ईब्‍रीपा 1:1 - ॱलोवा

¹ एम्‍मा को़न्‍क्षोकगी होरी धाङबी फामाक्‍यामुला ॱङो़नस्‍येखेनक्‍याई थोक्‍ने, थेङ माङपो धाङ थापस्‍यी माङाने का सुवालाक।

ईब्‍रीपा 1:1 Iomraidhean Croise

लुका 1:72

खोङबागी होरी धाङबी मेमेक्‍याला ॱङीङजे जेये, धाङ राङगी धाम्‍पे धाम्‍चागो ढेन्‍सो़ जेयेला,

लुका 24:27

धेनी मोशे धाङ ॱङो़नस्‍येखेन घीरीने गो चुक्‍ती, सुङराप घीरी नाङने, खोङबागी कोरला सुङगीन घीरीगी दो़न्‍दाक, खुङक्‍याला खोङबागी टो जेपालाक।

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

योहान्‍ना 16:13

धेनी धेन्‍पागी थुक्‍ङी फेई घाङला, खोङगी खेक्‍याला धेन्‍पा घीरी नाङदु ठीया जेगीलाक। खोङबागी राङगी थोक्‍ने सुङगीमालाक हीना खोङगी घी सेन्‍गीनगो सुङा जेगीलाक धेनी माउपारगी दो़नक्‍या खेक्‍याला स्‍येगीलाक।

योहान्‍ना 7:22

मोशेगी खेक्‍याला पाउ चेगीन ॱरो ॱनावालाक धेनी खेक्‍या ङासुगीन ङीमाला राङगी भुला होदे ॱरो दे झ्‍यीदालाक। (दे ॱरो दे मोशेने मेन्‍दा, होरी धाङबी फामाने झ्‍युवालाक।)

योहान्‍ना 9:29

को़न्‍क्षोकगी मोशेला कामो़न सुङगीनगो हेक्‍याला स्‍येयेहो़क हीना दे मी दे घाने हुङगीनगो हेक्‍याला स्‍येयेमेक।”

जेपा 13:32

धा हेक्‍या खेराङक्‍याला दे ताम्‍शाङ स्‍येयेहीन, को़न्‍क्षोकगी होरी धाङबी फामाक्‍याला जेजा धाम्‍चा,

जेपा 2:30

हीना दावीद ॱङो़नस्‍येखेन लाक धेनी खोङगी ग्‍युपाक्‍याने च्‍यीक, खोङगी श्‍युक्‍ठीला श्‍युक्‍कुलाक ॱनेरी, को़न्‍क्षोकगी जेजा धाम्‍चागो खोङला स्‍येये हो़तालाक।

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 3:21

हीना एम्‍माने हाला धाम्‍पा ॱङो़नस्‍येखेनक्‍याई सुङगीन च्‍योक्‍रे, को़न्‍क्षोकने घीरी साबा जेगीन धी़चो़ मायोङ थुक्‍पे, येशु नाम्‍खे श्‍यीङखामदु राङ श्‍युक घोगीलाक।

ईब्‍रीपा 11:18

होदे भीजागी कोरला को़न्‍क्षोकगी खोला सुवालाक, “ईसाकगी थोक्‍नेराङ ख्‍यी़ भुग्‍युगी मीङ थोप्‍कीलाक।”

ईब्‍रीपा 11:2

घीझ्‍येरी ॱनाना धेपागी गोनेराङ, धाङबी मीक्‍याला को़न्‍क्षोकगी थुक्‍ङेउ जेपालाक।

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 2:2

नाम्‍खे भाङछेनक्‍याई सेटाक झ्‍येजा, कागो ॱङोन्‍नेगी धेन्‍पा हीन्‍गीन झ्‍येरी, क्षो़ठीम ॱमीरुङगीन धाङ काला मेङेन्‍गीनक्‍याई क्षीदु, थोप घोये छेपागो फोक हो़तालाक।

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

ईब्‍रीपा 3:5

धा मोशे नी को़न्‍क्षोकगी नाङमीमुला श्‍याप्‍चीपा च्‍योक्‍रे, ॱलोते छोक्‍पा हो़गीन झ्‍येरी, माउपारला को़न्‍क्षोकगी सुङये हीन्‍गीन कागी कोरला, खी़ पाङपो झ्‍येवालाक।

ईब्‍रीपा 4:8

घीझ्‍येरी ॱनाना योस्‍युआगी खुङक्‍याला ङासु तेर हो़ना, को़न्‍क्षोकगी स्‍याम्‍ला ङासुगी ङीमा श्‍येम्‍मागी कोरला सुङा जेये मेतालाक।

ईब्‍रीपा 5:5

देरेराङ झ्‍येरी मास्‍यीकागीयाः चो क्षो़पो़न झ्‍युङयेला, राङगी राङला कुरती माजेपालाक हीना खोङला देरे सुङगीन को़न्‍क्षोकगी खोङला को़वालाक, “ख्‍यो़ नी ङी भु लाक। धीरीङ ङा ख्‍यी़ याप झ्‍युङ हो़क।”

ईब्‍रीपा 9:19

मोशेगी क्षो़ठीमगी का रे-रे मी घीरीला ढोक सारती, खी़ भी धाङ राक्‍याई ठाक धाङ क्षु ॱरेवालाक धेनी खुलु ॱमाउ धाङ हीसोप ॱनागीन चीस्‍यीङगो, होदे ठाकला बारी क्षो़ठीमगी पेजा धाङ मीक्‍याई खाला तोरपालाक।