गालातीयापा 6:9 - ॱलोवा

⁹ धेनी शाङा झ्‍यीयेला होराङक्‍या थाङ क्षेये मेतालाक घीझ्‍येरी ॱनाना हुरे झ्‍यीना होराङला ढेबु धी़चो़ ताक-ताकला राक्‍कीलाक।

गालातीयापा 6:9 Iomraidhean Croise

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 24:13

हीना था थुक्‍पे शो़पा घोम्‍गीनगोला, थारपा थोप्‍कीलाक।

मेथा 25:17

होझ्‍येरीराङ सेरगी टाङगा ङीतोङ हो़गीनगी़, यालीङ टाङगा ङीतोङ साक्‍पालाक।

मेथा 9:19

येशु या श्‍येङदी, खोरी ङेनेक्‍यामुला खी़ स्‍याबाला फेप्‍पालाक।

मारकु 3:3

येशुगी होदे लाक्‍पा काम्‍गा मीला “लारी दुरु स्‍योक।” ॱनेरी सुवालाक।

लुका 18:1

धेनी च्‍योई सोवा धेप्‍ये धाङ सेमस्‍युक मेक्षाक्‍येगी क्षीला, येशुगी ङेनेक्‍याला पे च्‍यीक सुवालाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

२ कोरीन्‍थुपा 4:1

होझ्‍येरी को़न्‍क्षोकगी ॱङीङजेगी गोने, हेक्‍याला दे श्‍याप्‍ची दे थोप्‍ती हेक्‍या सेमस्‍युक ॱमेक्षाक।

२ कोरीन्‍थुपा 4:16

होझ्‍येरी हेक्‍या सेमस्‍युक छाक्‍ती मेधेहो़क। हीकी फीदी ली़ ङ्याम्‍दी डोनाः, हीकी सेम्‍ङी नी श्‍याक्‍मो डाई साबा झ्‍युरी डोवालाक।

२ कोरीन्‍थुपा 9:6

ङी ॱनागीनगी दो़न नी दे लाक, साङा ङ्युङा ताप्‍कीनगी लोदोक ङ्युङा दुवालाक धेनी साङा माङा ताप्‍कीनगी लोदोक माङा दुवालाक।

एफीसुपा 3:13

खीकी क्षीला ङी ङ्याङगीन दुक्‍पु दे, खेक्‍याला फेन्‍येला लाक। होझ्‍येरी खेक्‍या सेमस्‍युक ॱमाक्षाक ॱनेरी, ङा श्‍योवा पुलाहीन।

२ थेसालोनीकेपा 3:13

पी़न्‍दाक्‍याओ, खेक्‍या शाङा झ्‍यीयेला थाङ ॱमाछे।

ईब्‍रीपा 12:3

खेक्‍या थाङ ॱमेछेये धाङ सेमस्‍युक ॱमेछाक्‍येगी क्षीला, धीक्‍चेनक्‍याने हुरे ङोलोकक्‍या शो़पा जेगीन, खोङबा येशुला साम्‍लो तोङ।

ईब्‍रीपा 12:5

खेक्‍याला सेक्‍या सुरी भो़ जेगीन, खोङबागी ॱलापच्‍याक्‍या खेक्‍याई ढेन्‍बा ज्‍येसाले? “ङी भु, चोवोगी ॱलापच्‍याला ॱनाङमे ॱमाची, धेनी खोङबागी काको़न जेदाराङ सेम ॱमाफाम।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

याकोब 5:7

होझ्‍येरी पी़नक्‍याओ, चोवो धाब्‍ले ॱमाफेप थुक्‍पे शो़पा झ्‍यी। पीगी क्षावा धाङ तो़न्‍गी क्षावा माभाप थुक्‍पे, श्‍यीङबाक्‍या शो़पा झ्‍येरी साश्‍यीगी लोदोक चाक्षेला घुक्‍ती धेगीनला, तो़दाङ।

१ पेटो 2:15

घीझ्‍येरी ॱनाना को़न्‍क्षोकगी थुकोङ नी, खेक्‍याई शाङा झ्‍येरीराङ मी ॱलेन्‍पाक्‍याई तीमुकला खा काक्‍ये लाक।

१ पेटो 3:17

घीझ्‍येरी ॱनाना, को़न्‍क्षोकगी थुकोङ हो़ना, ङेन्‍पा झ्‍येरी ङ्याङयेनेः शाङा झ्‍येरी ङ्याङये दे घागुलाक।

१ पेटो 4:19

होझ्‍येरी, को़न्‍क्षोकगी थुकोङगी थोक्‍ने दुक्‍पु ङ्याङगीनक्‍या, ले शाङा झ्‍यीदी घाङला राङगी ॱरोक ॱलोते छोक्‍पा को़न्‍क्षोकला च्‍योघो़।

ॱङो़न्‍पा 2:17

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली, होदेगोला ङा बेरी श्‍याकश्‍या ॱमान्‍नागो तेरयेहीन। धेनी होदेला ङा मीङ साबा ढीक्‍टा, धो काउ च्‍यीक तेरयेहीन। होदे थोप्‍कीनगी़ च्‍यीगा होदे मीङ स्‍येगीलाक।

ॱङो़न्‍पा 2:3

धेनी ङी मीङगी दो़न्‍दु खेक्‍याई शो़पा घोम्‍गीन धाङ दुक्‍पु ङ्याङगीनगो, ङाला स्‍येयेहो़क। धेनी खेक्‍या धोराङा थाङ ॱमाछेदुक।

ॱङो़न्‍पा 2:7

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली होदेगोला, ङा को़न्‍क्षोकगी श्‍यीङखामदु हो़गीन छेसोकगी दोङबोने शायेगी आङजा तेरयेहीन।