ईब्‍रीपा 12:14 - ॱलोवा

¹⁴ मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

ईब्‍रीपा 12:14 Iomraidhean Croise

मारकु 9:50

छा घा लाक हीना क्षाई ढोवागो येना, होदेला घाङगी झ्‍येरी छाढोवा शोये? छाई ढोवा च्‍योक्‍रे, ख्‍यो़ झ्‍युङ धेनी खेराङक्‍या नाङदु थी़न्‍दी धो़क।”

रोमापा 12:18

झ्‍युङ थुक्‍ये हो़ना, घी थुप-थुप राङला रा ली़गीन थुक्‍पे, घीरीमुला श्‍यीदेला धो़क।

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

१ कोरीन्‍थुपा 13:12

धान्‍दा होराङ ॱमुक्‍पी तुम्‍दा मेलोङला तागीन च्‍योक्‍रे, सावो ॱमेथोङालाक हीना स्‍याम्‍ला ॱङो़सुमदु ज्‍यागीलाक। धान्‍दा ङाला तीते च्‍यीक स्‍येयेहो़क हीना स्‍याम्‍ला को़न्‍क्षोकगी ङी कोरला घीरी खेन्‍गीन च्‍योक्‍रे, ङीयाः घीरी स्‍येगीलाक।

२ कोरीन्‍थुपा 6:17

होझ्‍येरी चोवोगी सुवालाक, “खुङक्‍याई घुङने थो़न्‍दी स्‍योक, धेनी खुङक्‍याने खेक्‍या खा ढो, ॱमेचाङा घीया माजु, धेनी ङा खेक्‍याला खेलेन झ्‍यीयेहीन।”

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

एफीसुपा 5:5

घीझ्‍येरी ॱनाना दो़लोक झ्‍यीगीन धाङ ले ॱमेचाङा झ्‍यीगीन धाङ ॱनाब्‍सेम्‍चेनगी मी सी़ हीन्‍ना (कुन्‍डा क्षो़गीनक्‍या), मास्‍यीका धाङ को़न्‍क्षोकगी ग्‍यासीगी कादा ॱमेथोप्‍कीलाक ॱनेरी, खेक्‍याई सावो स्‍येलाझ्‍यी।

फीलीप्‍पीपा 3:12

ङी दे घीरी एन्‍दुरु थोप्‍साहो़क याङना ङा याङदाक्‍पा झ्‍युसाहो़क ॱनेरी, ॱनामेन हीना दो़न घीन्‍गी क्षीला मास्‍यीकागी ङाला शीमा जेपाले, होदे शीम्‍येला राङ ङा काल्‍ले ग्‍याप्‍ती डी़हो़क।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

१ थेसालोनीकेपा 4:7

को़न्‍क्षोकगी होराङला ॱमेचाङा ग्‍युरतु माभो़वा, धाम्‍पा ग्‍युरतु भो़ जेपालाक।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

२ तीमोथेउ 2:22

होझ्‍येरी श्‍योन्‍नुगी दो़क्षाकक्‍या पोङ धेनी सेम चाङमागी थोक्‍ने, चोवोगी छेन जो़गीनक्‍यामुला ढाङतेनगी मीछे धाङ धेपा धाङ झाम्‍पा धाङ श्‍यीदेगी ॱमीक्‍यु चो।

ईब्‍रीपा 12:10

घीझ्‍येरी ॱनाना होरी जीक्‍तेनगी आकीगी राङगी घा साम्‍गीन च्‍योक्‍रे, धी़ तीते च्‍यीक होराङला ॱलापच्‍या ग्‍यावालाक हीना को़न्‍क्षोकगी होराङ खोङबा च्‍योक्‍रे, धाम्‍पा झ्‍युङयेगी क्षीदु, होरी फेन्‍थोकगी क्षीदु होराङला ॱलापच्‍या ग्‍यावा जेदालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 3:11

ङेन्‍पा पाङदी शाङा झ्‍यीघो़, धेनी श्‍यीदे चारी होदे स्‍याम्‍ला डाघो़,

१ पेटो 3:13

खेक्‍या शाङा झ्‍यीयेला सेमस्‍युक हो़ना, सी़ खेक्‍याला ॱनो़ क्‍यागीले?

२ पेटो 3:11

धा दे घीरी देरे झ्‍येरी मेताला डोये हीन्‍गीन झ्‍येरी, खेक्‍या मी घारे च्‍यीक झ्‍युङ घो़गुले? खेक्‍या को़न्‍क्षोकगी ङीमाला घुक्‍ती धेताराङ धेनी होदे ग्‍योक्‍जे हुङदु च्‍युक्‍ये झ्‍यीदाराङ, खेक्‍या धाम्‍पा धाङ क्षो़सेमगी मीछे क्‍याघो़। होदे ङीमाला नाम्‍खा नी, मेगी मेताला डुगीलाक धेनी झ्‍युङवा श्‍यी नी, मेगी ॱराक्‍ती श्‍यी़री डुगीलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।