ईब्‍रीपा 11:5 - ॱलोवा

⁵ धेपागी गोने हेनोक छीवा माङ्यावा, नाम्‍खे श्‍यीङखामला ठीक्‍पालाक। धेनी खो घारुवा ॱमाङेपालाक घीझ्‍येरी ॱनाना को़न्‍क्षोकगी खोला ठीया जेपालाक। खो याला ठीक्‍ये एन्‍ला, को़न्‍क्षोकला थुक घेरु च्‍युक्‍कीन मी च्‍यीक हो़तालाक।

ईब्‍रीपा 11:5 Iomraidhean Croise

लुका 2:26

“चोवोगी मास्‍यीकाला ॱमाज्‍यागीन थुक्‍पे, ख्‍यो़ स्‍यीगुमालाक।” ॱनेरी, धाम्‍पे थुक्‍ङीगी खोला एन्‍दुरु ॱङो़न जे हो़तालाक।

लुका 3:37

लामेख मेथुसेलाहगी भीजा धाङ मेथुसेलाह हेनोकगी भीजा धाङ हेनोक यारेदगी भीजा धाङ यारेद माहालाएलगी भीजा धाङ माहालाएल केनानगी भीजा धाङ

१ थेसालोनीकेपा 2:4

हीना ताम्‍शाङ दे हीकी खाला ॱलो कायेला, को़न्‍क्षोकगी हेक्‍याला थाक्‍चो़ जेदी, हेक्‍या मीगी घाटोगी क्षीला मेन्‍दा, होरी ॱङीङगी छो़ शीक्‍कीन को़न्‍क्षोकला थुक्‍ङेउ हुङयेला स्‍येदाहीन।

ईब्‍रीपा 11:6

धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।

युदा 1:14

आदामने मीराप धी़न्‍बागी ॱङो़नस्‍येखेन, हेनोकगीयाः दे मीक्‍याई कोरला देरे ॱङो़नस्‍ये तो़न हो़तालाक, “तो़दाङ, चोवो राङगी धाम्‍पे भाङछेन तोङडाक माङामुला फेप्‍कीलाक