ईब्‍रीपा 1:4 - ॱलोवा

⁴ खोङला थोप्‍था छेन नी नाम्‍खे भाङछेनक्‍याई, छेन ले थोवा लाक होझ्‍येरी खोङबा खुङक्‍याने ल्‍हाक खाक्‍क्षे को़ जेपालाक।

ईब्‍रीपा 1:4 Iomraidhean Croise

एफीसुपा 1:21

धेनी खोङबागी मास्‍यीकाला ठीम धाङ वाङ धेनी नी़थु धाङ ग्‍यासी घीरी धेनी दे धी़रापगी च्‍यीगा मेन्‍दा, माउपारगी धी़रापला हुङगीन छेन घीरीले थो़स्‍योक को़ जेपालाक।

कोलोसेपा 1:18

खोङ राङगी कुसोक हीन्‍गीन, क्षो़छोकगी उ लाक। खोङ थोक्‍मागो लाक धेनी घीरीगी थोकला खोङ थोस्‍योक झ्‍युङयेला, खोङ छीवाने सो़न्‍गीन गोमागो लाक।

कोलोसेपा 2:10

धेनी मास्‍यीकागी नाङ खेक्‍या फी़न्‍सुम छोक्‍पा जे हो़तालाक। खोङ नी, पो़न्‍पो घीरी धाङ वाङग्‍युर झ्‍यीगीन घीरीगी उ लाक।

२ थेसालोनीकेपा 1:7

धेनी खे दुक्‍पु ङ्याङगीनक्‍याला हीकीमुला, खोङबागी ङासु ॱनाङगीलाक। चोवो येशु राङगी तोप स्‍युक्‍चेनगी भाङछेनक्‍यामुला नाम्‍खे श्‍यीङखामने, मेचे भारकीन नाङने ज्‍याली घाङला दे झ्‍युङगीलाक।

ईब्‍रीपा 1:9

खेराङगी ढाङतेनला चेवा जे हो़तालाक धेनी मेढाङाला दाङा जे हो़तालाक। होझ्‍येरी को़न्‍क्षोक, खेराङगी को़न्‍क्षोकगी खेराङला राङगी रोवाक्‍याने ल्‍हाक थोवा जेदी, ॱनुम ढी़री दामा जेदी, घाटो ॱनाङ हो़तालाक।”

ईब्‍रीपा 12:17

खेक्‍याला स्‍येये हो़तालाक, होदे स्‍याम्‍ने खी़ खोरी थोप्‍ताङगी झ्‍यीलापगो थोप्‍ये दो़पा झ्‍यीदाराङ, खोला ॱमाथोप्‍पालाक। धेनी खी़ क्षीमाक तारी श्‍योवा पुनाः, घी झ्‍युसागीनगोला खी़ घीयाः ग्‍युर ॱमाथुक्‍पालाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।