ईब्‍रीपा 11:7 - ॱलोवा

⁷ धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

ईब्‍रीपा 11:7 Iomraidhean Croise

मेथा 2:12

धा ॱमीक्‍लामला हेरोदेचारु मालोक ॱनेरी ङेन्‍ता झ्‍युरी, खुङक्‍या लाम श्‍येम्‍माने राङगी युला लोक्‍पालाक।

मेथा 24:15

“ॱङो़नस्‍येखेन दानीएलगी सुङगीन आम्‍लोवा क्‍यो़न ताङगीन ॱमेचाङा च्‍यीक धाम्‍पे साजारु लारी धेतागो थोङी घाङला, (दे ॱलोक्‍कीनगी ॱहाघोरास्‍योक),

मेथा 24:25

“तो़, ङी खेक्‍याला एन्‍दुरु स्‍येहो़क।

मेथा 24:38

घीझ्‍येरी ॱनाना होदे ङीमाक्‍याला क्षुलोक मायुङगीन एन्‍ला, धेनी नोआगी डुशीङ नाङदु माश्‍युक्‍कीन थुक्‍पे, मीक्‍या शा-थुङ धाङ ॱनामा लेन-ॱनामा तेर झ्‍येरी धेबालाक।

मेथा 3:7

हीना फारुसीपाक्‍या धाङ सादुकीपाक्‍याने, मी माङक्षे ठी़सो़ लेन्‍दु हुङगीनगो शीक्‍ती, खी़ खुङक्‍याला ॱनेवालाक, “दुक्‍डुगी ग्‍युपा खेक्‍या, माउपारगी थुक्‍ठो़ने, खेक्‍या डो़येला सी़ ङेन्‍ता ताजो?

लुका 17:26

नोआगी धी़चो़ला झ्‍युजा च्‍योक्‍रे, मी-भुगी धी़चो़लाः होदेरेराङ झ्‍युङगीलाक।

रोमापा 1:17

धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

रोमापा 10:6

हीना धेपाने झ्‍युङगीन ढाङतेनगी देरे सुङालाक, “राङगी सेम नाङदु ‘नाम्‍खे श्‍यीङखामदु सु डोगीले?’ ॱनेरी ॱमाना। (दे नी मास्‍यीकाला माला ठीक्‍ती, हुङयेगी क्षीला लाक।)

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

रोमापा 4:11

आब्‍राहामगी पाउ चेगीन ताक माग्‍याप घाङलाराङ, खोङगी धेपागी झ्‍येरी ढाङपो चीचागी ताकगी क्षीदु, खोङला पाउ चेगीन ताक दे थोप्‍पालाक। दी ॱमीक्‍यु नी, पाउ चेदी ताक माग्‍यापक्‍या हीना धेपा झ्‍यीगीन घीरीगी यापगो, खोङला को़येगी क्षीदु लाक। धेनी खुङक्‍याला धेपागी झ्‍येरी ढाङपो चीगीलाक।

रोमापा 4:13

आब्‍राहाम नी, जीक्‍तेनगी ग्‍युज्‍यीन झ्‍युङगीलाक सुरी, को़न्‍क्षोकगी आब्‍राहाम धाङ खोङगी भुग्‍युक्‍याला धाम्‍चा जेजागो क्षो़ठीम ॱरुङगीनगी थोक्‍ने मालाक हीना धेपाने झ्‍युङगीन ढाङतेनने लाक।

रोमापा 9:30

धा ॱहाना होराङ घी ॱनाये? ढाङतेनला ॱमेचागीन याहुदापा मेन्‍गीनक्‍याला ढाङतेन थोप्‍दुक। धेनी दे ढाङतेन नी, धेपागी थोक्‍ने थोप्‍दुक।

गालातीयापा 5:5

हीना धेपागी झ्‍येरी धाम्‍पे थुक्‍ङी गोने, होराङ ढाङतेनगी रेवाला घुक्‍ती धे हो़तालाक।

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।

ईब्‍रीपा 11:1

धा धेपा नी, होरी रेवा झ्‍यीगीन दो़नगी ॱलोते धाङ होरी ॱमीकगी ॱमेथोङगीन, दो़नक्‍याई रेवा तेन्‍पोगो लाक।

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

ईब्‍रीपा 8:5

होदे क्षो़पो़नक्‍या नाम्‍खे श्‍यीङखामगी ॱनेसागी पे धाङ ढीम्‍जाक हीन्‍गीन, धाम्‍पे धाम्‍पा ॱनेसारु श्‍याप्‍ची श्‍युवालाक घीझ्‍येरी ॱनाना मोशेगी धाम्‍पे घुरखाङगो शोये झ्‍यीदाराङ, को़न्‍क्षोकगी देरे का जेपालाक, “रीरु ख्‍यो़ला तो़न्‍गीन पेला तेन्‍दी, ख्‍यी़ दे घीरी शो़।”

१ पेटो 3:20

खुङक्‍या नी नोआगी डुशीङ शोगीन धी़ला, को़न्‍क्षोकगी शो़पा झ्‍येरी घुक जेगीन घाङला, काला मेङेन्‍गीन मीक्‍या लाक। होदे डुशीङ नाङला क्षुलोकने, मी ग्‍ये माना ॱमाथारपालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 2:5

धेनी क्षो़ला ॱमीचीगीनक्‍याई खाला, को़न्‍क्षोकगी क्षुलोक ताङा जेदी घाङला, खोङबागी एम्‍मागी जीक्‍तेनला ॱलो़ ताङा माजेपालाक हीना ढाङतेनगी क्षो़ स्‍येगीन, नोआ धाङ खी़ नाङमी श्‍येम्‍मा धी़नला च्‍यीगा क्‍योप जेपालाक।

२ पेटो 3:6

धेनी दे क्षुने राङ होदे धी़गी जीक्‍तेनगो, क्षुलोकला भीप्‍ती चामेदु जेपालाक।