ईब्‍रीपा 10:34 - ॱलोवा

³⁴ खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

ईब्‍रीपा 10:34 Iomraidhean Croise

मेथा 19:21

येशुगी खोङला सुवालाक, “ख्‍यो़ फी़न्‍सुम छोक्‍पा झ्‍युङङी दो़ना, सोरी ख्‍यो़ला हो़गीन घीरी चोरी उटेक्‍याला तेर धेनी ख्‍यो़ला नाम्‍खे श्‍यीङखामदु ज्‍यागा थोप्‍कीलाक। धेनी होरी ङी स्‍याबाला डोङ।”

लुका 10:42

हीना घो़गीनगो च्‍यीक च्‍यीगा लाक। मीरीयामगी लेगा शाङागो दाम दुक धेनी होदे मोने ठोक्‍की मालाक।”

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 9:25

धा मी च्‍यीकला जीक्‍तेन घीरी थोप्‍नाः, याङ राङगी ॱरोक स्‍योरना खोला घी फेन थोक्‍कीले?

जेपा 21:33

धेनी होदे ॱमाक्‍पो़नगी पाउलुला शीम्‍दी च्‍याक्‍थाक ॱङीगी खोला दोम ॱनेरी, का तेरती मीक्‍याला ढीवालाक, “मी दे सुले धेनी खी़ घी झ्‍येजो?”

जेपा 28:20

होझ्‍येरी ङा खेराङक्‍याला थुक्‍ती लाब झ्‍यीयेला भो़वी। ईस्‍राएलगी रेवा झ्‍यीगीनगी क्षीला, ङा देरे झ्‍येरी च्‍याक्‍थाकला धाम्‍गो़ थुक्‍सुङ।”

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

एफीसुपा 6:20

ताम्‍शाङ देगी दो़न्‍दु च्‍याक्‍डोकगी धाम्‍दी श्‍याकश्‍या, ङा कुछाप च्‍यीक हीन धेनी ङी स्‍ये घो़गीन ताम्‍शाङगो ॱङीङक्षे झ्‍येरी स्‍ये थुप्‍पास्‍योक ॱनेरी, ॱमो़लाम श्‍यी़।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

१ तीमोथेउ 6:19

देरे झ्‍येरी याङदाक्‍पा छेला ॱनेयेगी क्षीला राङगी क्षीला, माउपारला ॱमाङस्‍यी शाङा तीङास्‍योक।

२ तीमोथेउ 1:16

चोवोगी ओनीसीफोरुगी नाङमीला थुक्‍जे शीयास्‍योक घीझ्‍येरी ॱनाना खी़ ङाला थेङ माङक्षे सेमस्‍युक पारजुङ धेनी ङा चो़न्‍पा हीन्‍गीनगोला ङोजा माझ्‍येजुङ।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

ईब्‍रीपा 11:16

हीना खुङक्‍या देने ल्‍हाक शाङा नाम्‍खे श्‍यीङखामगी यु च्‍योक्‍रे, च्‍यीकगी दो़पा झ्‍यीदालाक। होझ्‍येरी को़न्‍क्षोक खुङक्‍याई को़न्‍क्षोक हीन सुरी सुङयेला, ङोजा मेजेदालाक घीझ्‍येरी ॱनाना खोङबागी खुङक्‍याई क्षीला ग्‍याजा च्‍यीक डाढीक जे हो़तालाक।

ईब्‍रीपा 13:14

घीझ्‍येरी ॱनाना दे जीक्‍तेनदु होराङला तेन्‍जाक धेयेला ग्‍याजा मेतालाक हीना हुङये हीन्‍गीन ग्‍याजागोला होराङ घुक्‍ती धेतालाक।

ईब्‍रीपा 13:3

चो़न्‍खाङ नाङदु हो़गीनक्‍याला, खेक्‍याः खुङक्‍यामुला चो़न्‍खाङदु हो़गीन च्‍योक्‍रे झ्‍येरी ढेन्‍सो़ झ्‍यी। धेनी राङगी दुक्‍ङेल ङ्याङगीन च्‍योक्‍रे, दुक्‍पु ङ्याङगीनक्‍याला ढेन्‍सो झ्‍यी।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

याकोब 1:2

ङी पी़नक्‍याओ, खेक्‍याला काङे ॱनाछोक ठेदी घाङला, होदेला घाटो क्षे ची च्‍यीक।

१ पेटो 1:4

धेनी नाम्‍खे श्‍यीङखामदु खेक्‍याई क्षीदु नामा मेजोक्‍कीन धाङ ढीमा मेगीन धाङ येरी मेडोगीन, ग्‍युज्‍यीन श्‍याक जे हो़तालाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।