ईब्‍रीपा 11:6 - ॱलोवा

⁶ धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

ईब्‍रीपा 11:6 Iomraidhean Croise

मेथा 11:26

लाक याप, खेराङगी थुकोङ देरेलाराङ ग्‍येवालाक।

मेथा 5:12

नाम्‍खे श्‍यीङखामदु खेक्‍याई क्षीला ज्‍यागा क्षे हो़तालाक होझ्‍येरी घागा-कीगी झ्‍यी घीझ्‍येरी ॱनाना खेक्‍याई एन्‍ला हो़गीन ॱङो़नस्‍येखेनक्‍याला, खुङक्‍याई देरेराङ झ्‍येरी दुक्‍पु तावालाक।

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:33

हीना एन्‍ला को़न्‍क्षोकगी ग्‍यासी धाङ खोङबागी ढाङतेनला चो, धेनी दे घीरी खेक्‍याला ॱनाङगीलाक।

मेथा 6:5

“धेनी खेक्‍या सोवा धेबी घाङला, शोक झ्‍यीगीन मीक्‍या च्‍योक्‍रे माझ्‍यी। घीझ्‍येरी ॱनाना मीक्‍याई थोङयेगी क्षीला, खुङक्‍या छोक्‍खाङ धाङ ॱराङगाकगी शुरक्‍याला लारी, ॱमो़लाम ग्‍याप्‍येला घालालाक। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मारकु 16:17

धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

लुका 12:31

हीना को़न्‍क्षोकगी ग्‍यासी चो धेनी देक्‍या घीरी खेक्‍याला ॱनाङगीलाक।”

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 8:24

खेक्‍या खेरी धीक्‍पागी नाङदु स्‍यीगीलाक ॱनेरी, ङी खेक्‍याला ॱनेवी। धेनी खेक्‍याई ‘ङा खोङराङ हीन’ ॱनेरी धेपा मीझ्‍यीना, खेक्‍या राङगी धीक्‍पागी नाङदु स्‍यीगीलाक।”

रोमापा 10:14

धा ॱहाना खोङला धेपा माझ्‍येगीनक्‍याई, खोङला घाङगी झ्‍येरी भो़गुलाक से? धेनी खोङगी कोरला घोर माङ्युङगीनक्‍याई, घाङगी झ्‍येरी खोङला धेपा झ्‍यीगुलाक से? धेनी का सेटाक झ्‍यीगीन मेताला, घाङगी झ्‍येरी खुङक्‍याई ङेन्‍गुलाक से?

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

ईब्‍रीपा 11:26

खी़ माउपारगी ज्‍यागाला ॱमीक्‍ती, एजेप युगी तेर ले, मास्‍यीकागी क्षीदु दुक्‍पु ङ्याङयेगो ॱयोल्‍ले खाक्‍क्षे चीवालाक।

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।

ईब्‍रीपा 4:2

घीझ्‍येरी ॱनाना खुङक्‍याला च्‍योक्‍रे, हेक्‍यालाः ताम्‍शाङगो सेटाक झ्‍येवालाक। हीना ङेन्‍गीनक्‍याई धेपागी थोक्‍ने, होदे ताम्‍शाङगो खेमालेम्‍बाला खुङक्‍याला घीया फेन्‍थोक माझ्‍युवालाक।

ईब्‍रीपा 4:6

होझ्‍येरी मी रीङगागी क्षीदु, होदे ङासु नाङ जुयेगी घुकाप धोराङा हो़तालाक। हीना एम्‍मा ताम्‍शाङ घोरकाक्‍याई, धेपा माझ्‍येवा होदे ङासु नाङ जु ॱमाथुक्‍पालाक।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

२ पेटो 1:10

होझ्‍येरी पी़नक्‍याओ, खेक्‍याला को़न्‍क्षोकगी भो़पा धाङ दाम्‍दागोला, ॱङोन्‍ने हीन्‍गीनगो तो़न्‍ये क्षीदु धोराङा ची़न्‍डी़ झ्‍यी घीझ्‍येरी ॱनाना देरे झ्‍यीना, खेक्‍या खेरी धेपाने ल्‍हीम्‍गीमालाक।

२ पेटो 1:5

होझ्‍येरी घी झ्‍यी थुप-थुप खेक्‍याई धेपाला चो़लाम शाङपो धेनी चो़लाम शाङपोला स्‍येयो़न

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”