ईब्‍रीपा 10:19 - ॱलोवा

¹⁹ होझ्‍येरी पी़नक्‍याओ, येशुगी कुठाकगी गोने, धाम्‍पे धाम्‍पा ॱनेसा नाङदु जुयेगी ॱलोगोक, होराङला हो़तालाक।

ईब्‍रीपा 10:19 Iomraidhean Croise

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

एफीसुपा 3:12

धेनी मास्‍यीकाला होरी धेपा धाङ खोङबागी थोक्‍ने, होराङ को़न्‍क्षोकगी डुङदु ॱङीङक्षे धाङ ॱलोतेक्षे झ्‍येरी डो थुबालाक।

२ तीमोथेउ 1:7

घीझ्‍येरी ॱनाना को़न्‍क्षोकगी होराङला ॱङीङ च्‍युङागी सेम्‍ङी मेन्‍दा, नी़थु धाङ झाम्‍पा धाङ राङ छो़ शीम्‍गीनगी सेम्‍ङी ॱनाङ हो़तालाक।

ईब्‍रीपा 10:18

धा धीक्‍पा देक्‍याला घोयाङ थोप्‍साना, धीकस्‍याकगी ॱमारछो़ धा याङ पु मेघो़।

ईब्‍रीपा 10:35

होझ्‍येरी खेक्‍याई ॱङीङतोपगो ङ्याम्‍दु ॱमाच्‍युक घीझ्‍येरी ॱनाना खेक्‍याला ज्‍यागा क्षे थोप्‍कीलाक।

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 9:12

धेनी रा धाङ भीक्‍याई ठाक मेन्‍दा, मास्‍यीका राङगी कुठाकगी गोने घीरीगी क्षीदु थेङ च्‍यीक्‍लाराङ धाम्‍पे धाम्‍पा ॱनेसा नाङदु फेप्‍ती, थामेपे थारपागो ॱनाङा जेपालाक।

ईब्‍रीपा 9:3

होदुरु योल्‍वा च्‍यीक हो़तालाक धेनी योल्‍वागी ग्‍यापला धाम्‍पे धाम्‍पा ॱनेसा ॱनागीन, खीम ॱङीवागो हो़तालाक।

१ योहान्‍ना 4:17

दी थोक्‍ने झाम्‍पा नी, होराङक्‍याई खोक्‍दु छाङगो झ्‍युङालाक। धेनी होझ्‍येरी ठीम्‍चो़गी ङीमाला, होराङला ॱलोगोक केगीलाक। घीझ्‍येरी ॱनाना दे जीक्‍तेनदु, येशु घारे हीन्‍गीनगो च्‍योक्‍रे होराङ लाक।