ईब्‍रीपा 11:8 - ॱलोवा

⁸ धेपागी गोने को़न्‍क्षोकगी आब्‍राहामला ॱनाङयेगी धाम्‍चा जेजा, यु च्‍यीकरु डोयेला भो़ली घाङला, खो घारु डोये हीन्‍गीनगो स्‍येये मेतालाः, खो काला ङेन्‍दी सोवालाक।

ईब्‍रीपा 11:8 Iomraidhean Croise

मेथा 2:21

धेनी योसेफ लारी टु धाङ खोङगी युम ठीक्‍ती, ईस्‍राएल युदु सोवालाक।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 10:16

हीना खुङ घीरीगी ताम्‍शाङगो खेमालेन्‍बालाक। घीझ्‍येरी ॱनाना ॱङो़नस्‍येखेन यस्‍यायागी सुङालाक, “चोवो ला, हेक्‍याने घोरका ताम्‍शाङगोला, सी़ धेपा झ्‍येदुक से?”

रोमापा 6:17

हीना ङा को़न्‍क्षोकला काटीन्‍क्षे श्‍युवाहीन घीझ्‍येरी ॱनाना खेक्‍या एम्‍मा थेङ च्‍यीक धीक्‍पागी ढेन्‍योक झ्‍युङहो़ना, धान्‍दा खेक्‍याला ॱलाप्‍ला क्षो़ला, खेक्‍या ॱङीङ तीङने खाला ङेन्‍गीन झ्‍युदुक।

२ कोरीन्‍थुपा 10:5

को़न्‍क्षोकगी स्‍येयो़नला काक्‍कीन चो़लीङक्‍या धाङ झ्‍यी़ङेनक्‍याला, हेक्‍या चामेदु ताङाहीन। धेनी साम्‍लो घीरीला मास्‍यीकागी काला ङेन्‍येला वाङ होकदु दुवालाक।

ईब्‍रीपा 11:33

धेपागी गोने खुङक्‍याई ग्‍याखापक्‍या थोप्‍पालाक धेनी ठीम्‍चो़ धेन्‍पा च्‍येपालाक धेनी धाम्‍चा जेजागो थोप्‍पालाक धेनी सीङगेक्‍याई, खा काक्‍पालाक धेनी

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 3:1

केमीक्‍याओ, देरेराङ झ्‍येरी राङगी ख्‍योवागी होकला धो़क। धेनी खुङक्‍याने रीङगागी को़न्‍क्षोक काला ॱमीचीनाः, खोरी केमीक्‍याई च्‍यो़पागी झ्‍येरी स्‍ये मेघोलाला, खुङक्‍याई सेम ग्‍युरवा थेप थुक्‍कीलाक।

१ पेटो 4:17

घीझ्‍येरी ॱनाना को़न्‍क्षोकगी नाङमीनेराङ गो चुक्‍ती, ठीम चेयेगी धी़ भाप्‍दुक धेनी दे होराङक्‍याने गो चुक्‍ना, को़न्‍क्षोकगी ताम्‍शाङ ॱमीचीगीनक्‍याई ढेबुगो घी झ्‍युङी हो़टु?