ईब्‍रीपा 11:16 - ॱलोवा

¹⁶ हीना खुङक्‍या देने ल्‍हाक शाङा नाम्‍खे श्‍यीङखामगी यु च्‍योक्‍रे, च्‍यीकगी दो़पा झ्‍यीदालाक। होझ्‍येरी को़न्‍क्षोक खुङक्‍याई को़न्‍क्षोक हीन सुरी सुङयेला, ङोजा मेजेदालाक घीझ्‍येरी ॱनाना खोङबागी खुङक्‍याई क्षीला ग्‍याजा च्‍यीक डाढीक जे हो़तालाक।

ईब्‍रीपा 11:16 Iomraidhean Croise

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

मारकु 12:26

धेनी छीवाने याङ सो़न्‍पो लाङगीनगी कोरला, खेक्‍याई मोशेगी क्षो़ठीमगी धेपला मे भारती धेता छेम्‍मागी खोक्‍ने को़न्‍क्षोकगी मोशेला, ‘ङा आब्‍राहामगी को़न्‍क्षोक धाङ ईसाकगी को़न्‍क्षोक धाङ याकोबगी को़न्‍क्षोक हीन।’ सुरी सुङगीन दे माढोक हो़ती?

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

लुका 20:37

हीना स्‍यीम्‍बुक्‍या सो़न्‍गीलाक ॱनागीन दे, छेम्‍मागी कोरला हो़गीन ॱरुङगोला, मोशेगी चोवो को़न्‍क्षोकला आब्‍राहाम धाङ ईसाकगी को़न्‍क्षोक धाङ याकोबगी को़न्‍क्षोक ॱनेरी भो़री तो़न्‍दालाक।

योहान्‍ना 14:2

ङी यापगी नाङला धेजा माङा हो़तालाक। देरे मेन्‍ना, ङी एम्‍मा खीकी क्षीला धेजा डाढीक झ्‍यीरु डोउ ॱनेरी, खेक्‍याला ॱनागीले?

जेपा 7:32

‘ङा ख्‍यी़ धाङबी फामा आब्‍राहाम धाङ ईसाक धाङ याकोबगी को़न्‍क्षोक हीन।’ होदे घोरती मोशे जीक्‍ती दारपालाक धेनी होदे स्‍योकला ताः ॱमाथुक्‍पालाक।

फीलीप्‍पीपा 3:20

हीना होरी फायु नी, नाम्‍खे श्‍यीङखाम लाक। धेनी होदेने फेप्‍ये हीन्‍गीन क्‍याम्‍गो़न चोवो येशु मास्‍यीकाला, होराङ घुक्‍ती धेतालाक।

२ तीमोथेउ 4:18

चोवोगी ङाला ज्‍यावा ङेन्‍पा घीरीने क्‍योप जेगीलाक धेनी खोङबागी नाम्‍खे ग्‍यासीगी क्षीला, ङाला थारपा जेगीलाक। खोङबाला ग्‍युने ग्‍युन्‍दु शीजे हुङास्‍योक। आमेन।

ईब्‍रीपा 10:34

खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

ईब्‍रीपा 11:10

घीझ्‍येरी ॱनाना ॱमाङस्‍यी तेन्‍पो हो़गीन ग्‍याजागोला, खो घुक्‍ती धेबालाक। धेनी दे ग्‍याजागी झ्‍यी़ जेगीन धाङ शो़गीनगो को़न्‍क्षोक लाक।

ईब्‍रीपा 11:14

देरे ॱनागीन मीक्‍याई राङगी क्षीदु, यु च्‍यीक चारी धेगीनगो सावो तो़न्‍दालाक।

ईब्‍रीपा 11:40

घीझ्‍येरी ॱनाना होराङक्‍यामुला, खुङक्‍या फी़न्‍सुम छोक्‍पा झ्‍युङास्‍योक ॱनेरी, को़न्‍क्षोकगी होराङला देने ल्‍हाक शाङा क्षास्‍यी स्‍याम हो़तालाक।

ईब्‍रीपा 12:22

हीना खेक्‍या सो़न्‍पो को़न्‍क्षोकगी ग्‍याजा, नाम्‍खे श्‍यीङखामगी येरुसालेम धेनी ढाङगा ॱमेथेगीन, नाम्‍खे भाङछेन तोङठाकगी घाटोगी छोक्‍दुरु, सीयोनगी रीला हो हो़तालाक।

ईब्‍रीपा 13:14

घीझ्‍येरी ॱनाना दे जीक्‍तेनदु होराङला तेन्‍जाक धेयेला ग्‍याजा मेतालाक हीना हुङये हीन्‍गीन ग्‍याजागोला होराङ घुक्‍ती धेतालाक।

ईब्‍रीपा 2:11

घीझ्‍येरी ॱनाना धाम्‍पा जेगेन धाङ धाम्‍पा झ्‍युजा घीरीगी याप च्‍यीक्‍पा लाक। होझ्‍येरी खुङक्‍याला पी़न ॱनेरी, भो़येला येशुगी ङोजा मेजेदालाक।

ॱङो़न्‍पा 21:2

धेनी ङी धाम्‍पे ग्‍याजा याङना येरुसालेम साबागो, राङगी माक्‍पागी क्षीदु छो़ शाप्‍ती धेता भाक्‍मा च्‍योक्‍रे, को़न्‍क्षोकने नाम्‍खे श्‍यीङखामने माला भाप्‍कीनगो थोजुङ।