ईब्‍रीपा 1:13 - ॱलोवा

¹³ को़न्‍क्षोकगी नाम्‍खे भाङछेनक्‍याने सुला, देरे नामा सुङा माजे हो़तालाक, “ख्‍यी़ डाक्‍याला ङी, ख्‍यी़ काङबी होकदु माश्‍याक थुक्‍पे, ख्‍यो़ ङी ॱये स्‍योकला धो़क।”

ईब्‍रीपा 1:13 Iomraidhean Croise

मेथा 22:44

‘चोवो को़न्‍क्षोकगी ङी चोवोला सुजुङ, ख्‍यी़ डाक्‍याला ख्‍यी़ श्‍याप होकदु ङी ॱमाच्‍युक थुक्‍पे, ख्‍यो़ ॱङी लाक्‍पा ॱये स्‍योकला धो़क।’

मारकु 12:36

दावीद खोराङगी धाम्‍पे थुक्‍ङीगी थोक्‍ने देरे ॱनेवालाक, ‘चोवो को़न्‍क्षोकगी ङी चोवोला सुजुङ, ख्‍यी़ डाक्‍याला ख्‍यी़ काङबा होकला, ङी माश्‍याक्‍कीन थुक्‍पे, ख्‍यो़ ङी क्षाक ये स्‍योकला धो़क।’”

लुका 19:27

हीना ङा ग्‍यावु झ्‍युङगीनगो ॱमेथेगीन ङी डाक्‍याला दुरु ठीक्‍ती स्‍योक धेनी खुङक्‍याला ङी दोङदुराङ सो़क।’”

लुका 20:42

घीझ्‍येरी ॱनाना सुङगुरगी धेपला दावीद खोराङगी ॱनालाक, ‘चोवो को़न्‍क्षोकगी ङी चोवोला सुजुङ, ङा ख्‍यी़ डाक्‍याला, ख्‍यी़ काङबी होकला माश्‍याक्‍कीन थुक्‍पे, ख्‍यो़ ङी ॱये स्‍योकला धो़क।’

जेपा 7:55

हीना खो धाम्‍पे थुक्‍ङीगी खारी, नाम्‍खे श्‍यीङखाम स्‍योकला तेरी धेपालाक। खी़ को़न्‍क्षोकगी शीजे धाङ चोवो येशुला, को़न्‍क्षोकगी ॱये स्‍योकला श्‍यारी श्‍युक्‍कीन थोवालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ॱङो़न्‍पा 20:15

धेनी छेसोकगी धेप नाङदु मीङ माढीक्‍टाक्‍या घीरी, होदे मेगी छो नाङदु ॱयुक्‍पालाक।