ईब्‍रीपा 11:4 - ॱलोवा

⁴ धेपागी गोने हाबेलगी खी़ पी़न कायीनने ल्‍हाक, शाङा क्षो़पा को़न्‍क्षोकला पुवालाक। धेनी को़न्‍क्षोकगी हाबेलगी क्षो़पाला थुक्‍ङेउ जेदी, खो ढाङपो चीवालाक। धेनी हाबेल ढोङसारतीयाः धेपागी गोनेराङ, खो धान्‍दा लाब ताङालाक।

ईब्‍रीपा 11:4 Iomraidhean Croise

मेथा 23:35

होझ्‍येरी ढाङपो हाबेलगी ठाकने क्षो़खाङ धाङ क्षो़ठीगी घुङदु, खीकी सेगीन बेरेकीयागी भीजा जेकारीयासगी ठाक थुक्‍पे धेनी साला जाक्‍कीन ढाङतेनगी ठाक घीरीगी गेनगो, खेक्‍याई लेन घो़गुलाक।

लुका 11:51

ङा खेक्‍याला धेन्‍पाराङ ॱनाहीन, हाबेलगी धी़चो़ने जेकारीयास थुक्‍पे क्षो़ठी धाङ क्षो़खाङगी घुङदु सेसा ठाकगी क्षेपा दे मीरापला फोक्‍कीलाक।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

ईब्‍रीपा 11:2

घीझ्‍येरी ॱनाना धेपागी गोनेराङ, धाङबी मीक्‍याला को़न्‍क्षोकगी थुक्‍ङेउ जेपालाक।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

ईब्‍रीपा 12:24

धेनी धाम्‍चा साबागी भारमी जेगीन येशुगी डुङदु धेनी हाबेलगी ठाकने का शाङा सुङगीन, कुठाक तोरकीनगी दोङदु खेक्‍या हो हो़तालाक।

ईब्‍रीपा 5:1

चो क्षो़पो़न रे-रे मीक्‍याई, खोक्‍ने दामालाक धेनी खुङक्‍या मीक्‍याई क्षीदु को़न्‍क्षोकला क्षो़पा धाङ धीकस्‍याकगी, ॱमारछो़ पुयेगी क्षीदु को़लालाक।

ईब्‍रीपा 9:22

ॱङोन्‍ने झ्‍यीना क्षो़ठीमला तेन्‍ना, घीरी ठाकगी थोक्‍ने चाङमा झ्‍यीदालाक धेनी ठाक ॱमाली़वा धीक्‍पाक्‍या सेये मेतालाक।

२ पेटो 2:8

(होदे मीक्‍या खोक्‍दु धेताराङ धेनी श्‍याक्‍मो ढाङी खुङक्‍याई ले ङेन्‍पाक्‍या थोङाराङ धेनी ङेन्‍दाराङ, खो खोरी ढाङसेम नाङदु ॱमीच्‍यीकी सेम्‍बा दुक्‍वालाक।)

युदा 1:11

देक्‍या ॱङ्यावाली! घीझ्‍येरी ॱनाना खुङक्‍या कायीनगी लामला डाङालाक धेनी ग्‍युनोर थोप्‍ये क्षीला, बालामगी नोन्‍डुला छी़दालाक। धेनी कोरागी ङोलोकला च्‍योक्‍रे, मेताला डुगीलाक।