गालातीयापा 6:4 - ॱलोवा

⁴ हीना रे-रेगी राङगी लेगाला ताक्‍चा झ्‍यीघोगीलाक। देरे झ्‍यीना खी़ राङला श्‍येम्‍मामुला मादुरा, राङगी च्‍यो़पाला ङोम्‍सो झ्‍यी थुक्‍कीलाक।

गालातीयापा 6:4 Iomraidhean Croise

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

१ कोरीन्‍थुपा 11:28

मी घीरीगी राङगी सेमला ताक्‍चा झ्‍यीघो़ धेनी च्‍यीगा ग्‍याङगा शाघो़ धेनी फोराने थुङघो़।

१ कोरीन्‍थुपा 3:14

धेनी ॱमाङस्‍यी दी खाला चीक्‍चागो ॱनेना, चीक्‍गीनगोला ज्‍यागा थोप्‍कीलाक।

१ कोरीन्‍थुपा 3:8

साङा ताप्‍कीन धाङ क्षु ॱलुक्‍कीन नी, च्‍यीक्‍पा लाक धेनी खुङक्‍याला राङगी काल्‍ले ग्‍याप्‍कीनगी छो़लाराङ ॱलाज्‍या थोप्‍कीलाक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 13:5

राङगी धेपाला खेक्‍या ॱनेदुई याङना मीदुई ॱनेरी, राङला ताक्‍चा झ्‍यी। राङला छो़ता झ्‍यी। छो़ताला ॱमेथारना, येशु मास्‍यीका खीकी नाङ ॱनेगीनगो खेक्‍याई स्‍येघु मालाक से?

गालातीयापा 6:13

याहुदापा पाउ चेगीन ॱरो ॱरुङगीनक्‍यागीया क्षो़ठीम ॱमीरुङालाक। हीना खुङक्‍या खीकी दो़नने राङला तो़टा राक्‍येला, खेक्‍याई पाउ चेगीन ॱरो ॱरुङये दो़पा झ्‍यीदालाक।

फीलीप्‍पीपा 1:26

होझ्‍येरी ङा खीकीचारु धाब्‍ले हुङी घाङला, ङी केनगी खेक्‍याला मास्‍यीका येशु खाला ङोम्‍सो झ्‍यीयेगी दो़न माङा थोप्‍कीलाक।