ईब्‍रीपा 10:14 - ॱलोवा

¹⁴ ॱमारछो़ च्‍यीकगी गोने धाम्‍पा जेये हीन्‍गीनक्‍याला, धी़ तेनगी क्षीदु फी़न्‍सुम छोक्‍पा जे हो़तालाक।

ईब्‍रीपा 10:14 Iomraidhean Croise

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

जेपा 26:13

ग्‍यावु ला, होदे ङीङमो ङा लाम्‍गाला डी़ घाङला, ङीमागी हो़ने साला हो़क च्‍यीक ॱनामने ङा धाङ ङी रोवाक्‍या खाला स्‍यारजुङ।

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

ईब्‍रीपा 10:1

क्षो़ठीम नी, हुङये हीन्‍गीन दो़न शाङाक्‍याई, ॱयीप ॱङोन्‍नेगो मालाक हीना होदेक्‍याई ढीम्‍जाक च्‍यीगा लाक। होझ्‍येरी लो तेनग्‍याङ च्‍योई पुगीन ॱमारछो़गी गोने, क्षो़पा पुरु हुङगीनक्‍याला याङदाक्‍पा नामा शो ॱमीथुक्‍वालाक।

ईब्‍रीपा 10:10

धेनी होदे थुकोङगी गोने, थेङ च्‍यीकला राङ घीरीगी क्षीदु, येशु मास्‍यीकाई कुशुकगी ॱमारछो़गी थोक्‍ने, होराङक्‍या धाम्‍पा जे हो़तालाक।

ईब्‍रीपा 10:12

हीना मास्‍यीकागी धी़ तेनगी क्षीदु, थेङ च्‍यीकला धीक्‍पा सेयेगी ॱमारछो़ पुरी, खोङ को़न्‍क्षोकगी क्षाक ॱयेरु श्‍युक्‍वा जेपालाक।

ईब्‍रीपा 13:12

होझ्‍येरी येशुगीयाः राङगी कुठाकगी गोने मीक्‍याला धाम्‍पा जेयेला, गेघोगी फीला दुक्‍पु ङ्यावालाक।

ईब्‍रीपा 2:11

घीझ्‍येरी ॱनाना धाम्‍पा जेगेन धाङ धाम्‍पा झ्‍युजा घीरीगी याप च्‍यीक्‍पा लाक। होझ्‍येरी खुङक्‍याला पी़न ॱनेरी, भो़येला येशुगी ङोजा मेजेदालाक।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,