गालातीयापा 6:17 - ॱलोवा

¹⁷ ङी शुला येशुगी ॱमागी ताकक्‍या हो़गीन झ्‍येरी, धा देने ॱहाला सी़या ङाला दुक्‍पु ॱमाताङास्‍योक।

गालातीयापा 6:17 Iomraidhean Croise

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

२ कोरीन्‍थुपा 1:5

घीझ्‍येरी ॱनाना होराङ मास्‍यीकागी दुक्‍ङेलला घाजो़ माङा थेदुई, होदेरेराङ झ्‍येरी मास्‍यीकागी थोक्‍ने, को़न्‍क्षोकगी होराङला सेम्‍सो मेछो़ली ॱनाङगीलाक।

२ कोरीन्‍थुपा 4:10

धेनी येशुगी छेसोक हीकी ली़ला ॱङो़न्‍दास्‍योक ॱनेरी, हेक्‍या च्‍योई खोङबागी छीवागो हेरी ली़ला खेरती ग्‍युक्‍यीहो़क।

गालातीयापा 1:7

ताम्‍शाङ श्‍येम्‍मा नी, हो़या मेतालाक हीना मी रीङगागी खेक्‍याला टुक्‍ती, मास्‍यीकागी ताम्‍शाङगोला ॱयो़ये झ्‍यीदीक।

फीलीप्‍पीपा 3:10

ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

ॱङो़न्‍पा 13:16

धेनी होदेगी च्‍युङा धाङ क्षे धेनी क्षुक्‍पु धाङ उटे धेनी राङवाङ हो़गीन धाङ ढेन्‍योक घीरीला, खुङक्‍याई लाक्‍पा ॱये याङना टाल्‍लेला ताक ग्‍याप्‍तु च्‍युक्‍पालाक।

ॱङो़न्‍पा 13:17

धेनी होदे ताक दे मेताला सी़या ङ्यो-चोङ झ्‍यी ॱमेछोक्‍वालाक। होदे ताकगो, होदे सेम्‍चेन धाङपोगी मीङ याङना होदेगी मीङगी ढाङगा लाक।