ईब्‍रीपा 10:36 - ॱलोवा

³⁶ खेक्‍याई को़न्‍क्षोकगी थुकोङ डुप्‍ये धाङ खोङगी धाम्‍चा जेजागो थोप्‍येगी क्षीदु शो़पा झ्‍यीघो़।

ईब्‍रीपा 10:36 Iomraidhean Croise

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 12:50

घीझ्‍येरी ॱनाना नाम्‍खे श्‍यीङखामदु श्‍युक्‍कीन, ङी यापगी थुकोङगी लेगा डुप्‍तु च्‍युक्‍कीनक्‍याराङ, ङी आज्‍यो-नो धाङ ईजी-नुमु धाङ आमा हीन।”

मेथा 21:31

धा दे ॱङीउने आकी खाला सी़ ङेन्‍जो?” खुङक्‍याई ॱनेवालाक, “भीजा क्षेगी़।” येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, ठा धुगीनक्‍या धाङ श्‍याङचोङमाक्‍या, खेक्‍याने एन्‍ला को़न्‍क्षोकगी ग्‍यासीदु डुगीलाक।

मेथा 24:13

हीना था थुक्‍पे शो़पा घोम्‍गीनगोला, थारपा थोप्‍कीलाक।

मेथा 7:21

“ङाला ‘चोवो चोवो’ ॱनेरी भो़गीन घीरी, नाम्‍खागी ग्‍यासीला ॱमीछी़गीलाक हीना नाम्‍खे श्‍यीङखामदु श्‍युक्‍कीन, ङी यापगी थुकोङ डुप्‍कीनगो च्‍यीगा, दे नाङदु छी़गीलाक।

मारकु 3:35

को़न्‍क्षोकगी थुकोङ डुप्‍तु च्‍युक्‍कीनक्‍याराङ, ङी नो-नुमो धाङ आमा हीन।”

लुका 21:19

धेनी खीकी शो़पागी झ्‍येरी खेरी मीछे क्‍योप्‍कीलाक।”

लुका 8:15

धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

जेपा 13:22

धेनी को़न्‍क्षोकगी खोला तो़न्‍दी दावीदला, ग्‍यावु को़ जेपालाक। दावीदगी कोरला को़न्‍क्षोकगी देरे सुङ हो़तालाक, ‘यीस्‍येगी भीजा दावीदला थुक्‍यी घाङला, ङी सेम्‍बा थेगीन मी जोरसुङ। खी़ ङी छीला झ्‍यीघोगीन लेगा घीरी डुप्‍तु च्‍युक्‍कीलाक।’

जेपा 13:36

“दे लाबगो दावीदगी खोरी कोरला ॱनेवामालाक। घीझ्‍येरी ॱनाना खोरी धी़चो़ला, को़न्‍क्षोकगी दो़पाने लेगा झ्‍येसारती, खो नी स्‍यीवालाक धेनी खोरी धाङबी फामामुला कुङदी रुवालाक।

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 8:25

हीना ॱमीकगी ॱमेथोङगीनला होरी रेवा झ्‍यीना, होदेला होराङ शो़पा झ्‍येरी घुक्‍वालाक।

१ कोरीन्‍थुपा 13:7

धेनी झाम्‍पागी घीरी शो़पा झ्‍यीदालाक धेनी दो़न घीरीला यीच्‍चे झ्‍यीदालाक धेनी दो़न घीरीला रेवा झ्‍यीये धाङ दो़न घीरीला दुक्‍री़ झ्‍यीदालाक।

गालातीयापा 6:9

धेनी शाङा झ्‍यीयेला होराङक्‍या थाङ क्षेये मेतालाक घीझ्‍येरी ॱनाना हुरे झ्‍यीना होराङला ढेबु धी़चो़ ताक-ताकला राक्‍कीलाक।

एफीसुपा 6:6

मीक्‍याला ङ्यामो घारु च्‍युक्‍येला ॱमीकगी थोङसारु च्‍यीगा लेगा माझ्‍यी हीना मास्‍यीकागी श्‍याप्‍चीक्‍या च्‍योक्‍रे, सेम तीङने को़न्‍क्षोकगी थुकोङ डुप्‍तु च्‍युक।

कोलोसेपा 1:11

धेनी को़न्‍क्षोकगी शीजे धाङ धेन्‍पे नी़थुगी तोप घीरीने, शो़पा क्षे धाङ ॱना रीङा झ्‍युरी खेक्‍या स्‍युक्‍क्षे झ्‍युङयेगी क्षीला, हेक्‍या ॱमो़लाम ग्‍यावीहो़क। धेनी खेक्‍या घाटोगी खाङास्‍योक

कोलोसेपा 3:24

घीझ्‍येरी ॱनाना चोवोने खेक्‍याला ग्‍युज्‍यीन झ्‍युङयेगो ज्‍यागाला थोप्‍कीलाक ॱनेरी, खेक्‍या स्‍येलालाक। धेनी खेक्‍याई चोवो मास्‍यीकाला श्‍याप्‍ची श्‍युलालाक।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

ईब्‍रीपा 11:39

खुङक्‍या घीरीला धेपागी गोने को़न्‍क्षोकगी थुक्‍ङेउ जेपालाक हीना धाम्‍चा जेजागो, खुङक्‍याला ॱमाथोप्‍पालाक।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

ईब्‍रीपा 6:12

धेनी खेक्‍या लेमेलाम्‍गीन माझ्‍युङवा हीना धेपा धाङ शो़पागी गोने, को़न्‍क्षोकगी धाम्‍चा थोप्‍थाक्‍या च्‍योक्‍रे, झ्‍युङगीनगो हेक्‍या दो़दीहो़क।

ईब्‍रीपा 6:15

धेनी आब्‍राहामगी शो़पा झ्‍येरी घुक्‍ती, होदे धाम्‍चागो थोप्‍पालाक।

ईब्‍रीपा 6:17

देरे झ्‍येरी को़न्‍क्षोकगीयाः राङगी धाम्‍चा थोप्‍थाक्‍याला, राङगी थुकोङ ग्‍युरवा मेगीनगो सावो तो़न जेयेगी क्षीदु, उ ॱना श्‍येपालाक।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

१ पेटो 1:9

घीझ्‍येरी ॱनाना खेक्‍याई धेपागी ढेबु नी, खीकी सोकगी थारपा थोप्‍ये लाक।

१ योहान्‍ना 2:17

दे जीक्‍तेन धाङ दी दो़क्षाकक्‍या येरी डोवालाक हीना को़न्‍क्षोकगी थुकोङ डुप्‍कीनक्‍या ग्‍युने ग्‍युन्‍दु ॱनेलालाक।

ॱङो़न्‍पा 13:10

“चो़नदु डो घोगीनक्‍या चो़नदुराङ डुगीलाक, धेनी राल्‍डीगी सेये हीन्‍गीनक्‍या राल्‍डीने राङ सेगीलाक।” दे नी को़न्‍क्षोकगी मीक्‍याई क्षीदु, शो़पा धाङ धेपागी भो़टाक च्‍यीक लाक।

ॱङो़न्‍पा 14:12

दे नी को़न्‍क्षोकगी का ॱरुङगीन धाङ येशुला धेपा झ्‍यीगीन धाम्‍पे मीक्‍याई क्षीदु, शो़पागी भो़टाक लाक।