ईब्‍रीपा 10:29 - ॱलोवा

²⁹ धा को़न्‍क्षोकगी सेला काङबा होकला श्‍याक्‍कीन धाङ राङला धाम्‍पा जेगीन, धाम्‍चागी कुठाकगोला ॱमेचाङा चीगीन धाङ थुक्‍जेगी थुक्‍ङीला ॱमेटा ताङगीनक्‍याला, देने घाजो़ ल्‍हाक छेपा फोक्‍यी हो़टी़ ॱनेरी, खेराङक्‍याराङ साम्‍लो तोङदाङ।

ईब्‍रीपा 10:29 Iomraidhean Croise

मेथा 26:28

घीझ्‍येरी ॱनाना दे नी, धाम्‍चा साबागी ङी ठाक हीन। ठाक दे माङक्षेगी, धीक्‍पा सेयेगी क्षीला थो़न्‍गीलाक।

मेथा 7:6

“धाम्‍पा हीन्‍गीनगो कीला ॱमाते घीझ्‍येरी ॱनाना देक्‍या खा लोक्‍ती, ख्‍यो़ला ॱमुक्‍तु हुङगीलाक धेनी ख्‍यो़री मुतीकक्‍या फाकक्‍याई दोङदु ॱमायुक, देरे झ्‍यीना देक्‍याई काङबी ॱलेगीलाक।

मारकु 7:2

खोङबागी ङेने रीङगागी याहुदापा क्षो़लुकला मीढीक्‍कीन झ्‍येरी, लाक्‍पा झोरा ॱमाठी़वा शागीनगो खुङक्‍याई थोवालाक।

लुका 12:10

मी-भुला ॱमेटा छीक च्‍यीक ताङना, होदेला घोयाङ थोप्‍कीलाक हीना धाम्‍पे थुक्‍ङीगी कोरला कुरवा धेप्‍कीनला, घोयाङ ॱमेथोप्‍कीलाक।

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 17:19

खुङक्‍याः धेन्‍पागी गोने धाम्‍पा झ्‍युङयेगी क्षीला, खुङक्‍याई क्षीदु ङी ङाराङला धाम्‍पा शो़हो़क।”

जेपा 7:51

“खेक्‍याई सेम पाउ ॱमाचेचाक्‍याई, सेम च्‍योक्‍रे ॱरा दुक। धेनी खेक्‍या को़न्‍क्षोकगी का ङेन्‍ङी मेदो़दालाक। खेक्‍याई धाङबी फामाक्‍या च्‍योक्‍रे, धाम्‍पे थुक्‍ङीगी तो़न्‍दा लाबक्‍याला खेलेन मीझ्‍यीदालाक।

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

१ कोरीन्‍थुपा 11:27

होझ्‍येरी चोवोला चीकुर मेगीनगी थोक्‍ने, चोवोगी ग्‍याङगा शा याङना फोराने थुङगीन मीला, चोवोगी कुली़ धाङ कुठाक ॱङीगाराला, धीक्‍पा झ्‍यीगीनगी क्‍यो़न फोक्‍कीलाक।

१ कोरीन्‍थुपा 11:29

घीझ्‍येरी ॱनाना चोवोगी कुली़ला ॱमीचीला, शागीन धाङ थुङगीनक्‍याई राङगी शा-थुङ झ्‍यीगीनगी राङला छेपा फोक्‍तु च्‍युक्‍कीलाक।

१ कोरीन्‍थुपा 15:25

घीझ्‍येरी ॱनाना खोङगी राङगी डा घीरीला राङगी श्‍याप होकदु श्‍याक माजे थुक्‍पे, खोङगी वाङग्‍युर जे घोगीलाक।

१ कोरीन्‍थुपा 15:27

घीझ्‍येरी ॱनाना को़न्‍क्षोकगी “ॱङोपो घीरी खोङगी श्‍याप होकदु श्‍याक जे हो़तालाक।” धा “ॱङोपो घीरी खोङगी वाङ होकदु श्‍याक जे हो़तालाक।” ॱनी घाङला घीरी मास्‍यीकागी वाङ होकदु श्‍याक जेगीन को़न्‍क्षोक नी, खोङगी वाङदु मेगीनगो सावो तो़न्‍दालाक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

ईब्‍रीपा 10:10

धेनी होदे थुकोङगी गोने, थेङ च्‍यीकला राङ घीरीगी क्षीदु, येशु मास्‍यीकाई कुशुकगी ॱमारछो़गी थोक्‍ने, होराङक्‍या धाम्‍पा जे हो़तालाक।

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 2:11

घीझ्‍येरी ॱनाना धाम्‍पा जेगेन धाङ धाम्‍पा झ्‍युजा घीरीगी याप च्‍यीक्‍पा लाक। होझ्‍येरी खुङक्‍याला पी़न ॱनेरी, भो़येला येशुगी ङोजा मेजेदालाक।

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

ईब्‍रीपा 6:4

घीझ्‍येरी ॱनाना थेङ च्‍यीक को़न्‍क्षोकगी हो़ थोप्‍सासा धाङ नाम्‍खे श्‍यीङखामगी ॱनाङज्‍यीनगो, ङ्यामङ्युङ झ्‍येसासाक्‍या धाङ धाम्‍पे थुक्‍ङीगी कादा जोरसासाक्‍या,

ईब्‍रीपा 6:6

धेपाने लोक्‍ना याङदा सेम ग्‍युरती, ग्‍यो़पा झ्‍यीरु च्‍युक्‍ये दे हुङथुक्‍येराङ मेतालाक। घीझ्‍येरी ॱनाना हुरे मीक्‍याई को़न्‍क्षोकगी सेला धाब्‍ले ग्‍याङस्‍यीङ खाला क्‍याङगीन च्‍योक्‍रे लाक धेनी घीरीगी दोङदु खोङबागी ङोजा पावालाक।

ईब्‍रीपा 9:13

धा रा धाङ ॱलुङगी ठाक धाङ भीप्‍मो ॱराक्‍रा घोक्‍थागो, मी ॱमेचाङाक्‍याई खाला तोराराङ, खुङक्‍याई ली़गो चाङमा झ्‍युङना,

ईब्‍रीपा 9:20

धेनी खोङगी देरे सुवालाक, “को़न्‍क्षोकगी खेक्‍याला का ॱनाङना धाम्‍चागी ठाकगो दे लाक।”