ईब्‍रीपा 10:1 - ॱलोवा

¹ क्षो़ठीम नी, हुङये हीन्‍गीन दो़न शाङाक्‍याई, ॱयीप ॱङोन्‍नेगो मालाक हीना होदेक्‍याई ढीम्‍जाक च्‍यीगा लाक। होझ्‍येरी लो तेनग्‍याङ च्‍योई पुगीन ॱमारछो़गी गोने, क्षो़पा पुरु हुङगीनक्‍याला याङदाक्‍पा नामा शो ॱमीथुक्‍वालाक।

ईब्‍रीपा 10:1 Iomraidhean Croise

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

कोलोसेपा 2:17

देक्‍या नी हुङये हीन्‍गीन ॱनेछुगी ढीम्‍जाक च्‍यीका लाक हीना ङोतोकगो मास्‍यीका लाक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 7:11

धा मीमाङक्‍याला ॱनाङना क्षो़ठीमला तेन्‍दी, लेवी क्षो़पो़नगी घोक्‍जा थोक्‍ने फी़न्‍सुम छोक्‍पा थोप्‍ये हीन्‍ना, आरोनगी ग्‍युपाने मेन्‍दा मेल्‍कीजेदेक च्‍योक्‍रे, श्‍येम्‍मा क्षो़पो़न झ्‍युङघोये हो़तालाक से?

ईब्‍रीपा 8:5

होदे क्षो़पो़नक्‍या नाम्‍खे श्‍यीङखामगी ॱनेसागी पे धाङ ढीम्‍जाक हीन्‍गीन, धाम्‍पे धाम्‍पा ॱनेसारु श्‍याप्‍ची श्‍युवालाक घीझ्‍येरी ॱनाना मोशेगी धाम्‍पे घुरखाङगो शोये झ्‍यीदाराङ, को़न्‍क्षोकगी देरे का जेपालाक, “रीरु ख्‍यो़ला तो़न्‍गीन पेला तेन्‍दी, ख्‍यी़ दे घीरी शो़।”

ईब्‍रीपा 9:11

होझ्‍येरी मास्‍यीका नी, धान्‍दा झ्‍युजा शाङा घीरीगी चो क्षो़पो़न झ्‍युवालाक। धेनी खोङबा मीगी लाक्‍पागी शो़सा मेन्‍दा, याङना जीक्‍तेन देगी मेन्‍गीन घुरखाङ चाक्षेस्‍योक धाङ याङदाक्‍पागी नाङने फेप्‍पालाक।

ईब्‍रीपा 9:23

नाम्‍खे श्‍यीङखामगी पेला हो़गीन, घुरखाङ धाङ दे नाङला हो़गीन घीरीला, ॱमारछो़गी चाङमा झ्‍यीघो़। हीना को़न्‍क्षोकगी श्‍यीङखामदु हो़गीनक्‍याला, देले ल्‍हाक ॱमारछो़ शाङा घो़वालाक।

ईब्‍रीपा 9:25

चो क्षो़पो़न राङगी मेन्‍गीन ठाक खेरती, लो रे-रेला धाम्‍पे धाम्‍पा ॱनेसारु फेप्‍कीन च्‍योक्‍रे, मास्‍यीका नाम्‍खे श्‍यीङखामदु राङला याङ-याङ पुयेला फेप्‍पा मालाक।