ईब्‍रीपा 10:22 - ॱलोवा

²² होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 10:22 Iomraidhean Croise

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

लुका 1:1

हीकी घुङदु झ्‍युजा लोग्‍युक्‍याई कोरला, मी ॱमीच्‍यीकी माङागी ढीक्‍दुक।

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

योहान्‍ना 8:9

हीना खुङक्‍याई दे घोरती, खुङक्‍याने गेम्‍पाने गो चुक्‍ती, रे-रे झ्‍येरी लोक्‍ती सोवालाक। धेनी येशु च्‍यीका होदुरु लेवालाक धेनी भोमोगोवा खोङबागी दोङदु लेवालाक।

जेपा 22:16

होझ्‍येरी धा ख्‍यो़ घीला घुक्‍ती धेता? लोङ धेनी ठी़सो़ लेन धेनी ख्‍यो़री धीक्‍पाक्‍या चाङमा शोयेला, चोवो येशुगी छेन भो़।’

जेपा 8:21

हीकी लेगाला ख्‍यो़ला थोप्‍ताङ घीन्‍दा मेतालाक घीझ्‍येरी ॱनाना को़न्‍क्षोकगी डुङदु ख्‍यी़ सेम ढाङपो मीदुक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

एफीसुपा 3:12

धेनी मास्‍यीकाला होरी धेपा धाङ खोङबागी थोक्‍ने, होराङ को़न्‍क्षोकगी डुङदु ॱङीङक्षे धाङ ॱलोतेक्षे झ्‍येरी डो थुबालाक।

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

एफीसुपा 6:5

ढेन्‍योकक्‍याओ, खेक्‍या मास्‍यीकागी काला ङेन्‍गीन च्‍योक्‍रे, सेम ढाङपोगी गोने जीक्‍नाङ धाङ घुस्‍याप झ्‍येरी, जीक्‍तेनगी राङगी दाक्‍पोक्‍याई काला ङेन।

१ तीमोथेउ 4:2

देरे ॱलापच्‍याक्‍या शोक स्‍येगीनक्‍याई ॱली़टेने हुङगीलाक। खुङक्‍याई स्‍येराप शाङपो, मेच्‍याकगी ॱराक्‍रा च्‍योक्‍रे हुङालाक।

तीतोस 3:5

होरी ले शाङपो झ्‍येरी मेन्‍दा, खोङबागी ॱङीङजेगी झ्‍येरी होराङला क्‍योप जेपालाक। धाम्‍पे थुक्‍ङीगी थोक्‍ने खोङबागी होरी धीक्‍पा ठी़सो़ जेदी, होराङला धाब्‍ले केरु च्‍युक्‍ती मीछे साबा ॱनावालाक।

ईब्‍रीपा 10:1

क्षो़ठीम नी, हुङये हीन्‍गीन दो़न शाङाक्‍याई, ॱयीप ॱङोन्‍नेगो मालाक हीना होदेक्‍याई ढीम्‍जाक च्‍यीगा लाक। होझ्‍येरी लो तेनग्‍याङ च्‍योई पुगीन ॱमारछो़गी गोने, क्षो़पा पुरु हुङगीनक्‍याला याङदाक्‍पा नामा शो ॱमीथुक्‍वालाक।

ईब्‍रीपा 10:19

होझ्‍येरी पी़नक्‍याओ, येशुगी कुठाकगी गोने, धाम्‍पे धाम्‍पा ॱनेसा नाङदु जुयेगी ॱलोगोक, होराङला हो़तालाक।

ईब्‍रीपा 11:28

गोमा केक्‍या भुला मेताला ताङगीनगी़, ईस्‍राएलगी गोमा केक्‍या भुक्‍याला थो ॱमेताङये क्षीदु, धेपागी गोने खी़ पेसाकगी धी़छेन ॱरुवालाक धेनी ठाक तोरपालाक।

ईब्‍रीपा 12:24

धेनी धाम्‍चा साबागी भारमी जेगीन येशुगी डुङदु धेनी हाबेलगी ठाकने का शाङा सुङगीन, कुठाक तोरकीनगी दोङदु खेक्‍या हो हो़तालाक।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

ईब्‍रीपा 6:11

खीकी रेवा झ्‍येजागो ॱङोन्‍ने डुप्‍येगी क्षीदु, खेक्‍या रे-रेगी था थुक्‍पे देरेराङ झ्‍येरी ची़न्‍डी़ झ्‍यीदास्‍योक ॱनेरी, हेक्‍या दो़दीहो़क।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।

ईब्‍रीपा 9:19

मोशेगी क्षो़ठीमगी का रे-रे मी घीरीला ढोक सारती, खी़ भी धाङ राक्‍याई ठाक धाङ क्षु ॱरेवालाक धेनी खुलु ॱमाउ धाङ हीसोप ॱनागीन चीस्‍यीङगो, होदे ठाकला बारी क्षो़ठीमगी पेजा धाङ मीक्‍याई खाला तोरपालाक।

याकोब 1:6

हीना खी़ दोक्‍पा घीया मीझ्‍यीदा धेपेगोने श्‍यी़घो़ घीझ्‍येरी ॱनाना दोक्‍पा झ्‍यीगीनगो नी ॱलुङगी देता धाङ टुक्‍टा ग्‍याछोगी भालाप च्‍योक्‍रे लाक।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।