ईब्‍रीपा 10:5 - ॱलोवा

⁵ होझ्‍येरी मास्‍यीका जीक्‍तेनदु फेवाराङ खोङबागी सुवालाक, “ॱमारछो़ धाङ क्षो़पा खेराङगी मादो़पालाक, हीना ङी क्षीदु खेराङगी ली़ च्‍यीक स्‍यामा जेपालाक।

ईब्‍रीपा 10:5 Iomraidhean Croise

मेथा 11:3

धेनी खुङक्‍याई खोङबाला श्‍यी़वालाक, “फेप्‍ये हीन्‍गीनगो खेराङ राङ हीने, याङमेना हेक्‍या श्‍येम्‍माला घुक्‍कुले?”

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 7:19

चोवोचारु देरे ॱनेरी झावालाक, “फेप्‍कुलाक ॱनागीनगो, खेराङ राङ हीने याङमेना हे श्‍येम्‍मा च्‍यीकला घुक्‍की़?”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 1:6

धेनी राङगी एम्‍मा क्‍येक्‍या भुगोला जीक्‍तेनदु ॱङाक जेदाराङ, खोङगी याङ सुङालाक, “को़न्‍क्षोकगी भाङछेन हो़लेगी खोङला क्षाक छाघो़।”

ईब्‍रीपा 10:10

धेनी होदे थुकोङगी गोने, थेङ च्‍यीकला राङ घीरीगी क्षीदु, येशु मास्‍यीकाई कुशुकगी ॱमारछो़गी थोक्‍ने, होराङक्‍या धाम्‍पा जे हो़तालाक।

ईब्‍रीपा 10:7

धेनी ङी श्‍यी़वी, ‘के को़न्‍क्षोक शीक्‍ताङ, पेजागी नाङ ङी कोरला ढीक्‍टा च्‍योक्‍रे, खेराङगी थुकोङ डुप्‍येला ङा होहो़क।’”

ईब्‍रीपा 10:8

धाङपो खोङबागी सुवालाक, “ॱमारछो़ धाङ क्षो़पाक्‍या धेनी ज्‍यीन ॱरेक धाङ धीकस्‍याकगी क्षो़पाक्‍याला, खेराङगी मादो़पालाक। धेनी देक्‍याला थुक्‍ङेउ माजेपालाक।” देक्‍या नी क्षो़ठीमला तेन्‍दी पुलालाक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ईब्‍रीपा 5:7

येशु जीक्‍तेनदु श्‍युक्‍वाराङ, खोङबा स्‍युम्‍ती सुङकेक क्षेगी थोक्‍ने, खोङबाला छीवाने क्‍योप थुक्‍कीन, को़न्‍क्षोकला ॱमो़लाम धाङ श्‍योवा पुवालाक। धेनी खोङगी को़न्‍क्षोकला कुरती क्षे जेगीनगी केनगी, खोङबागी ॱमो़लाम सेन्‍दा जेपालाक।

ईब्‍रीपा 8:3

चो क्षो़पो़न हो़लेगो, क्षो़पा धाङ ॱमारछो़क्‍या पुयेगी क्षीदु को़वालाक। होझ्‍येरी होदे चो क्षो़पो़नलाः क्षो़पा पुये रे घो़वालाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।