गालातीयापा 6:3 - ॱलोवा

³ मी च्‍यीकगी राङ घीया मेन्‍दा राङला च्‍यीक हीन ॱनेरी साम्‍ना, खी़ राङ-राङला गोकोर ताङालाक।

गालातीयापा 6:3 Iomraidhean Croise

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

जेपा 5:36

धी़ च्‍यीकला थेहुदा ॱनागीन मी च्‍यीक राङ-राङला मी खाक्‍क्षे च्‍यीक हीन ॱनेरी होवालाक। धेनी मी श्‍यीपग्‍या चो़ खी़ स्‍याबाला डावालाक। हीना खोला सेपालाक धेनी खी़ स्‍याम्‍ला डागीन घीरी ठेथोरी सोरी, खी़ लेगा घीरी मेताला सोवालाक।

रोमापा 12:16

च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 8:2

मी च्‍यीकगी “ङाला स्‍येयेहो़क” ॱनेरी साम्‍ना, खी़ स्‍येघो़गीनगो खी़ ॱमेस्‍येलालाक।

२ कोरीन्‍थुपा 12:11

ङा कुक्‍पा झ्‍युहो़क। देरे झ्‍यीयेला खीकी ङाला उजुक झ्‍यीदु च्‍युक्‍जुङ। खेक्‍याने ङाला तो़टा थोप घोयेहो़क घीझ्‍येरी ॱनाना ङा घी च्‍यीया मेन्‍नाः, खाक्‍क्षे कुछापक्‍याने ङा ॱमावा मेन।

२ कोरीन्‍थुपा 3:5

हीकी लेगा घारे च्‍यीक झ्‍येहो़ना, होदे राङगी जो़न्‍दाङने हीन ॱनेरी मेसाम्‍हो़क हीना हीकी जो़न्‍दाङ नी, को़न्‍क्षोकने झ्‍युङालाक।

गालातीयापा 2:6

धेनी पो़न्‍पोक्‍या घाजो़ ओजोखा हो़ना, ङाला घीया झ्‍यी़दोक माझ्‍युजुङ घीझ्‍येरी ॱनाना को़न्‍क्षोकगी मीला ॱयेवा टाला मेजेदालाक। होदे पो़न्‍पोक्‍याई ङी स्‍येगीन लाबक्‍या खाला घीया ॱनो़न्‍गा ग्‍याप्‍की मीदुक।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

याकोब 1:22

काला ङेन्‍ये च्‍यीगा झ्‍युरी, राङला गोकोर ॱमाताङ हीना काला सुङगीन च्‍योक्‍रे झ्‍यीगीन झ्‍युङ।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

१ योहान्‍ना 1:8

होरी धीक्‍पा माझ्‍येहो़क ॱनेरी ॱनाना, होराङक्‍या राङला गोकोर ताङालाक धेनी होरी नाङ धेन्‍पा मेयोङालाक।