍योक्‍रे, नाम्‍खे श्‍यीङखामगी मीगी ॱयीपलाः केगीलाक।

१ कोरीन्‍थुपा 15:54

धेनी मेताला डोगीनगी मेताला मेडोगीन धाङ छीवाला डोये हीन्‍गीन ली़गी, छीवा मेगीन ली़ला ग्‍युरी घाङला देरे ढीक्‍टा कागो डुप्‍कीलाक, “छीवा नी ॱमाक थाप्‍कीनला फाम्‍बालाक।”

२ कोरीन्‍थुपा 5:8

हेक्‍याला यीच्‍चे तेन्‍पो हो़क धेनी ली़ने खा डारी चोवोमुला ॱनेयेगो, हेक्‍या दो़दीहो़क।

एफीसुपा 1:22

धेनी को़न्‍क्षोकगी घीरी मास्‍यीकागी श्‍याप होकदु श्‍या जेपालाक। धेनी क्षो़छोकगी क्षीदु खोङबाला घीरीगी उ को़ ॱनावालाक।

फीलीप्‍पीपा 4:3

धेनी ङी धेन्‍पे लेरोक, ख्‍यी़याः दे केमी ॱङीउला रोवा झ्‍यी ॱनेरी, ङा श्‍युवाहीन। घीझ्‍येरी ॱनाना खुङ ॱङीउगीयाः ताम्‍शाङगी लेगाला, ङीमुला कीलेमेस धाङ ङी लेरोक श्‍येम्‍माक्‍यामुला काल्‍ले ग्‍याप हो़तालाक। खुङ घीरीगी मीङ छेसोकगी धेप नाङला छी़ हो़तालाक।

कोलोसेपा 1:12

धेनी हो़गी ग्‍यासी नाङदु धाम्‍पे मीक्‍याई, नोरकाला थोप्‍ताङ थोप्‍येगी ढाडा जेगीन, यापला खेक्‍याई काटीन्‍क्षे श्‍यी़वास्‍योक ॱनेरी, हेक्‍या ॱमो़लाम ग्‍यावीहो़क।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

१ तीमोथेउ 3:5

घीझ्‍येरी ॱनाना राङगी नाङमीला क्‍योङ ॱमेस्‍येगीनगी, को़न्‍क्षोकगी क्षो़छोक घाङगी झ्‍येरी क्‍योङ थुक्‍कीले?

ईब्‍रीपा 11:4

धेपागी गोने हाबेलगी खी़ पी़न कायीनने ल्‍हाक, शाङा क्षो़पा को़न्‍क्षोकला पुवालाक। धेनी को़न्‍क्षोकगी हाबेलगी क्षो़पाला थुक्‍ङेउ जेदी, खो ढाङपो चीवालाक। धेनी हाबेल ढोङसारतीयाः धेपागी गोनेराङ, खो धान्‍दा लाब ताङालाक।

ईब्‍रीपा 11:40

घीझ्‍येरी ॱनाना होराङक्‍यामुला, खुङक्‍या फी़न्‍सुम छोक्‍पा झ्‍युङास्‍योक ॱनेरी, को़न्‍क्षोकगी होराङला देने ल्‍हाक शाङा क्षास्‍यी स्‍याम हो़तालाक।

ईब्‍रीपा 2:12

खोङगी को़न्‍क्षोकला सुङालाक, “ङी पी़नक्‍याई घुङदु, ङा खेराङगी छेन सेटाक झ्‍यीयेहीन। मीछोकगी घुङदु, ङा खेराङला तो़याङ पुयेहीन।”

ईब्‍रीपा 9:27

याङ मीक्‍या थेङ च्‍यीक स्‍यी घोवालाक धेनी होदे स्‍याम्‍ने, ठीम्‍चो़ हुङगीन च्‍योक्‍रे,

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।

१ पेटो 2:23

खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।

ॱङो़न्‍पा 14:4

खुङक्‍या नी, भोमोक्‍यामुला माडेवा राङला चाङमा श्‍याक हो़तालाक। खुङक्‍या नी, लुक्‍टु घारु फेप्‍सारु स्‍याबाला डागीनक्‍या लाक। धेनी खुङक्‍या नी, को़न्‍क्षोक धाङ लुक्‍टुगी क्षीदु, लोदोकगी फी़ च्‍योक्‍रे, मीक्‍याने रीङ तेरती ॱली़लोवाक्‍या लाक।

ॱङो़न्‍पा 20:15

धेनी छेसोकगी धेप नाङदु मीङ माढीक्‍टाक्‍या घीरी, होदे मेगी छो नाङदु ॱयुक्‍पालाक।

ॱङो़न्‍पा 6:11

खुङक्‍या घीरीला घो़ काउ ॱनावालाक धेनी खुङक्‍याई लेरोक धाङ पी़नक्‍याः खुङक्‍याला च्‍योक्‍रे सेदी, ढाङगा ॱमाछाङगीन थुक्‍पे, धोराङा च्‍ये च्‍यीक ङासुरी धो़क ॱनेरी सुवालाक।

ॱङो़न्‍पा 6:9

धेनी लुक्‍टुगी थेचे ॱङावागो स्‍यीयाराङ, क्षो़ठीगी होकदु को़न्‍क्षोकगी का धाङ खोङला धेन्‍पाङ झ्‍येजागी क्षीला सेसा, मीक्‍याई सेम्‍ङीक्‍या ङी थोजुङ।