गालातीयापा 6:15 - ॱलोवा

¹⁵ साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

गालातीयापा 6:15 Iomraidhean Croise

रोमापा 2:26

धा हुरे हीन्‍ना, पाउ चेगीन ॱरो ॱमीरुङगीन, मी च्‍यीकगी क्षो़ठीमगी काक्‍या ॱरुङना, खोला पाउ चेगीन ॱरो ॱरुङगीन मी च्‍योक्‍रे चीगीमाले?

रोमापा 2:28

घीझ्‍येरी ॱनाना फीदाने च्‍यीगा, याहुदापा हीन्‍गीनगो ॱङोन्‍ने याहुदापा मालाक। धेनी पाउ चेगीन ॱरोगोवाः फीदाने धाङ ली़ने च्‍यीगा ॱरुङये मालाक।

रोमापा 6:4

होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

१ कोरीन्‍थुपा 7:19

पाउ चेदी ताक ग्‍याप्‍ना घीया मालाक धेनी पाउ चेगीन ताक मेग्‍याप्‍नाः घीया मालाक। को़न्‍क्षोकगी का ॱरुङयेगो चाक्षे लाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 2:15

दे नी खोङबागी याहुदापा क्षो़ठीमगी काठीम घीरी, मेताला जेदी राङगी थोक्‍ने खाक ॱङीउगी छापला साबा च्‍यीकला दोम्‍दी, श्‍यीदे जेपालाक।

एफीसुपा 4:24

धेनी को़न्‍क्षोकगी स्‍यीकाला धेन्‍पे ढाङतेन धाङ धाम्‍पाला को़का स्‍यीका साबागो लेन ॱनेरी, खेक्‍याला ॱलाप हो़तालाक।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

ॱङो़न्‍पा 21:5

श्‍युक्‍ठीदु श्‍युवा जेगीनगी ङाला सुजुङ, “तो़दाङ, ङी दो़न घीरी साबा शी़हो़क।” धेनी खोङबागी दे सुजुङ, “दे लाबक्‍या ढीक घीझ्‍येरी ॱनाना दे लाबक्‍या ॱलो काथुक्‍वा धाङ धेन्‍पा दुक।”